Zakarii 5:3 - Mbeti ti Nzapa - Tënë so amu fini

³ Tongaso lo tene na mbi: “Mbeti ni ayeke mbeti ti dengo ba so mbi yeke tokua na ndö ti kodro ni kue. Na le ti mbeti ni, na mbeni mbage ni oko, a su atene: fade a yeke tumba azo ti nzi kue na ya ti kodro ni; na le ti mbeni mbage ti buku ni, a su nga atene: fade a yeke tumba azo so kue ayeke deba ti mvene.

Zakarii 5:3 ပူးပေါင်းရင်းမြစ်များ

Sigingo 20:15

“Alingbi mo nzi pepe.

Amato 29:24

Zo so asara songo na zo ti nzi, zo ni asara sioni gi na lo wani. Lo ma tënë ti dengo ba so aye ti ga na ndö ti lo so kue, me lo ke ti fa zo ti nzi ni.

Amato 3:33

KOTA GBIA ayeke deba da ti azo ti sioni, me lo yeke sara tufa na ndö ti da ti azo ti mbirimbiri.

Amato 30:9

Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Ésaïe 24:6

Ndani laa Nzapa adeba sese ni si abuba, azo so alango na ndö ni ayeke wara ye ti peko ti sioni ti ala, ala yeke kui si ala ngba gi kete.

Ésaïe 43:28

Tongaso mbi bi buba na tere ti amakonzi so ayeke sara kua na ndo so a zia ni nde ndali ti mbi, mbi zia Jacob titene a fâ lo, mbi zia Israel na maboko ti awato ti lo titene ala zonga lo.

Ésaïe 48:1

Ala azo ti Jacob, ala ma! Ala so iri ti Israel ayeke na ndö ti ala, ala so a du ala na Juda, ala ma! Ala yeke deba yanga ti ala na iri ti *KOTA GBIA, ala yeke sepela Nzapa ti Israel, me na lege ti taa-tënë pepe nga na lege ti mbirimbiri pepe.

Jérémie 23:10

“Kodro so asi singo na azo ti sarango aye ti ndumba. Sese ni ayeke na mua ndali ti adengo ba, ndo ti tengo pere ti anyama ahole kasakasa. Azo ni ayeke kpe gi na peko ti ye ti sioni; be ti ala awoko pepe na sarango ye so akpa pepe.

Jérémie 26:6

Tongana ala ma pepe, fade mbi yeke buba kota da ti Nzapa so, tongana ti so mbi buba ti Silo. Mbi yeke sara si gbata ti Jérusalem aga tapande ti dengo ba ndali ti amara ti sese kue.’ ”

Jérémie 5:2

Ala yeke deba yanga ti ala, atene: “*KOTA GBIA ayeke na fini!” Andaa so ayeke dengo ba ti mvene.

Jérémie 7:9

So nyen! Ala yeke nzi, ala yeke fâ azo, ala yeke lango na akoli wala awali ti amba ti ala. Ala yeke de aba ti mvene, ala yeke zö dukani na *Baal, ala yeke mu peko ti anzapa so ala hinga ala kozoni pepe.

Ezekiel 2:9

Mbi baa ndo: mbi baa mbeni maboko so a yoro ni na mbage ti mbi. Maboko ni agbu mbeni mbeti so a rule ni rulengo.

Daniel 9:11

Azo ti Israel kue ake ndia ti mo awe; ala gue yongoro na mo si atënë so mo tene, ala ke ti ma ni. Tongaso asioni tënë na atënë ti dengo ba so a su ni na ya ti mbeti ti ndia ti Moïse, zo ti kua ti mo, atënë ni ati na ndö ti e, ngbanga ti so e sara siokpari so ake mo.

Osée 4:2

Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Awayango-sandaga 19:11

“Alingbi ala nzi pepe, ala tene mvene pepe, ala handa amba ti ala pepe.

Awayango-sandaga 19:12

Ala mu iri ti mbi ti deba na ni na lege ti mvene pepe. Tongana ala sara tongaso, andaa ala buba iri ti mbi, Nzapa ti ala. Mbi laa mbi yeke KOTA GBIA.

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Zakarii 5:4

So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Zakarii 8:17

Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Nzoni Tënë so Luc asu na mbeti 21:35

tongana ti so gbanda ayeke gbu nyama. Biani, lango ni so ayeke si ti wara azo ti sese kue tongana ti so gbanda ayeke gbu nyama.

Efeze 4:28

Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.

1 Timothée 1:9

Alingbi e hinga ye so: azo so ayeke sara ye mbirimbiri, ndia ayeke ndali ti ala pepe; me ndia ayeke ndali ti azo so ake ti ma yanga, azo ti ngangu li, azo so ake tënë ti Nzapa, azo ti sarango siokpari, azo so akpe ye ti Nzapa wala ye ti yingo pepe, azo so ayeke fâ ababâ na amama ti ala, azo ti fango zo,

Jacques 5:12

Gi ye oko, a-ita ti mbi, alingbi ala deba na iri ti yayu, wala na iri ti sese, wala na iri ti mbeni ye pepe. Me tongana ala yeda na mbeni tënë, ala tene gi “een, mbi yeda”; tongana ala ke mbeni tënë, ala tene “ên-en, mbi ke”. Tongaso si ala ti na gbe ti ngbanga ti Nzapa pepe.

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.

Josué 9:20

Ye so e yeke sara ande na ala ayeke so: e yeke zia ala titene ala ngba na fini. Tongaso pepe, ngonzo ti KOTA GBIA ayeke ti na ndö ti e ndali ti deba ti yanga ti e so e de na ala so.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!