Zakarii 2:8 - Mbeti ti Nzapa - Tënë so amu fini

⁸ Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

Zakarii 2:8 ပူးပေါင်းရင်းမြစ်များ

Tongo nda ti aye 20:6

Nzapa akiri tënë na lo na ya ti bango-li, atene: “Mbi kue, mbi hinga, mbi tene, mo sara ye so na sioni be pepe. Gi mbi nga laa mbi kanga lege na mo titene mo sara siokpari ti ke mbi pepe. Ndani laa mbi zia mo, mo ndu lo pepe.

2 Agbia 24:2

*KOTA GBIA atokua na tere ti Yoakim gba ti azo ti Babilone so ayeke gbu ye ti azo na ngangu, ala ti Sirii, ala ti Moab na ala ti Amon. Ala tuku na ya ti kodro-gbia ti Juda si abuba kodro ni kue alingbi na tënë ti yanga ti KOTA GBIA so lo tene na lege ti azo ti kua ti lo, awayanga-Nzapa.

Abia (Psaumes) 17:8

Bata mbi tongana mboma ti le ti mo, honde mbi na gbe ti maboko ti mo tongana ti so ndeke ayeke bata amolenge ti lo na gbe ti *kpangi ti lo.

Amato 7:2

Tongana mo ye ti ngba na fini, alingbi mo bata andia ti mbi. Aye so mbi fa na mo, mo bata ni tongana mboma ti le ti mo.

Ésaïe 49:19

Ti fadeso, mo yeke na popo ti aye so abuba awe, kodro ti mo aga ngonda awe, sese so aga ndo ti gba ti atêne; fade ndo ni ayeke ga kete mingi, ayeke lingbi na azo so ayeke lango daa pepe. Me azo so lani abuba mo so ayeke hon yongoro na tere ti mo.

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Ezekiel 25:12

“Tënë so mbi Kota Gbia NZAPA, mbi tene ayeke so: Azo ti Edom asara lani ambeni ye ti kiri peko ti sioni na azo ti Juda. Ndani laa, tënë ayeke na li ti ala, ngbanga ti so ala kiri peko ti sioni na azo ti Juda.

Ezekiel 25:15

“Tënë so mbi Kota Gbia NZAPA, mbi tene ayeke so: Azo ti Filistii asara ye ti kiri na peko ti sioni na azo ti Israel; na lege ti sioni baba ti be ti ala laa, ala kiri na peko ti sioni ti ke awato ti ala kpu na kpu; nilaa ala fâ awato ti ala ni kue kue kue.

Ezekiel 26:2

“*Molenge ti zo, ndali ti so azo ti gbata ti Tir ahe Jérusalem, atene: ‘Huuu! Huuu, ti lo ahunzi awe, gbata so lani azo kue ayeke hon daa so! Fadeso, ngoi ti e alingbi awe titene e wara gba ti mosoro, ngbanga ti so lo ti biani awe!’

Ezekiel 26:20

Fade mbi yeke sara titene mo zu na ndo ti akuâ, na mbage ti azo so akui ando awe so, ti duti na gbe ti sese kâ. Mo yeke ga tongana angbene kodro so ati awe, mo yeke duti na popo ti azo so ayeke na ya ti du ti kuâ. Tongaso si mbeni zo ayeke kiri ti lango na ndo ti mo pepe; mbi yeke sara titene sese ti azo so angba na fini aduti pendere.

Ezekiel 35:5

Mo ke azo ti Israel kpu na kpu. Na ngoi so ala yeke na ya ti mawa, na ngoi so a yeke kai asiokpari ti ala, mo londo na bira na tere ti ala.

Ezekiel 36:11

Mbi yeke sara titene azo na anyama awu mingi. Ala yeke du amolenge si ala yeke ga gbani gbani; mbi yeke sara titene ala kiri awu mingi ahon ti giriri, mbi yeke sara nzoni na ala ahon ti kozo. Tongaso, fade ala yeke hinga atene, mbi laa mbi yeke KOTA GBIA.

Ezekiel 38:11

Fade mo yeke tene: ‘Kodro so gbagba ayeke na tere ni pepe so, mbi yeke gue ti tiri bira na azo ni. Kâ, azo ni aduti kpoo, ala yeke lango na siriri, ala yeke lango na ya ti agbata so gbagba ayeke na tere ni pepe, ayanga ti agbata ni ayeke daa pepe si kota kerere ti kangango na ni ayeke daa pepe.

Ezekiel 38:14

“Ndani laa, mo, molenge ti zo, tene peko ti tënë ti yanga ti mbi na tere ti Gog, mo tene: Tënë so Kota Gbia NZAPA atene ayeke so: Na lango so azo ti mbi, azo ti Israel, ayeke duti na siriri, fade mo yeke hinga tënë ni.

