Zakarii 6:12 - Mbeti ti Nzapa - Tënë so amu fini

¹² Na pekoni, mo tene na lo, mo tene: Tënë so KOTA GBIA so ayeke na ndö ti dunia kue atene ayeke so: Mbeni koli ayeke ge, iri ti lo ayeke: ‘Kete keke so asigigi’. Na ndo so kue lo yeke daa, akeke ayeke sigigi, fade lo yeke kiri ti leke kota da ti mbi.

Zakarii 6:12 ပူးပေါင်းရင်းမြစ်များ

2 Samuel 7:13

Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

Esdras 3:10

So azo ti lekengo kota da ti KOTA GBIA alu gere ti da ni awe, awayango-sandaga ayu abongo ti ala ti kua, ala mu atatalita si ala ga ti mu ndo ti ala. *Ahale ti Asaf, azo ti mara ti Lévi amu wen so atoto ngangu si ala na awayango-sandaga ni asepela KOTA GBIA alingbi na lege so David, gbia ti Israel, afa na ala.

Esdras 3:8

Na ngu use ni so ala si na Jérusalem, na ndo so kota da ti Nzapa ayeke lani daa, na use nze ni, Zorobabel, molenge ti Shealtiel, lo na Yeshua, molenge ti Yosadak, na tanga ti a-ita ti ala, na awayango-sandaga, na azo ti mara ti Lévi nga na azo so kue a gbu ala lani, a gue na ala na kodro wande si ala kiri na Jérusalem, ala to nda ti kua ni. Ala soro azo ti mara ti Lévi so ngu ti ala ayeke baleuse wala ahon so titene ala baa ndo na ndö ti akua ti lekengo da ti KOTA GBIA.

Ésaïe 11:1

Fade mbeni kete keke ayeke sigigi na tere ti nduru keke ti Yese; kete keke ayeke sigigi na gere ni.

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 53:2

Na le ti KOTA GBIA, zo ti kua ni akono tongana mbeni kete keke so ayeke sigigi, tongana gunda ti keke so ayeke sigigi na ya ti holengo sese. Lo kpa zo pepe, pendere ti lo so ayeke gboto zo ti baa ndo na mbage ti lo ayeke daa pepe. Mbeni nzoni ye na tere ti lo so anzere na e ayeke daa pepe.

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 33:15

Na lango ni so, gi na ngoi ni so, mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Ezekiel 37:25

Ala yeke duti na sese so mbi mu na zo ti kua ti mbi Jacob, sese so akotara ti ala aduti ando daa. Ala yeke duti daa kpu na kpu, ala na amolenge ti ala, na amolenge ti amolenge ti ala. Fade David, zo ti kua ti mbi ayeke duti makonzi ti ala lakue lakue.

Ezekiel 41:1

Koli ni ague na mbi na ya ti kota kubu ti kota da ti Nzapa. Lo haka kubu so a yeke hon daa ti li na ya ti kota kubu ni; adere ni ayo kudee omene na mbage, omene na mbeni mbage.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Mishe 5:5

Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Zakarii 3:8

“Yeshua, kota wayango-sandaga, mo ma mbi! Ala awayango-sandaga, ala so ala na lo ayeke sara kua so, ala ma mbi! Biani, ala awayango-sandaga, ala yeke tongana ye so ayeke fa na azo tënë ti mbeni ye so ayeke si ande. Mbi yeke sara si zo ti kua ti mbi aga, lo so iri ti lo ayeke ‘Kete keke so asigigi’.

Zakarii 8:9

Tënë so KOTA GBIA so ayeke na ndö ti dunia kue atene ayeke so: “Ala gbu ngangu! Ala ma fadeso atënë so awayanga-Nzapa atene na ngoi so a yeke zia agere ti kota da ti KOTA GBIA titene akiri asara da ni.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Matthieu 26:61

si ala tene: “Koli so atene lani, atene: ‘Mbi lingbi ti kungbi kota da ti Nzapa si mbi yeke kiri ti leke ni na ya ti lango ota.’ ”

Marc 14:58

“E ma lo lani, lo tene: ‘Fade mbi yeke kungbi kota da ti Nzapa so azo laa asara si na ya ti lango ota, mbi yeke sara mbeni nde so zo laa asara ni pepe.’ ”

Marc 15:29

Azo so ayeke hon na lege ayeke yingi li ti ala si ala yeke zonga lo, atene: “He! Mo so mo ye lani ti kungbi kota da ti Nzapa ti kiri ti leke ni na ya ti lango ota so,

Marc 15:39

Kapita ti aturugu ti Rome so aluti na dawa ti Jésus abaa lege so Jésus akui na ni si lo tene: “Taa-tënë, koli so ayeke Molenge ti Nzapa!”

Nzoni Tënë so Luc asu na mbeti 1:78

Nzapa ti e ayeke sara nzoni be mingi: lo sara si lumiere so alondo na yayu aza na ndö ti e tongana lâ ti ndaperere.

Jean 1:45

Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Jean 19:5

Tongaso Jésus asigigi na kpoto ti ki ni na li ti lo, na kota bengba bongo ni na tere ti lo. Pilate atene na ala: “Baa, koli ni laa!”

Awatokua 13:38

A-ita, ayeke nzoni ala hinga ye so: na lege ti Jésus laa Nzapa afa na ala tënë ti zingo siokpari na li ti zo; siokpari so *Ndia ti Moïse alingbi ti zi ni oko pepe.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

1 Korente 3:9

Biani, e na Nzapa laa e yeke sara kua oko, ala yeke tongana yaka ti Nzapa. Ala yeke nga tongana da ti Nzapa.

Ahebro 10:12

Me ti Christ, lo mu sandaga ni gi fani oko ti zi asiokpari ti azo si na pekoni, lo duti na tere ti Nzapa kpu na kpu, na mbage ti maboko ti lo ti koli.

Ahebro 7:24

Me ti Jésus, lo yeke ngba na fini lakue lakue; mbeni zo nde ti mu ndo ti lo, ti sara kua ti yango sandaga ni ayeke daa pepe.

Ahebro 7:4

Azo, ala baa Melkisedeke, lo yeke kota zo! Abraham, kotara ti e amu na lo dime ti aye so lo gbu na peko ti bira.

Ahebro 8:3

Kota wayango-sandaga kue, a mu lo titene lo ya aye wala *sandaga na Nzapa. Nilaa, alingbi Jésus ayeke na mbeni ye na maboko ti lo ti ya na Nzapa.