Zakarii 6:5 - Mbeti ti Nzapa - Tënë so amu fini

⁵ Ange ni akiri tënë na mbi: “Ala yeke andangoro osio ti le ti nduzu. Ala yeke luti ando na dawa ti *KOTA GBIA so ayeke Makonzi ti sese kue; fadeso ala londo ti hon.”

Zakarii 6:5 ပူးပေါင်းရင်းမြစ်များ

1 Agbia 19:11

KOTA GBIA atene na lo: “Sigigi! Gue mo luti na dawa ti mbi na ndö ti hoto. Mbi KOTA GBIA, mbi yeke ga ti hon.” Kozo titene KOTA GBIA ahon, mbeni kota pupu aya ngangu mingi, asuru ya ti ahoto si afâ ya ti atêne; me KOTA GBIA ayeke na ya ti pupu ni pepe. Na peko ti pupu ni, sese ayingi; me KOTA GBIA ayeke na ya ti sese so ayingi so pepe.

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

Mbeti ti Job 1:6

Mbeni lâ, ala so ayeke lango na yayu aga aluti na dawa ti *KOTA GBIA. Satan, lo so ayeke bi tënë na li ti zo, lo nga lo ga na popo ti ala.

Abia (Psaumes) 148:8

Ala wâ na *pembe ti bekpa, *neze na guru ti le ti ngu, ala sepela lo! Ala, na kota pupu so ayeke sara ye na peko ti yanga ti lo, ala sepela lo!

Abia (Psaumes) 68:17

Ngbanga ti nyen si mo hoto so li ti mo ayeke mingi mingi so, mo zia be na hoto so Nzapa asoro titene lo duti na ndö ni so? Biani, fade KOTA GBIA ayeke duti na ndö ni kpu na kpu.

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Jérémie 49:36

Ti londo na Banga asi na Mbongo, nga na To asi na Do, mbi yeke tokua apupu osio ti ga na mbage ti Elam. “Mbi yeke kangbi azo ti Elam na mbage kue. Azo ti Elam so akpe kodro ti ala ti gue na kodro wande, ala yeke duti na ya ti akodro mobimba.

Ezekiel 11:22

Tongaso, *asheruben azi ya ti *akpangi ti ala, aruu ni ayeke na tere ti ala. Gonda ti Nzapa ti Israel ayeke na ndö ti ala, na nduzu.

Ezekiel 37:9

Tongaso KOTA GBIA atene na mbi: “Molenge ti zo, tene peko ti tënë ti yanga ti mbi na ndö ti pupu; tene peko ti tënë ti yanga ti mbi, mo tene: Tënë so Kota Gbia NZAPA atene ayeke so: ‘Pupu, londo na andangoro osio ti sese kue, mo ya na ndö ti akuâ so si ala kiri ti duti na fini!’ ”

Daniel 11:4

Tongana lo duti ande gbia si gere ti lo agbu sese mbirimbiri awe, ya ti kodro ti lo ayeke fâ si ya ni ayeke kangbi na ndangoro osio ti le ti nduzu. *Ahale ti lo laa ayeke mu kodro ni na peko ti lo pepe. Fade a yeke zi kodro ni na maboko ti lo, a kangbi ni na popo ti ambeni zo nde. Me komandema ti azo ni ayeke lingbi na ti lo pepe.

Daniel 7:10

Mbeni wâ asigigi na dawa ti mbakoro ni si ayeke sua tongana ngu. Azo saki saki ayeke sara na lo si ambeni kutu mingi aluti na dawa ti lo. Awafango-ngbanga aduti si ala zi abuku.

Daniel 7:2

Lo tene: “Na bi, na ya ti mbeni ye so mbi baa tongana bango-li, mbi baa pupu so alondo na ndangoro osio ti le ti nduzu si ayingi le ti kota ngu-ingo ngangu mingi.

Zakarii 4:14

Tongaso lo tene na mbi: “Akeke ti olive ni ayeke akoli so a tuku mafuta na li ti ala si a zia ala nde ndali ti kua ti KOTA GBIA, lo so lo yeke Makonzi ti sese kue.”

Zakarii 6:1

Mbi kiri mbi yo le ti mbi na nduzu si na ya ti mbeni ye tongana bango-li, mbi baa apusu ti mbarata osio so alondo na popo ti ahoto use si ayeke ga. Ahoto ni ayeke na bengba wen.

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Nzoni Tënë so Luc asu na mbeti 1:19

Ange ni akiri tënë na lo: “Mbi yeke Gabriel, mbi yeke luti na le ti Nzapa ti sara na lo. Lo tokua mbi ti tene tënë na mo, ti tene nzoni tënë so na mo.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Ahebro 1:7

Tënë so Nzapa atene na ndö ti a-ange ayeke so: “Lo sara si a-ange ti lo aga tongana kota pupu; lo sara si azo ti kua ti lo aga tongana amenga ti wâ.”

Josué 3:11

Fade sanduku ti mbuki ti KOTA GBIA ti sese kue ayeke hon kozo ti ala na ya ti ngu ti Jourdain.

Aye so Nzapa afa 7:1

Na pekoni, mbi baa *a-ange osio, ala yeke luti na ndangoro osio ti sese kue. Ala yeke kanga lege na pupu osio so ayeke ya na ndö ti sese titene pupu ni aya na ndö ti sese, wala na le ti kota ngu-ingo wala na ndö ti akeke pepe.