Zakarii 3:10 - Mbeti ti Nzapa - Tënë so amu fini

¹⁰ Na lango ni so, fade ala yeke tisa tere na popo ti ala ti ga ti duti na siriri na gbe ti akeke ti *vinye ti ala nga na gbe ti akeke ti fige ti ala; so tënë ti yanga ti KOTA GBIA so ayeke na ndö ti dunia kue laa.”

Zakarii 3:10 ပူးပေါင်းရင်းမြစ်များ

1 Agbia 5:5

Na ngoi so kue Salomon aduti gbia, azo ti Juda na azo ti Israel kue aduti na siriri. Ti londo na kodro ti Dan ngbii asi na Bersheba, zo oko oko ayeke duti kpoo na gbe ti keke ti *vinye ti lo wala na gbe ti keke ti fige ti lo.

Ésaïe 32:18

Fade azo ti KOTA GBIA ayeke duti na ndo so siriri ayeke daa, na ya ti ada so zo alingbi ti zia be ti lo na ndö ni, na ndo so ayeke nzoni si ayeke kpoo.

Ésaïe 36:16

Ala ma tënë ti Ezekias pepe, me ala ma gi tënë so gbia ti Asirii ayeke tene na ala; lo tene: Ala sara songo na mbi, ala zia tere ti ala na maboko ti mbi si fade zo oko oko na popo ti ala ayeke te le ti *vinye ti lo na le ti keke ti fige ti lo si lo yeke nyon ngu ti du ti ngu ti lo.

Jérémie 32:15

“Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Na ya ti kodro so, fade azo ayeke kiri ti vo ada, ayaka na ayaka ti *vinye.’ ”

Osée 2:18

“Na lango ni so, fade mo yeke iri mbi: ‘koli ti mbi’, – so tënë ti yanga ti *KOTA GBIA laa – mo yeke kiri ti iri mbi pepe: ‘baal ti mbi, wa ti mbi’.

Mishe 4:4

Ala oko oko ayeke duti na siriri na gbe ti akeke ti *vinye ti ala nga na gbe ti akeke ti fige ti ala. Zo oko ti zia mbeto na be ti ala ayeke daa pepe.” Tënë so asigigi na yanga ti KOTA GBIA so ayeke na ndö ti dunia kue laa!

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”