Zakarii 2:4 - Mbeti ti Nzapa - Tënë so amu fini

⁴ Mbi hunda ndo, mbi tene: “Ala ga ti sara nyen?” Lo kiri tënë na mbi, lo tene: “Azo ti pikango ndao ni aga ti zia mbeto nga ti tumba angangu mara so akangbi azo ti Juda na ando nde nde; mbeni zo oko so agbu le ni na angangu mara ni ayeke daa pepe.”

Zakarii 2:4 ပူးပေါင်းရင်းမြစ်များ

Esther 9:19

Ndani laa azuife so ayeke lango na ya ti akete kodro ayeke sara kua na lango baleoko na osio ti nze ti Adar pepe; ala sara si lango ni so aga lango so ala yeke duti ti te, ti nyon, ti sara ngia, ti sara amatanga si ti tokua akobe na amba ti ala na popo ti ala.

Ésaïe 33:20

Mo baa *Sion, gbata so ando e yeke sara amatanga ti e daa, mo baa Jérusalem, ndo so azo ayeke duti daa kpoo; gbata ni ayeke ga tongana da ti bongo so ayeke kiri ti zi ni pepe, a yeke kiri ti gboto awen so a kpo ti gbu na da ni pepe, a yeke kiri ti zi akamba ni pepe.

Ésaïe 44:26

Mbi yeke sara ye alingbi na tënë so zo ti kua ti mbi atene; mbi yeke sara si apialo so awatokua ti mbi atene tënë ni aga nzoni. Tënë so mbi tene na ndö ti Jérusalem ayeke so: ‘Fade azo ayeke kiri ti lango na ya ni’. Tënë so mbi tene na ndö ti agbata ti Juda ayeke so: ‘Fade a yeke kiri ti leke ni; aye so a kungbi na sese, fade mbi yeke kiri ti leke ni na nduzu.’

Ésaïe 49:20

Amolenge so lani a gbanzi ala na mo so, ala yeke tene ande na mo, atene: ‘Ndo ni ayeke kete mingi ndali ti e, mo pusu si e lingbi ti wara mbeni ndo ti duti daa.’

Ésaïe 54:16

Baa, zo ti pikango ndao, lo so lo yeke huru le ti wâ si lo yeke sara na aye ti bira nde nde, mbi laa mbi sara lo. Zo so ayeke mu aye ti bira ni ti buba na aye, mbi nga laa mbi sara lo.

Jérémie 1:6

Mbi kiri tënë, mbi tene: “Ae, Kota Gbia NZAPA, mbi de maseka mingi; mbi hinga ti tene tënë pepe.”

Jérémie 31:24

“Tongaso, azo ti kete kodro na azo ti agbata ti Juda kue, ala na azo ti fango yaka na azo so ayeke fono na anyama ti ala ayeke sara kodro legeoko na ndo so.

Jérémie 31:27

“So tënë ti yanga ti KOTA GBIA laa: Mbeni lango ayeke ga so mbi yeke tuku azo na anyama gbani gbani na ya ti akodro-gbia ti Israel na ti Juda tongana ti so zo ayeke tuku ale ti kobe na le ti yaka.

Jérémie 33:22

Fade mbi yeke sara titene ahale ti zo ti kua ti mbi, David, na ahale ti Lévi so ayeke sara kua na mbi, ala wu tongana atongoro ti le ti nduzu so zo alingbi ti diko wungo ni pepe, wala tongana mbutu ti yanga ti kota ngu-ingo so zo alingbi ti diko ni pepe.”

Ezekiel 38:11

Fade mo yeke tene: ‘Kodro so gbagba ayeke na tere ni pepe so, mbi yeke gue ti tiri bira na azo ni. Kâ, azo ni aduti kpoo, ala yeke lango na siriri, ala yeke lango na ya ti agbata so gbagba ayeke na tere ni pepe, ayanga ti agbata ni ayeke daa pepe si kota kerere ti kangango na ni ayeke daa pepe.

Daniel 1:17

Nzapa asara si amaseka-koli osio so ahinga nda ti aye. Lo sara si ala hinga mbeti si ala duti nga na ndara mingi. Ti Daniel, lo hinga nda ti aye so ayeke ga na le ti zo tongana bango-li nga na abango-li kue.

Daniel 1:4

Alingbi mbeni ye ti tere ti amaseka-koli ni oko abuba pepe; ala yeke pendere mingi; ala si singo na ndara, ala yeke azo ti hingango mbeti na azo ti hingango ndo. Tongaso, fade ala yeke sara kua na yangbo ti gbia; fade a yeke fa na ala agere ti mbeti nga na yanga ti kodro ti azo ti Babilone.

Mishe 7:11

Lango titene a kiri ti leke gbagba ti tere ti gbata ti mo ayeke ga. Na lango ni so, fade azo ayeke kiri ti kono ya ti kodro ti mo.

Zakarii 1:16

Ndani laa, tënë so KOTA GBIA atene ayeke so: mbi yeke kiri na mbage ti Jérusalem ti baa mawa ti lo; fade a yeke kiri ti leke da ti mbi kâ, a yeke kiri ti leke gbata ni; so tënë ti yanga ti KOTA GBIA so ayeke na ndö ti dunia kue laa.”

Zakarii 1:17

Ange ni akiri ahunda na mbi ti tene tënë so: Tënë so KOTA GBIA so ayeke na ndö ti dunia kue atene ayeke so: “Fade agbata ti mbi ayeke kiri ti wara anzoni ye ti ala. Mbi yeke kiri ti baa mawa ti Sion si mbi yeke kiri ti soro Jérusalem.”

Zakarii 12:6

Na lango ni so, fade mbi yeke sara titene amakonzi ti Juda aduti tongana mbeni kota le ti wâ na ya ti gbako, wala tongana mbeni *tanda so a zia wâ daa na gbe ti gba ti ale ti kobe. Fade ale ti wâ ni ayeke te mbage na mbage kue amara so kue angoro ala. Me azo ti Jérusalem ayeke ngba ti duti gi na ya ti gbata ti ala.”

Zakarii 14:12

Amara so atiri lani bira na azo ti Jérusalem so, baa, aye ti sioni so KOTA GBIA ayeke sara titene ati na ndö ti ala laa: so ala ngba na le ti ala gi tongaso, fade kasa ti tere ti ala ayeke fun gi fungo, le ti ala ayeke fun na ya ti da ni, menga ti ala ayeke fun na ya ti yanga ti ala.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.