Zakarii 4:2 - Mbeti ti Nzapa - Tënë so amu fini

² Lo hunda mbi, lo tene: “Nyen laa mo baa, nyen?” Mbi kiri tënë: “Mbi baa na ya ti mbeni ye tongana bango-li, mbeni gere ti alamba so a sara ni kue na lôro. Na mbage ti li ni, mbeni ta ti ziango mafuta na ya ni ayeke daa. Alamba mbarambara ayeke na ndö ti gere ti alamba ni; lamba oko oko ayeke na kamba mbarambara so mafuta ayeke hon na ya ni ti gue na ya ti alamba ni.

Zakarii 4:2 ပူးပေါင်းရင်းမြစ်များ

1 Mbai 28:15

David afa na lo nengo ti agere ti lamba na alamba so a leke na lôro nga na wen ti nginza. Lo fa nga kua so a yeke sara na gere ti lamba oko oko kue.

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

2 Mbai 4:7

A sara agere ti lamba baleoko na lôro alingbi na kode ni. A zia ni na ya ti kota da ti Nzapa: oku na mbage ti maboko ti koli, oku na mbage ti maboko ti wali.

Zo ti bongbingo azo 12:6

Dabe ti mo na lo so asara mo kozoni si kamba ti wen ti nginza azi, kozoni si kopo ti lôro afâ, kozoni si ta ti sese afâ na li ti ngu, kozoni si kamba ti gbotongo na ngu afâ ati na ngbonda ti du ti ngu.

Jérémie 24:3

KOTA GBIA ahunda mbi, atene: “Jérémie, nyen laa mo baa, nyen?” Mbi kiri tënë: “Mbi baa afige: anzoni ni so ayeke pendere ahon ndoni, asioni ni so ayeke sioni ahon ndoni, akpa titene zo ate ni pepe.”

Jérémie 52:19

Makonzi ti aturugu ti batango gbia akiri amu aye so kue a sara na lôro nga na wen ti nginza si ague na ni; aye ni ayeke tongana: akota sembe, akete ta ti zongo na dukani, adu ti sembe so a yeke tuku mene daa ti fi na tere ti aye, asembe so a yeke zia mburu ti wâ daa, agere ti lamba, akopo na adu ti sembe.

Amos 7:8

KOTA GBIA ahunda mbi, atene: “Amos, nyen laa mo baa, nyen?” Mbi kiri tënë: “Mbi baa kamba ti mason.” KOTA GBIA akiri atene: “Mbi ga ti zia kamba ni na popo ti azo ti Israel, azo ti mbi, ti baa wala ala luti mbirimbiri. Mbi yeke kiri ti kanga le na ndö ti sioni ti ala mbeni pepe.”

Zakarii 5:2

*Ange ni ahunda mbi, atene: “Mo baa nyen?” Mbi kiri tënë: “Mbi baa mbeni mbeti so ayeke huru na le ti nduzu; yongoro ni ayeke metere baleoko si nduru ni ayeke metere oku.”

Aye so Nzapa afa 1:12

Mbi baa ndo na peko ti mbi ti baa zo so ayeke tene tënë na mbi so. So mbi baa ndo na peko ti mbi, mbi baa agere ti lamba mbarambara so a sara ni na lôro.

Aye so Nzapa afa 1:20

Atongoro mbarambara so mo baa na maboko ti mbi ti koli si nda ni angba na hondengo ni so, na agere ti lamba mbarambara so a sara ni na lôro so, nda ni ayeke tongaso: atongoro mbarambara so ayeke *a-ange ti a-Eglize mbarambara ni; agere ti lamba mbarambara so ayeke a-Eglize mbarambara ni.”

Aye so Nzapa afa 4:5

Zango ti bekpa, na ambeni go so atoto ngangu, nga na toto ti bekpa alondo na tere ti mbata ti gbia ni si ayeke sigigi. Akota wâ ti lamba mbarambara ayeke za na dawa ti mbata ti gbia ni; alamba ni ayeke ayingo mbarambara ti Nzapa.