Zakarii 14:7 - Mbeti ti Nzapa - Tënë so amu fini

⁷ Lango ni so ayeke duti mbeni lango so ayeke nde; KOTA GBIA laa ahinga lango ni so. Fade lâ ayeke kiri ti duti daa pepe, vukongo ndo ayeke kiri ti duti daa pepe; ataa na lakui, lumiere ayeke ngba ti za.

Zakarii 14:7 ပူးပေါင်းရင်းမြစ်များ

Abia (Psaumes) 37:18

Azo so alingbi kue, KOTA GBIA ahinga lango ti ala; kodro so aga ti ala, fade ayeke ngba ti ala lakue.

Ésaïe 11:9

Na ndö ti hoto so kue ayeke nde si ayeke nzoni kue, fade sioni ye na buba ye ayeke duti daa pepe, ngbanga ti so hingango KOTA GBIA ayeke si singo na ya ti kodro ni tongana ti so ngu asi singo na ya ti kota ngu-ingo.

Ésaïe 24:23

Le ti nze ayeke be na kamene, kamene ayeke gbu le ti lâ. Biani, KOTA GBIA so ayeke na ndö ti dunia kue, lo yeke duti gbia na Jérusalem nga na ndö ti hoto ti *Sion. Gonda ti lo ayeke za na dawa ti *akangba ti gbata ni.

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Ésaïe 58:10

tongana mo mu kobe ti mo wani na zo so nzara ayeke sara lo, tongana mo mu kobe ti tengo ni na azo ti mawa, fade lumiere ti mo ayeke za na ya ti vukongo ndo, vukongo ndo ti mo ayeke ga tongana lâ ti bekombite.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Jérémie 30:7

So ye ti vundu ti nyen! So ayeke kota lango mingi; mbeni lango ti lingbi na ni ayeke daa pepe! So ayeke lango ti kota vundu ndali ti *ahale ti Jacob! Me fade ala yeke soo kuâ.”

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Amos 8:9

So tënë ti yanga ti Kota Gbia NZAPA laa: “Na lango ni so, mbi yeke sara si lâ alinda na bekombite si ndo avuko pitipiti na kota lâ.

Matthieu 24:36

“Ti lango ti singo ti aye ni wala ngbonga ni, zo oko ahinga ni pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Marc 13:32

“Ti lango ti singo ti aye ni wala ngbonga ni, zo oko ahinga pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Awatokua 1:7

Jésus akiri tënë na ala: “So ayeke tënë ti ala pepe ti hinga ngoi ni na ndembe ni. Biani, Babâ oko laa aleke na be ti lo na lege ti komandema ti lo.

Awatokua 15:18

lo fa tënë ni ando na azo kozoni awe.’

Awatokua 17:26

Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

1 Tesalonike 5:2

Ala wani, ala hinga tënë ni nzoni mingi: lango ti gango ti *Kota Gbia ayeke duti tongana gango ti zo ti nzi na bi.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Aye so Nzapa afa 14:6

Na pekoni, mbi baa mbeni *ange nde so ayeke huru yongoro kâ na le ti nduzu. Lo yeke na mbeni Nzoni Tënë so ayeke ngba lakue lakue ti fa na azo ti amara kue, azo ti akete mara kue, azo ti ayanga ti kodro kue nga na azo ti akodro kue. Tënë ni ayeke.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.

Aye so Nzapa afa 21:25

Ayanga ti gbagba ni ayeke ngba na zingo ni lakue, ngbanga ti so fade ndo ayeke vuko na ndo ni so laoko pepe.

Aye so Nzapa afa 21:3

Mbi ma mbeni kota go so alondo na mbage ti mbata ti gbia ni, atene: “Fadeso, da so Nzapa aduti daa asi na popo ti azo awe! Lo yeke sara kodro na ala, ala yeke duti amara ti lo. Lo wani, lo yeke duti na ala, lo yeke duti Nzapa ti ala.

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.