Zakarii 7:7 - Mbeti ti Nzapa - Tënë so amu fini

⁷ Ando, KOTA GBIA azia mara ti atënë tongaso na yanga ti awayanga-Nzapa ti tene ni awe. Ala tene tënë ni na ngoi so Jérusalem na agbata so angoro ni ayeke na siriri si na sese ti mbage ti Mbongo nga na ti *Kodro-ti-gbeni, azo asi singo daa.

Zakarii 7:7 ပူးပေါင်းရင်းမြစ်များ

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Jérémie 13:19

A kanga lege ti lingo na ya ti agbata ti mbage ti Mbongo awe; zo oko ti zingo ayanga ni ayeke daa pepe. A gbu azo ti Juda kue, a gue na ala na kodro wande; a gue na ala kue kue kue na kodro wande.”

Jérémie 17:26

Tongaso nga, fade azo ayeke londo na ya ti agbata ti Juda, na ya ti akodro so angoro Jérusalem nga na sese ti Benjamin ti ga; ambeni ayeke londo na *Kodro-ti-gbeni, na Kodro-ti-nduzu nga na sese ti Negev ti ga. Ala yeke ga na ya ti kota da ti Nzapa ti mu na KOTA GBIA amara ti *sandaga nde nde: sandaga so a yeke gbi ni kue na wâ, asenge sandaga, sandaga ti ale ti kobe wala ti dukani na sandaga ti mungo singila.

Jérémie 22:21

Lani mbi gboto mê ti mo na ndembe so mo duti na siriri, me mo kiri tënë: ‘Zia mê ti mbi, mbi ke awe!’ So fini ye pepe: sarango ye ti mo ngbene ye na molenge laa; laoko mo ma tënë ti mbi pepe!

Jérémie 32:44

Biani, fade azo ayeke kiri ti vo ayaka na sese ti Benjamin, na ya ti akodro so angoro Jérusalem, na ya ti agbata ti Juda, na ya ti agbata ti Kodro-ti-nduzu, agbata ti *Kodro-ti-gbeni na ti Negev. Ala yeke su ambeti ti vongo yaka ni, ala yeke kpo anzoroko na ndö ti ambeti ni ti kanga na yanga ni, ala yeke iri azo ti duti na tere ni. Biani, fade mbi yeke kiri na agbata ni na kozo ndo ti ala; so tënë ti yanga ti KOTA GBIA laa.”

Jérémie 33:13

Na ya ti agbata ti Kodro-ti-nduzu na ti agbata ti *Kodro-ti-gbeni na ti Negev, na sese ti Benjamin, na ya ti akodro so angoro Jérusalem nga na ya ti agbata ti Juda, fade ataba na angasa ayeke kiri na gbe ti maboko ti wabatango ala so ayeke diko ala”; tënë so KOTA GBIA atene laa.

Jérémie 44:4

Mbi mu ngoi ti mbi kue ti tokua na ala na peko ti tere, na peko ti tere, azo ti kua ti mbi so ayeke awayanga-Nzapa ti tene na ala: ‘Be ti mbi ake asioni sarango ye so zo alingbi ti baa na le ti lo fani use pepe so; ala sara ni pepe!

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Jérémie 7:5

Me ayeke nzoni, ala sara si lege ti dutingo ti ala na sarango ye ti ala aga nzoni: tongana azo use ague na ngbanga, alingbi ala fâ ngbanga ti azo ni na legeni;

Zakarii 7:12

Ala kiri akpengba be ti ala ngangu tongana diaman; ala ke ti ma atënë ti ndia na atënë ti KOTA GBIA; atënë so KOTA GBIA so ayeke na ndö ti dunia kue afa na ala na lege ti Yingo ti lo si akozo wayanga-Nzapa afa peko ni so. Tongaso ngonzo agbu KOTA GBIA mingi, lo so lo yeke na ndö ti dunia kue so.

Zakarii 7:6

So lani ala yeke te si ala yeke nyon so, ala sara ni gi ndali ti ala wani pepe?”

Zakarii 7:8

Tënë ti KOTA GBIA asi na Zakarii, atene:

Ndia ti fani use ni 34:3

KOTA GBIA afa nga na lo sese ti Negev, lando ti Jourdain, na popo-hoto ti Jéricho – so ti tene gbata ti Amburu – ngbii asi na Soar.