Zakarii 14:1 - Mbeti ti Nzapa - Tënë so amu fini

¹ Lango ti *KOTA GBIA aga nduru awe. Na lango ni so, fade azo ayeke ro aye ti ala, azo ti Jérusalem ti kangbi ni na le ti ala wani.

Zakarii 14:1 ပူးပေါင်းရင်းမြစ်များ

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 13:9

Baa lango ti KOTA GBIA ayeke ga, lango so ayeke baa mawa ti zo pepe, lango ti sioni ngonzo, lango ti ngonzo ti wâ. Lango ni ayeke sara si sese aga ngonda, ayeke fâ azo ti siokpari kue.

Ésaïe 2:12

Biani, KOTA GBIA so ayeke na ndö ti dunia kue, mbeni lango ti lo ayeke ga so lo yeke fâ ngbanga na li ti azo ti pikango kate, azo so ayeke ya iri ti ala nga na azo so abaa atene, ala hon amba ti ala so; lo yeke kiri ala na kete ndo.

Joël 2:1

Ala huru didi na ndö ti hoto ti *Sion, ala dekongo ngangu na ndö ti hoto ti mbi so ayeke nde si ayeke nzoni kue so! Ala azo ti kodro, ayeke tere ti ala ado, ngbanga ti so *lango ti KOTA GBIA ayeke ga, lango ni aga nduru awe.

Sofonii 1:7

Ala azo, ala kai kpoo na dawa ti Kota Gbia NZAPA, ngbanga ti so *lango ti KOTA GBIA aga nduru awe. KOTA GBIA aleke mbeni *sandaga awe, lo iri azo ti tengo kobe ti sandaga ni si ala leke tere ti ala awe.

Zakarii 14:14

Azo ti Juda ayeke londo ti tiri bira ndali ti gbata ti Jérusalem. Ala yeke mu amosoro kue ti amara so ayeke lango nduru na Jérusalem: lôro, wen ti nginza na abongo gbani gbani.

Awatokua 2:20

lâ ayeke ga vukongo ndo, nze ayeke ga bengba tongana mene. Na pekoni, fade lango ti *Kota Gbia ayeke si, kota lango so azo ayeke baa gonda ti Nzapa.

Aye so Nzapa afa 16:14

Ayingo so ayeke asioni yingo so ayeke sara aye ti kpene. Ala gue ti wara agbia ti dunia kue ti bongbi ala na ndo oko ngbanga ti bira so ayeke ti ande na kota lango ti Nzapa so ngangu ti lo ahon angangu kue.