Zakarii 7:3 - Mbeti ti Nzapa - Tënë so amu fini

³ ti hunda tënë so na awayango-sandaga so ayeke sara kua na ya ti kota da ti KOTA GBIA so ayeke na ndö ti dunia kue nga na awayanga-Nzapa; hundango tënë ni ayeke so: “Alingbi e ngba ti toto, ti ke kobe na nze oku ni ti sambela tongana ti so e sara na ya ti angu mingi so ahon so?”

Zakarii 7:3 ပူးပေါင်းရင်းမြစ်များ

Esdras 3:10

So azo ti lekengo kota da ti KOTA GBIA alu gere ti da ni awe, awayango-sandaga ayu abongo ti ala ti kua, ala mu atatalita si ala ga ti mu ndo ti ala. *Ahale ti Asaf, azo ti mara ti Lévi amu wen so atoto ngangu si ala na awayango-sandaga ni asepela KOTA GBIA alingbi na lege so David, gbia ti Israel, afa na ala.

Zo ti bongbingo azo 3:4

Ngoi ti toto ayeke daa, ngoi ti hengo ngia ayeke daa; ngoi ti demango tere ayeke daa, ngoi ti dodo ayeke daa.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Joël 2:17

Ayeke nzoni awayango-sandaga so ayeke sara kua ti *KOTA GBIA, ala luti na popo ti yanga ti da na gbalaka, ala toto. Ala voro tere ti ala na Nzapa, atene: “KOTA GBIA, baa mawa ti azo ti mo, sara si kamene agbu le ti azo ti mo pepe si amara nde ahe ala pepe. Ngbanga ti nyen si azo alingbi ti tene na popo ti amara nde, atene: ‘Nzapa ti ala ni ayeke na ndo wa?’ ”

Aggée 2:11

“Tënë so KOTA GBIA so ayeke na ndö ti dunia kue atene ayeke so: Hunda na awayango-sandaga ti fâ ya ti tënë so:

Zakarii 7:4

Tongaso, tënë ti KOTA GBIA so ayeke na ndö ti dunia kue asi na mbi, atene:

Zakarii 7:5

Mo tene na azo ti kodro ni kue nga na awayango-sandaga, mo tene: “Asara laso ngu balembarambara awe so ala yeke ke kobe si ala yeke toto na nze oku ni nga na nze mbarambara ni; ala sara aye ni so ndali ti mbi?

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Matthieu 9:15

Jésus akiri tënë na ala: “Azo so a tisa ala na matanga ti mungo tere ti koli na wali, fade ala lingbi ti duti na vundu na ndembe so koli ni ade na popo ti ala? Oko pepe! Me ambeni lango ayeke ga so fade a yeke mu koli ni na popo ti ala, a hon na lo; na ngoi ni so laa fade ala yeke ke kobe.

1 Korente 7:5

Ala gbanzi tere ti ala na ndö ti gbogbo pepe, gi tongana ala ma tere na ya ti mbeni kete ngoi ti sambela. Na pekoni, ala kiri ti duti tongana ti kozo; tongaso pepe, fade ala yeke na ngangu ti kangango nzara ti tere pepe si Satan awara lege ti handango ala.

Ndia ti fani use ni 33:10

Ala yeke fa atënë ti ndia ti mo na azo ti mara ti Jacob, ala yeke fa ndia ti mo na azo ti Israel. Ala yeke zö dukani si ala yeke ya *asandaga so a yeke gbi ni kue na wâ na ndö ti gbalaka ti mo.