Zakarii 5:4 - Mbeti ti Nzapa - Tënë so amu fini

⁴ So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Zakarii 5:4 ပူးပေါင်းရင်းမြစ်များ

Mbeti ti Job 18:15

Da ti lo ayeke ti lo mbeni pepe; mbeni zo nde alingbi ti lango daa. Ye so ayeke ti lo, fade a yeke tuku *sufre na ndö ni.

Mbeti ti Job 20:26

Ndo so kue lo yeke honde tere ti lo daa, vukongo ndo ayeke ku lo kungo. Wâ so zo laa atingo ni pepe ayeke gbi lo kue; wâ ni ayeke gbi tanga ti aye so angba na ya ti da ti lo.

Mbeti ti Job 8:15

Tongana lo yeke gbu dere ti da ti lo ti luti, da ni ayingi; tongana lo yeke gbu ni ngangu, da ni atuku na sese, gburrr.

Mbeti ti Job 8:22

Fade kamene ayeke gbu le ti awato ti mo; azo ti sioni ayeke daa mbeni pepe.

Amato 3:33

KOTA GBIA ayeke deba da ti azo ti sioni, me lo yeke sara tufa na ndö ti da ti azo ti mbirimbiri.

Ésaïe 24:6

Ndani laa Nzapa adeba sese ni si abuba, azo so alango na ndö ni ayeke wara ye ti peko ti sioni ti ala, ala yeke kui si ala ngba gi kete.

Jérémie 2:26

Legeoko tongana zo ti nzi so kamene ayeke sara lo na ndembe so a gbu lo, fade kamene ayeke sara azo ti Israel, ala na agbia ti ala, na akota zo ti kodro ti ala, na awayango-sandaga na awayanga-Nzapa ti ala.”

Osée 4:2

Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Osée 4:3

Ndani laa fade ndo ayeke hole kue na ya ti kodro ni, azo ti kodro ni kue ayeke nge ngengo, ala, na anyama ti ngonda na andeke ti nduzu; ataa asusu ti kota ngu-ingo ayeke hunzi kue.

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Zakarii 5:3

Tongaso lo tene na mbi: “Mbeti ni ayeke mbeti ti dengo ba so mbi yeke tokua na ndö ti kodro ni kue. Na le ti mbeti ni, na mbeni mbage ni oko, a su atene: fade a yeke tumba azo ti nzi kue na ya ti kodro ni; na le ti mbeni mbage ti buku ni, a su nga atene: fade a yeke tumba azo so kue ayeke deba ti mvene.

Zakarii 8:17

Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Ndia ti fani use ni 28:16

Deba ayeke ga na ndö ti azo so ayeke na ya ti agbata nga na azo so ayeke na ya ti ayaka.

Ndia ti fani use ni 7:26

Alingbi mara ti ayanda tongaso ali na ya ti da ti ala pepe. Tongaso pepe, fade a yeke buba ala kue legeoko na ayanda ni. Biani, alingbi ala buba ayanda ni so kue, ala baa ala tongana ye so ayeke sioni mingi nga na ye so zo alingbi ti baa na le ti lo fani use pepe.

Josué 9:20

Ye so e yeke sara ande na ala ayeke so: e yeke zia ala titene ala ngba na fini. Tongaso pepe, ngonzo ti KOTA GBIA ayeke ti na ndö ti e ndali ti deba ti yanga ti e so e de na ala so.