Zakarii 2:6 - Mbeti ti Nzapa - Tënë so amu fini

⁶ Mbi hunda lo, mbi tene: “Mo yeke gue na ndo wa?” Lo kiri tënë na mbi, lo tene: “Mbi yeke gue ti haka gbata ti Jérusalem, ti hinga yongoro ni na nduru ni.”

Zakarii 2:6 ပူးပေါင်းရင်းမြစ်များ

Tongo nda ti aye 19:17

So ala sigigi na lo awe, ala tene na lo: “Kpe, mo hon! Tongaso si mo soo fini ti mo. Mo baa ndo na peko ti mo pepe! Mo luti na mbeni ndo na lando ni so pepe! Mo kpe, mo gue na ndö ti hoto! Tongaso si mo kui pepe.”

Abia (Psaumes) 44:2

Nzapa, e ma na mê ti e wani, ababâ ti e atene na e tënë ti akota ye so mo sara ando na ngoi ti ala, na ngoi ti giriri.

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Ésaïe 55:1

Ala so kue nzara ti ngu asara ala, baa ngu laa, ala ga! Ataa ala yeke na nginza pepe, ala ga! Ala mu kobe, ala te; ala mu vin, ala mu ngu ti me ti bagara senge senge, ala yeke vo ni vongo pepe.

Jérémie 1:14

Tongaso KOTA GBIA atene na mbi: “Na mbage ti Banga laa ye ti ngangu ayeke kporo ti ga na ndö ti azo ti kodro ni kue.

Jérémie 15:4

Tongaso, fade akodro-gbia kue ti sese ayeke do na kota mbeto na bango azo ni. Andaa, so ayeke gi peko ti sioni so Manase, molenge ti Ezekias, gbia ti Juda asara lani na Jérusalem laa.”

Jérémie 3:18

Na lango ni so, fade azo ti Juda ayeke bongbi oko na ala ti Israel si ala yeke londo na kodro so ayeke na Banga ti kiri na kodro so mbi mu na akotara ti ala titene aga ye ti ala.”

Jérémie 31:10

Ala amara nde, ala ma tënë ti KOTA GBIA, ala bi tënë ni na mê ti azo so ayeke na ya ti azoa yongoro kâ. Ala tene: “KOTA GBIA akangbi lani azo ti Israel kirikiri, fadeso lo bongbi ala si lo bata ala tongana wabatango-taba so abata ataba ti lo.”

Jérémie 31:38

“So tënë ti yanga ti KOTA GBIA laa: Mbeni lango ayeke ga so a yeke kiri ti leke gbata ti Jérusalem ndali ti KOTA GBIA, ti londo na kota da ti Hananeel so ayo na nduzu, ngbii asi na yanga ti gbagba so iri ni Ti-Ndangoro.

Jérémie 31:8

Mbi yeke mu ala na kodro ti mbage ti Banga ti kiri na ala; mbi yeke sara titene ala londo na nda ti sese kue ti bongbi na ndo oko. Na popo ti ala, awaziba ayeke daa, azo ti bubango gere, awali so ayeke na ngo na ala so ya ti ala ayeke so ti du. Gba ti azo laa ayeke kiri na ndo so.

Jérémie 50:8

Ala sigigi na Babilone, ala kpe! Ala sigigi na ngangu na ya ti kodro ni! Ala sara tongana akoli-ngasa so atambula na dawa ti amba ti ala.

Jérémie 51:45

Ala azo ti mbi, ala sigigi na ya ti gbata ni! Ayeke nzoni zo oko oko asoo fini ti lo si lo kpe ngonzo ti mbi ti wâ!

Jérémie 51:50

Ala, azo so lo fâ ala pepe so, ala kpe, ague, aluti na lege pepe! Yongoro kâ, ayeke nzoni ala gbu li ti ala na ndö ti KOTA GBIA, ala dabe ti ala na Jérusalem.