Amos 1:11

Tënë so KOTA GBIA atene ayeke so: “Mbi yeke na tënë na azo ti Edom ndali ti asioni ye ota, wala osio so ala sara: ala mu yongoro zeme si ala tumba peko ti a-ita ti ala, azo ti Israel, ala baa mawa ti a-ita ti ala ni oko pepe. Na ya ti ngonzo ti ala, ala ngba ti fâ a-ita ti ala ni, ala bata ala na be lakue. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:13

Tënë so KOTA GBIA atene ayeke so: “Mbi yeke na tënë na azo ti mara ti Amon ndali ti asioni ye ota, wala osio so ala sara: ala suru ya ti amama ti ngo na sese ti Galaad ti sara si sese ti ala akono. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:9

Tënë so KOTA GBIA atene ayeke so: “Mbi yeke na tënë na azo ti Tir ndali ti asioni ye ota, wala osio so ala sara: ala gbu azo ti akete kodro si ala ka ala kue kue kue na azo ti mara ti Edom. Ala buba lege ti *mbuki ti ala na a-ita ti ala, azo ti Israel awe. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Mishe 4:11

Fadeso, amara gbani gbani abongbi ti tiri bira na mo, ala tene: “Ayeke nzoni Jérusalem aga buba si e baa na le ti e buba ti lo ni.”

Mishe 5:6

Fade azo ti Israel so ayeke ngba na fini na popo ti amara gbani gbani, ayeke ga tongana ngu ti pere so alondo na *KOTA GBIA; ala yeke ga tongana ngu-Nzapa so apika na ndö ti pere: ngu ni aku zo pepe, wala aku mbeni ye na maboko ti zo pepe.

Mishe 7:10

Fade wato ti mbi ayeke baa ye ni na le ti lo si kamene ayeke gbu le ti lo; wato ti mbi so ayeke hunda lani mbi, atene: “KOTA GBIA, Nzapa ti mo ni ayeke na ndo wa?” Fade mbi yeke baa lo na le na ndembe so a yeke do lo na gere, tongana ti so a yeke do potopoto na lege.

Habakuk 2:17

Biani, ye ti ngangu so mo sara na akeke ti Liban, fade ayeke kiri na li ti mo wani; mo fâ anyama mingi, fade anyama ni ayeke zia mbeto na be ti mo. Aye so kue ayeke si ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Habakuk 2:8

So mo nzi aye ti amara mingi so, fade tanga ti azo so angba so ayeke nzi aye ti mo, ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Sofonii 2:8

“Mbi ma zongango ndo ti azo ti Moab, mbi ma sioni zongango ndo ti azo ti Amon so ala zonga na azo ti mbi. Ala mu sese ti azo ti mbi ti kono na sese ti ala.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Zakarii 2:9

So tënë ti yanga ti *KOTA GBIA laa: ‘Ti mbi, fade mbi yeke duti daa; mbi yeke duti tongana ngangu gbagba ti wâ na tere ti gbata ni kue. Taa gi na ya ti gbata ni, mbi laa mbi yeke sara gonda ni.’ ”

Zakarii 8:5

Fade amolenge-koli na amolenge-wali ayeke si singo na be ti gbata ni ti sara ngia.

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Matthieu 25:45

Fade Gbia ni ayeke kiri tënë na ala: ‘Mbi tene na ala taa-tënë: lakue so ala sara ye so na asenge zo so pepe, andaa ala sara ni nga na mbi pepe.’

Jean 14:26

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.

Jean 17:18

Mbi tokua ala na ndö ti dunia, tongana ti so mo tokua mbi na ndö ti dunia.

Awatokua 9:4

Lo ti na sese si lo ma mbeni go so atene na lo: “Saul, Saul, mo yeke sara ngangu na mbi ngbanga ti nyen?”

Ndia ti fani use ni 32:10

KOTA GBIA awara azo ti Israel na benyama, na ndo so zo ayeke daa pepe, na ndo so a yeke ma gi toto ti *anzagua daa. Lo gbu ala na kate ti lo, lo bata ala nzoni, lo bata ala tongana mboma ti le ti lo.

2 Tesalonike 1:6

Taa-tënë, Nzapa ayeke mbirimbiri: fade lo yeke kiri na peko ti pasi na azo so asara pasi na ala.

1 Jean 4:14

E baa na le ti e si e yeke tene na azo tënë so: Babâ atokua Molenge ti lo titene lo ga Wasongo azo ti dunia so.