Zakarii 3:2 - Mbeti ti Nzapa - Tënë so amu fini

² Ange ti KOTA GBIA atene na Satan: “Satan, ayeke nzoni KOTA GBIA akanga yanga ti mo! Biani, ayeke nzoni KOTA GBIA akanga yanga ti mo; lo so lo soro Jérusalem so. Ti Yeshua, lo yeke tongana mbeni nduru keke ti wâ so a gboto ni na le ti wâ asigigi na ni awe pepe?”

Zakarii 3:2 ပူးပေါင်းရင်းမြစ်များ

2 Mbai 6:5

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi, wala mbi soro mbeni zo pepe titene lo ga makonzi ti azo ti Israel, azo ti mbi.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Abia (Psaumes) 109:31

Biani, lo luti na mbage ti maboko ti koli ti zo ti mawa titene lo soo lo na maboko ti azo so aye ti fâ ngbanga na li ti lo.

Ésaïe 7:4

Fade mo yeke tene na lo: ‘Hange! Mo duti kpoo, mo sara mbeto pepe. Ayeke nzoni be ti mo ado pepe, ngbanga ti Resen, zo ti Sirii so nga na Peka. Agbia use so akpa gi anduru keke so guru ti wâ angba ti sigigi daa kete kete.

Daniel 12:1

“*Ange ni akiri atene na mbi: ‘Na ngoi ni kâ, Michel, kota makonzi ti a-ange so ayeke bata azo ti mara ti mo ayeke si. Fade ngoi ni ayeke duti ngoi ti ngangu. Ti londo na ngoi so amara nde abaa gigi ngbii asi na lâ ni kâ, mara ti ngoi so ade ti duti daa laoko pepe. Na ngoi ni so, fade azo ti mara ti mo, ala so a su iri ti ala na mbeti ti fini, ayeke soo kuâ.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Zakarii 1:17

Ange ni akiri ahunda na mbi ti tene tënë so: Tënë so KOTA GBIA so ayeke na ndö ti dunia kue atene ayeke so: “Fade agbata ti mbi ayeke kiri ti wara anzoni ye ti ala. Mbi yeke kiri ti baa mawa ti Sion si mbi yeke kiri ti soro Jérusalem.”

Zakarii 2:12

KOTA GBIA so ayeke na ndö ti dunia kue - lo so lo tokua mbi na amara so anzi aye ti ala kue, azo ti Sion, tënë so lo tene ayeke so: “Zo so andu ala, andaa lo ndu mboma ti le ti mbi awe.

Marc 1:25

Jésus asuku na lo, atene: “Kanga yanga ti mo, mo sigigi na ya ti koli so!”

Marc 9:25

Jésus abaa gba ti azo so ayeke kpe ti ga na tere ti ala; lo suku ngangu na sioni yingo so, lo tene: “Mo, yingo so mo yeke kanga yanga na mê ti zo: sigigi na ya ti molenge so! Kiri mo li na ya ti lo pepe!”

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

Nzoni Tënë so Luc asu na mbeti 4:35

Jésus asuku ngangu na yingo ni, atene: “Kanga yanga ti mo! Sigigi na ya ti koli so!” Sioni yingo ni akinda koli ni na sese na le ti azo kue si lo sigigi na ya ti lo. Me lo sara ye ti sioni oko na koli ni pepe.

Nzoni Tënë so Luc asu na mbeti 9:42

So molenge ni asi, sioni yingo ni abi lo na sese si ayeke yingi lo ngangu. Me Jésus asuku ngangu na sioni yingo ni; lo sara si tere ti molenge ni akiri aga nzoni si lo kiri na lo na babâ ti lo.

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.

Rome 16:20

Nzapa so ayeke mu siriri na zo aga nduru ti nika Satan na gbe ti gere ti ala awe. Ayeke nzoni Kota Gbia ti e Jésus asara nzoni be na ala!

Rome 8:33

Azo so Nzapa asoro ala awe so, zo wa laa alingbi ti bi tënë na li ti ala? Zo oko pepe, ngbanga ti so Nzapa asara si ala ga mbirimbiri awe.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

Jude 1:23

Ti azo so ayeke gue na le ti wâ, ala gboto ala na ya ti wâ ni ti soo ala. Ti ambeni zo ni, ala baa mawa ti ala, me ala sara ni na mbeto. Ataa bongo ti azo ni, ala ndu ni pepe, ngbanga ti so aye ti sioni ti azo ni agbu tere ni kue.

Jude 1:9

Ataa Michel, makonzi ti a-ange asara mara ti ye so laoko pepe. Ando, tënë alondo na popo ti lo na Zabolo si ala yeke papa ndali ti mungo kuâ ti Moïse. Me titene lo fâ ngbanga ti sioni na li ti Zabolo, Michel abaa tere ti lo tongana zo so akpa pepe. Gi tënë so lo tene na Zabolo ayeke so: “Ayeke nzoni Kota Gbia afâ ngbanga na li ti mo!”

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”