Zakarii 3:4 - Mbeti ti Nzapa - Tënë so amu fini

⁴ Ange ni amu yanga na azo so ayeke luti na dawa ti lo, atene: “Ala zi asarate bongo so na tere ti lo.” Na pekoni, lo tene na Yeshua: “Baa, mbi zi asioni ti mo awe, mbi yeke yu na mo abongo ti matanga.”

Zakarii 3:4 ပူးပေါင်းရင်းမြစ်များ

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

Abia (Psaumes) 51:9

Mu kete keke ti *izope, mo zi na siokpari ti mbi si mbi ga *nzoni; sukula mbi si mbi vuru tarara.

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Jérémie 52:33

Lo zi bongo ti kanga na tere ti Yoakin si na lango ti fini ti lo kue, lo na gbia ayeke te kobe ndo oko.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Ezekiel 42:14

Tongana awayango-sandaga ali na ya ti kota da ti Nzapa awe, ala lingbi ti sigigi ti hon biaku na ya ti gbagba ti gigi pepe. Me ala yeke zia abongo so ala sara na kua na KOTA GBIA na ya ti akubu ni; ala yu ambeni bongo nde awe si ala gue na ndo so azo kue ayeke bongbi ka tere daa.”

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Mishe 7:19

Fade mo yeke kiri ti baa mawa ti e, mo yeke do asiokpari ti e na gbe ti gere ti mo, mo yeke tuku asioni ti e kue na gbe ti kota ngu-ingo.

Zakarii 3:1

Na pekoni, na ya ti mbeni ye tongana bango-li, *KOTA GBIA asara si mbi baa kota wayango-sandaga Yeshua. Lo yeke luti na dawa ti *ange ti KOTA GBIA. Andaa Satan ayeke luti na mbage ti maboko ti lo ti koli, ti bi tënë na li ti lo.

Zakarii 3:7

Tënë so KOTA GBIA so ayeke na ndö ti dunia kue atene ayeke so: “Tongana mo tambula na lege ti mbi si mo sara ye alingbi na andia ti mbi, mo laa, mo yeke ga makonzi ti kota da ti mbi na ti ya ti gbagba ti kota da ni. Mbi yeke zia nga mo na popo ti azo so ayeke sara kua ti mbi ge so.”

Zakarii 3:9

Baa, mbi zia mbeni têne na dawa ti Yeshua. Na ndö ti têne ni, ale ni ayeke daa mbarambara. Mbi wani, mbi yeke kpaka mbeni nzoroko na ndö ti têne ni; so tënë ti yanga ti *KOTA GBIA so ayeke na ndö ti dunia kue laa. Gi na lango oko, mbi yeke zi asioni ti kodro so.

Matthieu 22:11

Gbia ni ali ti baa azo so a tisa ala si ala ga so; lo baa mbeni koli so ayu bongo ti matanga ni pepe.

Nzoni Tënë so Luc asu na mbeti 1:19

Ange ni akiri tënë na lo: “Mbi yeke Gabriel, mbi yeke luti na le ti Nzapa ti sara na lo. Lo tokua mbi ti tene tënë na mo, ti tene nzoni tënë so na mo.

Nzoni Tënë so Luc asu na mbeti 15:22

Me babâ ni atene na azo ti kua ti lo: ‘Ala mu bongo so ayeke pendere ahon atanga ni kue aga na ni hio, ayu na lo, ala yoro bage na maboko ti lo, ala yu na lo poro.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Kolose 3:10

Ala yu fini dutingo ti zo awe tongana ti so zo ayeke yu fini bongo. Nzapa so asara ala si ala ga afini zo, lo yeke sara titene ala ngba lakue ti ga tongana lo, tongaso si ala yeke hinga lo mbirimbiri.

Ahebro 8:12

Biani, mbi yeke zi tënë na li ti ala, mbi yeke kiri ti dabe ti mbi na siokpari ti ala oko pepe.”

Aye so Nzapa afa 5:11

Mbi kiri mbi baa ndo, mbi ma go ti a-ange kutu kutu, gbani gbani, saki saki, gbani gbani. Ala ngoro tere ti mbata ti gbia na aye osio so ayeke na fini na akangba ni kue.

Aye so Nzapa afa 7:14

Mbi kiri tënë na lo, mbi tene: “Kota zo, mo laa mo hinga.” Lo kiri tënë na mbi: “Ala yeke azo so a sara ngangu mingi na ala na ngoi ti aye ti ngangu. Ala sukula bongo ti ala na ya ti mene ti Molenge ti Taba, ala sara si bongo ni avuru.”