Zakarii 3:8 - Mbeti ti Nzapa - Tënë so amu fini

⁸ “Yeshua, kota wayango-sandaga, mo ma mbi! Ala awayango-sandaga, ala so ala na lo ayeke sara kua so, ala ma mbi! Biani, ala awayango-sandaga, ala yeke tongana ye so ayeke fa na azo tënë ti mbeni ye so ayeke si ande. Mbi yeke sara si zo ti kua ti mbi aga, lo so iri ti lo ayeke ‘Kete keke so asigigi’.

Zakarii 3:8 ပူးပေါင်းရင်းမြစ်များ

Abia (Psaumes) 71:7

Azo mingi abaa mbi tongana mbeni ye ti dongo be, me mo yeke tongana ngangu gbagba so mbi kpe daa ti bata tere ti mbi.

Ésaïe 11:1

Fade mbeni kete keke ayeke sigigi na tere ti nduru keke ti Yese; kete keke ayeke sigigi na gere ni.

Ésaïe 20:3

Na ngoi so a mu gbata ti Asdod, KOTA GBIA atene tënë na lege ti Ésaïe, atene: “Baa, ngu ota laa Ésaïe, zo ti kua ti mbi atambula tere ti lo senge, gere ti lo senge. Ye ni afa mbeni ye so ayeke si, ye ti gbotongo mê ndali ti Ezipte na Etiopii.

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 49:3

Lo tene na mbi: “Israel, mo laa mo yeke zo ti kua ti mbi; na lege ti mo, mbi yeke fa gonda ti mbi.”

Ésaïe 49:5

Me fadeso, KOTA GBIA atene tënë awe, lo so mbi de na ya ti mama ti mbi si lo leke mbi titene mbi ga zo ti kua ti lo. Lo ye titene mbi mu *ahale ti Jacob, mbi ga na ala na mbage ti lo, mbi bongbi azo ti Israel na tere ti lo. Mbi ne mingi na le ti KOTA GBIA, Nzapa ti mbi ayeke ngangu ti mbi.

Ésaïe 52:13

*KOTA GBIA atene: “Baa zo ti kua ti mbi laa; aye so kue lo yeke sara ayeke ga nzoni. Lo yeke gue guengo na nduzu, azo ayeke ya iri ti lo si ala yeke ne lo ahon ndoni.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Ésaïe 53:2

Na le ti KOTA GBIA, zo ti kua ni akono tongana mbeni kete keke so ayeke sigigi, tongana gunda ti keke so ayeke sigigi na ya ti holengo sese. Lo kpa zo pepe, pendere ti lo so ayeke gboto zo ti baa ndo na mbage ti lo ayeke daa pepe. Mbeni nzoni ye na tere ti lo so anzere na e ayeke daa pepe.

Ésaïe 8:18

Mbi na amolenge so KOTA GBIA amu na mbi, e yeke tongana mbeni ye so ayeke fa ye so ayeke si na Israel. E yeke tongana ye ti kpene ndali ti KOTA GBIA so ayeke na ndö ti aye kue, lo so lo yeke duti na ndö ti hoto ti *Sion.

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 33:15

Na lango ni so, gi na ngoi ni so, mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Ezekiel 12:11

Mo tene na ala, mo tene: Mbi sara ye so ti fa ye so ayeke si ande na ala, azo ti Israel. Ye so mbi sara so, ni laa a yeke sara na ala. Fade a yeke gbu ala ti gue na ala na kodro wande.

Ezekiel 12:6

Na le ti azo kue, mo yeke yo akungba ni na ndö ti go ti mo, mo sigigi na ni na bi. Mo yeke bi bongo na le ti mo si mo baa kodro ni pepe. Biani, mbi sara si mo ga ye so ayeke fa ye so ayeke si na azo ti Israel.”

Ezekiel 24:24

Ezekiel asara ye so ti fa na ala kozoni, ye so ayeke si ande. Fade ala yeke sara ye gi tongana ti so lo sara so. Tongana ye ni asi, fade ala yeke hinga atene, mbi laa mbi yeke Kota Gbia NZAPA.”

Ezekiel 34:29

Mbi yeke mu na ala yaka so azo ama sango ni ndali ti nzoni lengo ti lo. Na ya ti kodro ni, fade azo ayeke kiri ti kui nzara pepe; amara nde ayeke kiri ti zia kamene na le ti ala pepe.

Ezekiel 37:24

Zo ti kua ti mbi David laa ayeke le-gbia na ndö ti ala si wabatango ala kue ayeke duti gi oko. Fade ala yeke sara ye alingbi na aye so mbi fa nga na lege ti atënë ti ndia ti mbi si ala yeke sara ye alingbi na ni.

Zakarii 6:12

Na pekoni, mo tene na lo, mo tene: Tënë so KOTA GBIA so ayeke na ndö ti dunia kue atene ayeke so: Mbeni koli ayeke ge, iri ti lo ayeke: ‘Kete keke so asigigi’. Na ndo so kue lo yeke daa, akeke ayeke sigigi, fade lo yeke kiri ti leke kota da ti mbi.

Nzoni Tënë so Luc asu na mbeti 1:78

Nzapa ti e ayeke sara nzoni be mingi: lo sara si lumiere so alondo na yayu aza na ndö ti e tongana lâ ti ndaperere.