Jérémie 51:6

Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Ezekiel 11:16

Tongaso, tene na amba ti mo so a gbu mo na ala si a gue na ala na kodro wande so, mo tene: Tënë so mbi Kota Gbia NZAPA, mbi tene ayeke so: ‘Ataa mbi tokua ala na akodro yongoro, ataa mbi kangbi ala na popo ti amara nde, kâ kue, mbi yeke na popo ti ala tongana ti so mbi yeke na ya ti da ti mbi so ayeke nde si ayeke nzoni kue.’

Ezekiel 17:21

Akpengba turugu ti lo kue ayeke kui ande na yanga ti bira, ala so ayeke ngba na fini ayeke kangbi na ndo kue. Tongaso, fade ala yeke hinga atene, mbi KOTA GBIA laa mbi tene tënë so.”

Ezekiel 5:10

Na ya ti gbata ni, fade babâ na mama ayeke te amolenge ti ala, amolenge ayeke te babâ na mama ti ala. Mbi yeke fâ ngbanga na li ti ala; ti tanga ti azo so ayeke ngba na fini, mbi yeke kangbi ala kirikiri na ndo kue.

Ezekiel 5:12

Fade a yeke kangbi ya ti ala ota: kozo kangbi ni ayeke kui ande na sioni kobela ti bubango kodro nga na kota nzara taa na ya ti gbata ni; use kangbi ni ayeke kui kuâ ti yongoro zeme na tere ti gbata ni. Fade mbi yeke kangbi tanga ti azo ni kirikiri na ndo kue si mbi yeke gboto yongoro zeme ti mbi ti tumba peko ti ala.

Daniel 11:4

Tongana lo duti ande gbia si gere ti lo agbu sese mbirimbiri awe, ya ti kodro ti lo ayeke fâ si ya ni ayeke kangbi na ndangoro osio ti le ti nduzu. *Ahale ti lo laa ayeke mu kodro ni na peko ti lo pepe. Fade a yeke zi kodro ni na maboko ti lo, a kangbi ni na popo ti ambeni zo nde. Me komandema ti azo ni ayeke lingbi na ti lo pepe.

Amos 9:9

Ti fadeso, mbi yeke mu yanga titene a yengere azo ti Israel na popo ti azo ti amara nde tongana ti so a yeke yengere ale ti kobe si gi ale ti têne laa angba na ya ti yengere ni.

Zakarii 1:16

Ndani laa, tënë so KOTA GBIA atene ayeke so: mbi yeke kiri na mbage ti Jérusalem ti baa mawa ti lo; fade a yeke kiri ti leke da ti mbi kâ, a yeke kiri ti leke gbata ni; so tënë ti yanga ti KOTA GBIA so ayeke na ndö ti dunia kue laa.”

Zakarii 2:7

*Ange so ayeke tene tënë na mbi so ague na dawa ti mbeni ange nde so ayeke ga ti tengbi na lo.

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Marc 13:27

Na ndani, lo yeke tokua *a-ange na ndö ti sese kue, ti londo na mbeni nda ti sese ngbii asi na mbeni nda ni titene ala gue, abongbi azo so Nzapa asoro ala.”

Ndia ti fani use ni 28:64

Fade KOTA GBIA ayeke kangbi ala na popo ti amara kue, ti londo na mbeni nda ti sese ti si na mbeni nda ni. Kâ, ala yeke voro ambeni nzapa so ala wani ahinga ala pepe, akotara ti ala nga ahinga ala pepe; a sara anzapa ni so na keke wala na têne.

Aye so Nzapa afa 18:4

Mbi kiri mbi ma mbeni go so alondo na yayu, atene: “Ala sigigi! Azo ti mbi, ala sigigi na ya ti gbata so, tongaso si ala bongbi na lo ti sara asiokpari ti lo pepe, tongaso si aye ti sioni so a leke ndali ti lo so asi na ala pepe.

Ruth 4:1

Booz ague, aduti na yanga ti kodro ni, na ndo so azo ayeke leke ka tënë daa. Andaa zo ti sewa ti Elimelek ayeke hon, lo so lo lingbi fade ti mu Ruth ti bata lo, lo so lani Booz atene tënë ti lo na Ruth so. Booz airi lo, atene: “Koli, ga, mo duti ge.” Koli ni aga si aduti.