Zakarii 14:2 - Mbeti ti Nzapa - Tënë so amu fini

² Fade KOTA GBIA ayeke bongbi amara kue ti tiri bira na Jérusalem; azo ayeke mu gbata ni, ala yeke nzi aye ti ya ti ada, ala yeke gbu awali na ngangu ti lango na ala; ala yeke gbu ndambo ti azo ti gbata ni ti gue na ala na kodro wande, me tanga ti azo ayeke ngba na ya ti gbata ni.

Zakarii 14:2 ပူးပေါင်းရင်းမြစ်များ

Ésaïe 13:16

A yeke do ya ti amolenge ti ala taa na le ti ala, a yeke nzi aye ti da ti ala, a yeke gbu awali ti ala na ngangu ti lango na ala.

Ésaïe 4:3

Tongaso, azo so ayeke ngba na Jérusalem na tanga ti azo so angba na fini na *Sion, fade a yeke mu na ala mbeni iri so atene: “Azo so a zia ala nde ndali ti KOTA GBIA”; so ti tene azo so kue KOTA GBIA asu iri ti ala na ya ti mbeti ti lo titene ala duti na fini na Jérusalem.

Ésaïe 5:26

KOTA GBIA ayo bendere na nduzu ndali ti amara so alango yongoro lo huru yanga ti lo na ala si ala londo na nda ti sese kâ aga. Baa, ala mu loro si ala si hio.

Ésaïe 65:18

Me ala duti na ngia, ala dodo na ngia lakue ndali ti ye so mbi yeke sara. Mbi yeke sara Jérusalem titene ngia asi singo na be ti lo si ngia asi singo na be ti azo ti gbata ni.

Jérémie 21:4

Tënë so KOTA GBIA, Nzapa ti Israel atene ayeke so: ‘Aye ti bira so ala yeke mu ti tiri na gbia ti Babilone nga na aturugu ti lo so ayeke na gigi ti gbagba ni so, fade mbi yeke sara si aye ti bira ni aturne, atuku kue na be ti gbata ni.

Jérémie 34:1

Nabukodonosor, gbia ti Babilone, lo na aturugu ti lo kue, na azo ti akodro-gbia ti sese so kue ayeke na gbe ti komandema ti lo nga na amara kue alondo ti tiri bira na Jérusalem nga na agbata so angoro Jérusalem. Na ngoi ni so, tënë ti *KOTA GBIA asi na Jérémie, atene:

Abia ti demango tere 1:10

Awato anzi anzoni ye ti Jérusalem kue awe. Azo ti mara nde ali na ya ti kota da ti Nzapa; me azo ti gbata ti Jérusalem abaa ala bango. Andaa KOTA GBIA, mo mu yanga ando, mo tene: “Fade amara nde ayeke li na ya ti bongbi ti azo ti mbi pepe.”

Ezekiel 5:8

Ndani laa, tënë so mbi Kota Gbia NZAPA, mbi tene ayeke so: Mbi yeke ga na tere ti ala, azo ti Jérusalem. Mbi yeke fâ ngbanga na li ti ala taa na ya ti gbata ni, na le ti amara nde.

Joël 3:2

Na ya ti alango ni so, ataa azo ti kua ti koli na ti wali, mbi yeke sara titene Yingo ti mbi aga na ndö ti ala.

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Zakarii 12:2

“Fade mbi yeke sara titene Jérusalem aga tongana kopo so asi singo na ngonzo ti mbi ndali ti azo so kue alango nduru na gbata ni; ala yeke nyon ni si ayeke sara ala tongana samba. Azo ti Juda nga ayeke nyon ngonzo ni si ayeke sara ala na ndembe so azo ayeke ga ti mu gbata ni na bira.

Zakarii 12:3

Biani, na lango ni so, fade mbi yeke sara titene Jérusalem aga tongana mbeni ngbongboro têne ndali ti amara kue; têne so zo alingbi ti yo ni na nduzu pepe. Zo so kue aye ti yo ni, lo yeke wara ka. Tongaso, amara ti sese kue ayeke bongbi oko ti tiri na lo.

Zakarii 12:9

*KOTA GBIA atene: “Na lango ni so, mbi yeke sara kue ti fâ amara so kue ti hunzi ala; amara so ayeke ga ti tiri bira na azo ti Jérusalem.

Matthieu 22:7

Ngonzo agbu gbia ni si lo tokua aturugu ti lo, ala gue, afâ azo ti fango zo so si ala gbi gbata ti ala kue.

Marc 13:14

“Fade ala yeke baa ye so iri ni ‘Sioni-kpale-ti-bubango-ndo-kue’ so ayeke duti na ndo so sioni kpale ni alingbi fade ti duti daa pepe. (Mo so mo yeke diko mbeti so, mo gi nda ti ye so nzoni!) Tongaso, azo so ayeke na sese ti Judée, alingbi ala kpe ague na li ti ahoto;

Marc 13:19

ngbanga ti so, na ya ti alango ni so, fade pasi ayeke hon ndoni. Ngbene ye na tongo nda ti dunia so Nzapa asara ngbii asi fadeso, zo ade ti baa mara ti pasi tongaso laoko pepe. Na pekoni, fade zo ayeke kiri ti baa mara ti pasi so oko pepe.

Nzoni Tënë so Luc asu na mbeti 2:1

Na ngoi ni so, Auguste, kota gbia ti Rome asigigi na mbeni mbela so ahunda na azo ti sese ti lo kue titene a diko wungo ti ala.