Zakarii 2:2 - Mbeti ti Nzapa - Tënë so amu fini

² Mbi hunda *ange so ayeke tene tënë na mbi so, mbi tene: “Adidi so aye ti fa nyen?” Lo kiri tënë na mbi, lo tene: “Adidi ni afa tënë ti angangu mara so akangbi azo ti Juda, ti Israel na ti Jérusalem na ando nde nde.”

Zakarii 2:2 ပူးပေါင်းရင်းမြစ်များ

Jérémie 31:39

Fade a yeke suru afini katikati ti gbata ni ti gue na ni na mbage ti Do, na mbage ti hoto ti Gareb; akatikati ni ayeke londo na ndo so, angoro ngbii asi na mbage ti Goa.

Ezekiel 40:3

KOTA GBIA amu mbi, ague na mbi kâ si mbi baa mbeni koli so tere ti lo ayeke tongana bengba wen, lo luti lutingo na tere ti yanga ti gbagba. Lo gbu na maboko ti lo aye use ti hakango na ye: mbeni kamba so a sara na *len nga na mbeni keke.

Ezekiel 45:6

Na tere ti sese so ala bata ndali ti KOTA GBIA so, fade ala haka kudee 5 000 na mbage, kudee 25 000 na mbeni mbage titene a sara gbata daa ndali ti azo ti Israel kue.

Zakarii 1:16

Ndani laa, tënë so KOTA GBIA atene ayeke so: mbi yeke kiri na mbage ti Jérusalem ti baa mawa ti lo; fade a yeke kiri ti leke da ti mbi kâ, a yeke kiri ti leke gbata ni; so tënë ti yanga ti KOTA GBIA so ayeke na ndö ti dunia kue laa.”

Zakarii 5:10

Mbi hunda ange so ayeke tene tënë na mbi so, mbi tene: “Ala yeke gue na sakpa ni na ndo wa?”

Jean 16:5

Me fadeso, mbi yeke kiri na tere ti lo so lo tokua mbi, me zo oko na popo ti ala ahunda mbi pepe, atene: ‘Mo yeke gue na ndo wa?’

Aye so Nzapa afa 11:1

Na pekoni, a mu na mbi mbeni sosongo so akpa keke ti hakango na ye si a tene na mbi: “Londo, mo haka kota da ti Nzapa na gbalaka, mo diko wungo ti azo so ayeke voro Nzapa na ya ni.