Zakarii 4:14 - Mbeti ti Nzapa - Tënë so amu fini

¹⁴ Tongaso lo tene na mbi: “Akeke ti olive ni ayeke akoli so a tuku mafuta na li ti ala si a zia ala nde ndali ti kua ti KOTA GBIA, lo so lo yeke Makonzi ti sese kue.”

Zakarii 4:14 ပူးပေါင်းရင်းမြစ်များ

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

Esdras 5:2

Tongaso Zorobabel, molenge ti Shealtiel, lo na Yeshua, molenge ti Yosadak alondo ti leke kota da ti Nzapa so ayeke na Jérusalem. Awayanga-Nzapa amu maboko na ala.

Abia (Psaumes) 110:4

KOTA GBIA adeba yanga ti lo, lo tene: “Mo yeke duti wayango-sandaga kpu na kpu tongana ti Melkisedeke.” KOTA GBIA ayeke kiri na ndö ti tënë ti lo pepe.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 89:20

Mbeni lâ, na ya ti mbeni ye tongana bango-li, mo tene tënë na azo ti mo so angba na lege ti mo, mo tene: “Mbi mu maboko na mbeni kpengba koli oko na popo ti azo ti mbi, mbi zia mbeni maseka-koli na li ti azo ti mbi.

Sigingo 29:7

Mo yeke mu mafuta ti tukungo na li ti zo, mo tuku na li ti lo ti zia lo nde ndali ti mbi.

Sigingo 40:15

Mo yeke tuku mafuta na li ti ala tongana ti so mo sara na babâ ti ala titene ala sara kua na mbi tongana awayango-sandaga. Tongaso, mafuta so mo tuku na li ti ala so ayeke mu lege na ala ti sara kua ti wayango-sandaga ngu na ngu, kpu na kpu.”

Ésaïe 5:1

Mbi ye ti he bia ndali ti mba ti mbi; bia ni atene tënë ti mba ti mbi so mbi ye lo mingi nga na yaka ti *vinye ti lo. Mba ti mbi so mbi ye lo mingi so, yaka ti vinye ti lo ayeke daa. Yaka ni ayeke na ndö ti mbeni hoto; sese ni awoko pendere.

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Jérémie 49:19

KOTA GBIA atene: “Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Edom makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

Awayango-sandaga 8:12

Lo tuku nga mafuta ni na li ti Aaron ti zia lo nde ndali ti Nzapa.

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Zakarii 6:13

Biani, lo laa lo yeke kiri ti leke kota da ni. Lo yeke yu abongo ti gbia, lo yeke duti na ndö ti mbata ti gbia ti sara komandema na ndö ti azo. Mbeni wayango-sandaga ayeke duti na tere ti lo. Ala use kue ayeke ma tere na popo ti ala nzoni.

Zakarii 6:5

Ange ni akiri tënë na mbi: “Ala yeke andangoro osio ti le ti nduzu. Ala yeke luti ando na dawa ti *KOTA GBIA so ayeke Makonzi ti sese kue; fadeso ala londo ti hon.”

Nzoni Tënë so Luc asu na mbeti 1:19

Ange ni akiri tënë na lo: “Mbi yeke Gabriel, mbi yeke luti na le ti Nzapa ti sara na lo. Lo tokua mbi ti tene tënë na mo, ti tene nzoni tënë so na mo.

Ndia ti fani use ni 10:8

Na ngoi ni so, KOTA GBIA azia azo ti mara ti Lévi nde titene ala yo sanduku ti mbuki ti lo, ala luti na dawa ti KOTA GBIA ti sara kua ti lo, ti sara tufa na ndö ti azo na iri ti lo. Azo ti mara ti Lévi angba ti sara akua so ngbii asi laso.

Josué 3:11

Fade sanduku ti mbuki ti KOTA GBIA ti sese kue ayeke hon kozo ti ala na ya ti ngu ti Jourdain.

Josué 3:13

Gi so awayango-sandaga ayeke zia gere ti ala na ya ti ngu ti Jourdain, ala so ayeke yo sanduku ti mbuki ti KOTA GBIA, lo so lo yeke Kota Gbia ti sese kue, fade ya ti ngu ni ayeke kangbi; ngu so alondo na mbage ti nduzu si ayeke ga so ayeke luti, mo baa mo tene, a kanga ni kangango.”

Aye so Nzapa afa 11:4

Azo use so ayeke akeke ti olive use na agere ti lamba use so ayeke luti na dawa ti *Kota Gbia ti sese.

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”