Zakarii 2:13 - Mbeti ti Nzapa - Tënë so amu fini

¹³ Biani, mbi yeke yoro maboko ti mbi ti pika amara ni so. Tongaso, azo so amara ni agbu ala lani na ngbaa so, angbaa ni ayeke kiri ti gbu amara ni tongana aye so a gbu na peko ti bira.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi.

Zakarii 2:13 ပူးပေါင်းရင်းမြစ်များ

2 Mbai 30:27

Na pekoni, awayango-sandaga so ayeke azo ti mara ti Lévi alondo si ala sara tufa na ndö ti azo ni. Sambela ti ala asi na yayu, ndo so ayeke nde si ayeke nzoni kue ti Nzapa si Nzapa ayeda na sambela ni.

Abia (Psaumes) 11:4

KOTA GBIA ayeke na ya ti kota da ti lo so ayeke nde si ayeke nzoni kue. Mbata ti lo ti gbia ayeke na yayu. Lo yeke baa ndo na ndö ti sese kue, le ti lo ayeke baa azo oko oko kue ti tara ala.

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Abia (Psaumes) 68:5

Ala azo, ala he bia na Nzapa, ala he bia ti gonda na iri ti lo! Ala leke lege ndali ti lo so lo yeke hon na ndö ti ambinda tongana zo ti kpengo na mbarata. Iri ti lo ayeke *KOTA GBIA, ala dodo na ngia na le ti lo!

Abia (Psaumes) 78:65

Na pekoni, KOTA GBIA azingo na lango tongana zo so azingo na lango, tongana ngangu zo ti bira so samba ayapu lo.

Ésaïe 14:2

Amara nde ayeke ga ti mu azo ti Israel ti kiri na ala na kodro ti ala. Na sese so ayeke ti KOTA GBIA, azo ti Israel ayeke mu amara ni ti ga angbaa ti ala, akoli na awali. Azo so lani agbu azo ti Israel na kanga so, fade azo ti Israel ayeke gbu ala ti ga azo ti kanga; ala yeke sara komandema na ndö ti azo so asara lani ngangu na ala.

Ésaïe 19:16

Na lango ni so, azo ti Ezipte ayeke ga tongana awali; ala yeke do na mbeto na ndembe so *KOTA GBIA so ayeke na ndö ti dunia kue ayeke yoro maboko ti lo ti be le na ala.

Ésaïe 41:1

*KOTA GBIA atene: “Ala azo ti azoa, ala kai kpoo, ala ma mbi si! Ala azo, ala duti na ngangu, ala pusu nduru si ala tene tënë! E kue, e gue legeoko na ngbanga.

Ésaïe 51:9

Zingo, zingo hio si! Maboko ti *KOTA GBIA, mo fa ngangu ti mo! Zingo tongana ti so mo sara ando, tongana ti so mo sara na ngoi ti azo ti giriri. Mo laa mo fâ ando Rahab pepe? Mo laa mo kpo ando kota sioni nyama so akpa ngunde so pepe?

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 57:5

Nzara ti tere ti ala ayeke gbi ala tongana wâ nduru na tere ti akota keke, na gbe ti afini keke so kue kugbe ni ayeke gbani gbani. Ala yeke fâ amolenge ti mu na *sandaga na tere ti ngu nga na popo ti atêne so asuru.

Ésaïe 63:15

*KOTA GBIA, na yayu kâ, zi le ti mo, mo baa ndo. Na pendere ndo ti mo so ayeke nde si ayeke nzoni kue, baa ye so asi na e: ndoye so ayeke gbi be ti mo tongana wâ ndali ti e, ayeke na ndo wa? Ngangu ti mo ayeke na ndo wa? Mo ke ti baa mawa ti e, mo ke ti sara nzoni be na e awe?

Jérémie 25:30

KOTA GBIA akiri atene na mbi: “Mo tene peko ti atënë ti yanga ti mbi so kue na ala, mo tene: Na nduzu kâ, KOTA GBIA atoto ngangu tongana bamara; na ya ti da so a zia nde ndali ti lo, lo sara si azo ama go ti lo. Lo yeke toto tongana bamara na ndö ti sese so ayeke ti lo. Lo yeke dekongo na ndö ti azo ti kodro ni kue tongana azo so ayeke ko ale ti *vinye ti sara na vin.

Habakuk 2:20

Me KOTA GBIA ayeke na ya ti kota da ti lo so ayeke nde si ayeke nzoni kue. Ayeke nzoni azo ti sese kue akai kpoo na dawa ti lo!”

Sofonii 1:7

Ala azo, ala kai kpoo na dawa ti Kota Gbia NZAPA, ngbanga ti so *lango ti KOTA GBIA aga nduru awe. KOTA GBIA aleke mbeni *sandaga awe, lo iri azo ti tengo kobe ti sandaga ni si ala leke tere ti ala awe.

Sofonii 2:9

Mbi yeke na fini! So tënë ti yanga ti *KOTA GBIA so ngangu ti lo ahon angangu kue, Nzapa ti Israel laa: Ndani laa, fade Moab ayeke ga tongana Sodome, azo ti Amon ayeke ga tongana Gomore. Kodro ti ala ayeke ga mbeni ndo so akeke ti ki amu ya ni kue, mbeni ndo so gi ingo laa ayeke daa, kodro ni ayeke buba biani biani. Tanga ti azo ti mbi so angba na fini, ala yeke ro aye ti kodro ni kue, ala yeke mu kodro ni ti ga ti ala.”

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Zakarii 4:9

“Zorobabel laa alu agere ti kota da ni, lo laa lo yeke hunzi kua ti da ni.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi na ala.

Zakarii 6:15

Azo so ayeke na yongoro ndo ayeke ga ande ti kiri ti leke kota da ti KOTA GBIA. Tongaso, fade ala yeke hinga atene, KOTA GBIA so ayeke na ndö ti dunia kue laa atokua mbi na ala. Ye ni ayeke si ande tongana ala ma yanga ti KOTA GBIA, Nzapa ti ala biani.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Rome 9:20

Mo zo, mo yeke ti mo zo wa ti kiri tënë na Nzapa? Ta ti sese so zo asara na maboko ti lo alingbi ti hunda zo so asara lo, atene: “Ngbanga ti nyen si mo leke mbi tongaso?”

Ndia ti fani use ni 18:21

Fade ala yeke hunda tere ti ala, atene: “Tënë so alondo na KOTA GBIA pepe, fade e yeke hinga ni tongana nyen?”

Ndia ti fani use ni 18:22

Tongana wayanga-Nzapa ni atene mbeni tënë na iri ti KOTA GBIA si peko ti tënë asi alingbi na ni pepe, wala aga taa-tënë pepe, andaa tënë ti lo ni alondo na KOTA GBIA pepe. Wayanga-Nzapa ni atene tënë ti li ti lo wani. Alingbi ala, azo ti Israel, ala sara mbeto ti wayanga-Nzapa ni pepe!

Ndia ti fani use ni 26:15

So mo yeke na yayu kâ, na ndo ti mo so ayeke nde si ayeke nzoni kue, mo baa ndo, mo sara tufa na ndö ti azo ti Israel, azo ti mo; mo sara nga tufa na ndö ti kodro so mo mu na e, alingbi na zendo so mo mu na akotara ti e; *kodro so ngu ti me ti bagara na mafuta ti wotoro asi singo daa.”