Zakarii 2:1 - Mbeti ti Nzapa - Tënë so amu fini

¹ Mbi yo le ti mbi na nduzu si na ya ti mbeni ye tongana bango-li, mbi kiri mbi baa adidi osio.

Zakarii 2:1 ပူးပေါင်းရင်းမြစ်များ

Ésaïe 54:16

Baa, zo ti pikango ndao, lo so lo yeke huru le ti wâ si lo yeke sara na aye ti bira nde nde, mbi laa mbi sara lo. Zo so ayeke mu aye ti bira ni ti buba na aye, mbi nga laa mbi sara lo.

Jérémie 31:39

Fade a yeke suru afini katikati ti gbata ni ti gue na ni na mbage ti Do, na mbage ti hoto ti Gareb; akatikati ni ayeke londo na ndo so, angoro ngbii asi na mbage ti Goa.

Jérémie 48:25

“A fâ ya ti ngangu ti Moab awe, komandema ti lo akungbi awe”; so tënë ti yanga ti KOTA GBIA laa.

Ezekiel 40:3

KOTA GBIA amu mbi, ague na mbi kâ si mbi baa mbeni koli so tere ti lo ayeke tongana bengba wen, lo luti lutingo na tere ti yanga ti gbagba. Lo gbu na maboko ti lo aye use ti hakango na ye: mbeni kamba so a sara na *len nga na mbeni keke.

Ezekiel 40:5

Mbi baa mbeni gbagba angoro kota da ti Nzapa kue. Koli ni agbu keke ti hakango na ye so ayo kudee omene. Kudee oko oko ayo ahon asenge kudee na konongo ti le ti maboko oko. Lo mu ni si lo haka na gbagba ni. Gbagba ni *amï si ayo na nduzu alingbi tere na keke oko ti hakango na ye.

Ezekiel 47:3

Koli ni ahon kete na mbage ti To. Lo gbu kamba na maboko ti lo. Lo haka kudee saki oko. Na ndo so kâ, lo sara si mbi fâ ngu ni. Ngu ni asi na kutu ti gere ti mbi.

Ezekiel 47:4

Lo kiri lo haka kudee saki oko, lo sara si mbi fâ ngu ni. Ngu ni asi na likunu ti mbi. Lo kiri lo haka kudee saki oko, lo sara si mbi fâ ngu ni. Ngu ni asi na ngbonda ti mbi.

Daniel 7:7

Na pekoni mbi baa ndo, mbi baa na bi na ya ti mbeni ye tongana bango-li osio nyama ni. Lo yeke mu mbeto mingi na zo, lo yeke taa sioni sioni; ngangu ti lo ahon ndoni. Lo yeke na akota pembe ti wen so lo yeke te na ye, lo yeke suru na ya ti aye kete kete. Aye so lo yeke te ni pepe, lo yeke do na gere ti lo. Lo yeke ti lo nde na akozo nyama ota so; lo yeke na didi baleoko.

Zakarii 1:16

Ndani laa, tënë so KOTA GBIA atene ayeke so: mbi yeke kiri na mbage ti Jérusalem ti baa mawa ti lo; fade a yeke kiri ti leke da ti mbi kâ, a yeke kiri ti leke gbata ni; so tënë ti yanga ti KOTA GBIA so ayeke na ndö ti dunia kue laa.”

Aye so Nzapa afa 11:1

Na pekoni, a mu na mbi mbeni sosongo so akpa keke ti hakango na ye si a tene na mbi: “Londo, mo haka kota da ti Nzapa na gbalaka, mo diko wungo ti azo so ayeke voro Nzapa na ya ni.

Aye so Nzapa afa 21:15

Ange so ayeke tene tënë na mbi so agbu mbeni ye ti hakango na ye na maboko ti lo; ye ni akpa sosongo so a leke ni na lôro. Lo ye ti haka gbata ni, ayanga ti gbata ni nga na agbagba ni ti hinga yongo ni.