Zakarii 2:11 - Mbeti ti Nzapa - Tënë so amu fini

¹¹ He, ala azo ti *Sion, ala londo, ala kpe, ala so aduti kâ na Babilone so!”

Zakarii 2:11 ပူးပေါင်းရင်းမြစ်များ

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Sigingo 12:49

“Ndia oko so ayeke ndali ti zo ti Israel so a du lo na ya ti kodro ni nga ndali ti wande so aduti na popo ti ala.”

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 48:16

Ala ga nduru na mbi, ala ma tënë so: Ngbene ye na tongo nda ni, mbi tene tënë na hondengo ni pepe. Na ngoi so aye ni so asi, mbi yeke daa. Fadeso, Kota Gbia NZAPA atokua mbi, lo mu na mbi yingo ti lo.

Ésaïe 52:10

Na le ti amara nde kue, KOTA GBIA amu lege na maboko ti lo ti sara kua ti lo so ayeke nde si ayeke nzoni kue. Fade azo ti nda ti sese kue ayeke baa lege so Nzapa ti e ayeke soo e na kuâ.

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Ésaïe 66:19

Fade mbi yeke zia na popo ti ala mbeni ye so afa ngangu ti mbi. Na peko ti ngbanga so mbi fâ, azo so ayeke ngba na fini, mbi yeke tokua ala na mbage ti amara so ayeke na Tarsis, na Pul nga na Lud – azo ni so ahinga ti pika kokora mingi – Mbi yeke tokua ala na ndo ti azo ti Tubal na ti Yavan, nga na ndo ti azo ti azoa so ayeke yongoro kâ, ndo so azo ade ti ma tënë ti mbi daa laoko pepe, ndo so azo ade ti baa gonda ti mbi daa laoko pepe. Fade awatokua ni ayeke fa gonda ti mbi na amara ni.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 50:8

Ala sigigi na Babilone, ala kpe! Ala sigigi na ngangu na ya ti kodro ni! Ala sara tongana akoli-ngasa so atambula na dawa ti amba ti ala.

Ezekiel 33:33

Tongana aye so mo tene tënë ni asi ande, – aye ni aga nduru ti si, – fade ala yeke hinga atene, mbeni wayanga-Nzapa ayeke lani na popo ti ala.”

Mishe 4:2

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Zakarii 1:16

Ndani laa, tënë so KOTA GBIA atene ayeke so: mbi yeke kiri na mbage ti Jérusalem ti baa mawa ti lo; fade a yeke kiri ti leke da ti mbi kâ, a yeke kiri ti leke gbata ni; so tënë ti yanga ti KOTA GBIA so ayeke na ndö ti dunia kue laa.”

Zakarii 2:5

Mbi yo le ti mbi na nduzu si na ya ti mbeni ye tongana bango-li, mbi kiri mbi baa mbeni koli so agbu kamba ti hakango na ye na maboko ti lo.

Zakarii 3:10

Na lango ni so, fade ala yeke tisa tere na popo ti ala ti ga ti duti na siriri na gbe ti akeke ti *vinye ti ala nga na gbe ti akeke ti fige ti ala; so tënë ti yanga ti KOTA GBIA so ayeke na ndö ti dunia kue laa.”

Zakarii 8:3

Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.

Zakarii 8:8

Fade mbi yeke kiri na ala si ala yeke duti na Jérusalem. Ala yeke duti azo ti mbi si mbi yeke duti Nzapa ti ala. Mbi yeke sara komandema na ndö ti ala na lege ti batango tënë ti yanga ti mbi na fango ngbanga ti mbirimbiri.”

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

Jean 17:21

Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.

Jean 17:23

Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.

Jean 17:25

Babâ so mo yeke mbirimbiri, azo ti dunia so ahinga mo pepe, me mbi hinga mo. Adisiple ti mbi ahinga atene, mo laa mo tokua mbi.

Awatokua 28:28

Paul akiri atene: “Ayeke nzoni ala hinga atene, Nzapa atokua tënë ti songo zo na kuâ na azo ti amara nde. Ti azo ni so, fade ala yeke ma tënë ni!” [

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”