Zakarii 5:2 - Mbeti ti Nzapa - Tënë so amu fini

² *Ange ni ahunda mbi, atene: “Mo baa nyen?” Mbi kiri tënë: “Mbi baa mbeni mbeti so ayeke huru na le ti nduzu; yongoro ni ayeke metere baleoko si nduru ni ayeke metere oku.”

Zakarii 5:2 ပူးပေါင်းရင်းမြစ်များ

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.

Amos 7:8

KOTA GBIA ahunda mbi, atene: “Amos, nyen laa mo baa, nyen?” Mbi kiri tënë: “Mbi baa kamba ti mason.” KOTA GBIA akiri atene: “Mbi ga ti zia kamba ni na popo ti azo ti Israel, azo ti mbi, ti baa wala ala luti mbirimbiri. Mbi yeke kiri ti kanga le na ndö ti sioni ti ala mbeni pepe.”

Sofonii 1:14

Kota lango ti *KOTA GBIA aga nduru awe; lango ni aga nduru awe, lango ni ayeke ga hio hio mingi. Na lango ti KOTA GBIA, fade be ti azo ayeke fun kue si ala yeke dekongo; ataa angangu zo ti bira, ala yeke dekongo na mbeto.

Zakarii 4:2

Lo hunda mbi, lo tene: “Nyen laa mo baa, nyen?” Mbi kiri tënë: “Mbi baa na ya ti mbeni ye tongana bango-li, mbeni gere ti alamba so a sara ni kue na lôro. Na mbage ti li ni, mbeni ta ti ziango mafuta na ya ni ayeke daa. Alamba mbarambara ayeke na ndö ti gere ti alamba ni; lamba oko oko ayeke na kamba mbarambara so mafuta ayeke hon na ya ni ti gue na ya ti alamba ni.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

Aye so Nzapa afa 18:5

Asiokpari ti lo adu na ndö ti tere, na ndö ti tere ngbii asi na le ti nduzu; Nzapa adabe ti lo na aye ti kirikiri ti lo.