Zakarii 14:3 - Mbeti ti Nzapa - Tënë so amu fini

³ Na pekoni, fade KOTA GBIA ayeke londo ti tiri bira na amara so; lo yeke tiri na ala tongana ti so lo yeke sara lakue na ngoi ti bira.

Zakarii 14:3 ပူးပေါင်းရင်းမြစ်များ

2 Mbai 20:15

Yaziel atene: “Ala azo ti Juda kue, ala na azo ti Jérusalem kue na mo gbia Yosafat, ala ma tënë so nzoni. Tënë so KOTA GBIA atene na ala ayeke so: ‘Ala sara mbeto pepe, mbeto ti gba ti aturugu so asara ala pepe! Biani, bira ni ayeke ti ala pepe, me ti Nzapa.

Néhémie 4:14

Na ndo so kue ala yeke daa, tongana ala ma toto ti didi, ala bongbi na tere ti mbi. Fade Nzapa ti e ayeke tiri bira ndali ti e!”

Ésaïe 29:7

Gba ti azo so ayeke tiri bira lani na mo Ariel, fade ala kue ayeke hon tongana bango-li. Azo so kue ayeke sara gbagba na tere ti mo ti tiri bira na mo, azo so ayeke pete mo mbage na mbage, fade ala kue ayeke hon tongana ti so zo ayeke baa ye na ya ti mbeni ye tongana bango-li.

Joël 3:2

Na ya ti alango ni so, ataa azo ti kua ti koli na ti wali, mbi yeke sara titene Yingo ti mbi aga na ndö ti ala.

Sofonii 3:19

Na ngoi ni so, fade mbi yeke sara sioni na azo so kue asara ngangu na ala. Azo so awara ka, fade mbi yeke kanga le ti ka ti ala; azo so a gbu ala, a gue na ala na kodro wande, mbi yeke kiri ti bongbi ala na ndo oko. Fade mbi yeke sara titene azo ane ala si iri ti ala awu, amu ya ti akodro so kue a zia lani kamene na le ti ala daa.

Zakarii 12:9

*KOTA GBIA atene: “Na lango ni so, mbi yeke sara kue ti fâ amara so kue ti hunzi ala; amara so ayeke ga ti tiri bira na azo ti Jérusalem.

Josué 10:10

KOTA GBIA asara si azo ti mara ti Amori akpe kirikiri na dawa ti azo ti Israel; azo ti Israel afâ ala gbani gbani na gbata ti Gabaon. Ala tumba peko ti ala na lege so ague na nduzu, na Bet-Horon si ala fâ ala ngbii asi na Azeka nga na Makeda.

Josué 10:14

Mbeni lango tongana ti so ade ti duti daa pepe, ataa kozoni, ataa na pekoni. Na lango ni so, KOTA GBIA asara ye alingbi na tënë so zo ahunda na lo, ngbanga ti so KOTA GBIA wani laa atiri fade bira ndali ti azo ti Israel.

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.