Zakarii 13:9 - Mbeti ti Nzapa - Tënë so amu fini

⁹ Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Zakarii 13:9 ပူးပေါင်းရင်းမြစ်များ

2 Samuel 7:24

Mo zia azo ti Israel titene ala duti mbirimbiri azo ti mo kpu na kpu; ti mo KOTA GBIA, mo ga Nzapa ti ala.

Mbeti ti Job 23:10

Andaa lege so mbi hon daa, lo hinga ni nzoni. Tongana lo tara mbi, fade mbi yeke sigigi tarara tongana lôro.

Mbeti ti Job 28:1

Taa-tënë, ndo ti zingo wen ti nginza na gbe ti sese ayeke daa; ndo ti sukulango lôro titene aga nzoni ayeke daa.

Abia (Psaumes) 144:15

Ti ala nzoni, amara so ayeke na aye ni so kue! Ti ala nzoni, amara so KOTA GBIA ayeke Nzapa ti ala!

Abia (Psaumes) 43:4

Fade mbi yeke si na tere ti gbalaka ti mo; mbi yeke si na tere ti mo Nzapa, mo so taa ngia ti mbi alondo na mo. Mbi yeke pika kundi ti gonda mo Nzapa, Nzapa ti mbi!

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

B. ti abia 2:16

Kamba ti be ti mbi ayeke ti mbi si mbi yeke ti lo. Lo gue na anyama ti lo ti te pere na popo ti akongo.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 48:10

Mbi tara ala, me na ya ti wâ pepe tongana ti so a yeke tara wen ti nginza na ya ti wâ ti zi sioni daa. Me mbi tara ala na ya ti wâ ti aye ti vundu.

Ésaïe 58:9

Na ndembe so mo yeke iri ndo, KOTA GBIA ayeke yeda; na ndembe so mo yeke dekongo, lo yeke tene: “Mbi laa!” Tongana mo zi zuge na ya ti kodro ti mo, tongana mo zia ti yoro maboko na le ti azo, tongana mo zia ti tene sioni tënë na iri ti azo,

Jérémie 24:5

“Tënë so KOTA GBIA, Nzapa ti Israel atene ayeke so: Legeoko tongana ti so azo ayeke baa apendere fige so, mbi nga, fade mbi yeke baa na nzoni le azo ti Juda so mbi tumba ala ge si ala gue na sese ti Babilone so.

Jérémie 30:22

Fade ala yeke duti azo ti mbi si mbi yeke duti Nzapa ti ala.”

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Jérémie 32:38

Ala yeke kiri ti duti azo ti mbi si mbi yeke duti Nzapa ti ala.

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Ezekiel 11:20

Tongaso, fade ala yeke sara ye alingbi na aye so mbi fa nga na atënë ti andia ti mbi. Fade ala yeke duti azo ti mbi si mbi yeke duti Nzapa ti ala.

Ezekiel 14:11

Tongaso si azo ti Israel ayeke kiri ti gue yongoro na mbi pepe; ala yeke kiri ti ga *sioni ndali ti asioni ye ti ala pepe. Fade ala yeke duti azo ti mbi si mbi yeke duti Nzapa ti ala.” So tënë ti yanga ti Kota Gbia NZAPA laa.

Ezekiel 20:38

Azo so atomboka na tere ti mbi na azo so ake ti ma yanga ti mbi, fade mbi yeke zi ala na popo ti ala, azo ti Israel. Mbi yeke sara si ala sigigi na ya ti akodro so ala duti daa tongana awande, me ala yeke li na sese ti Israel pepe. Tongaso, fade azo ni ayeke hinga atene, mbi laa mbi yeke KOTA GBIA.

Ezekiel 36:28

Tongaso, fade ala yeke duti na sese so mbi mu ando na akotara ti ala; ala yeke duti azo ti mbi si mbi yeke duti Nzapa ti ala.

Ezekiel 37:27

Ndo ti dutingo ti mbi ayeke na popo ti ala; mbi yeke duti Nzapa ti ala si ala yeke duti azo ti mbi.

Daniel 11:35

Fade azo mingi na popo ti azo so le ti ala ahan ayeke kui. Kuâ ti ala ayeke sara si a *sukula sioni ti azo ti kodro, ala ga nzoni si ala vuru nzoni ti ku na lango ti ndani. Lango ti ndani ayeke si gi na ngoi so a diko awe.

Daniel 12:10

Fade a yeke *sukula sioni ti azo mingi, ala yeke vuru si ala ga *nzoni. Azo ti sioni so ahinga nda ti ye pepe ayeke ngba ti sara asioni ye. Me azo so le ti ala ahan laa ayeke hinga nda ti ye so ayeke si.

Awayango-sandaga 26:12

Mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.

Zakarii 10:6

Fade mbi yeke mu ngangu na azo ti Juda, mbi yeke soo azo ti Israel. Mbi yeke kiri na ala na kodro ti ala, ngbanga ti so mbi yeke baa mawa ti ala. Ala yeke duti tongana azo so, mo baa mo tene, mbi ke ala laoko pepe. Biani, mbi yeke KOTA GBIA, Nzapa ti ala, fade mbi yeke ma sambela ti ala.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Zakarii 8:8

Fade mbi yeke kiri na ala si ala yeke duti na Jérusalem. Ala yeke duti azo ti mbi si mbi yeke duti Nzapa ti ala. Mbi yeke sara komandema na ndö ti ala na lege ti batango tënë ti yanga ti mbi na fango ngbanga ti mbirimbiri.”

Awatokua 2:21

Tongaso, zo so kue ayeke iri Kota Gbia ti mu maboko na lo, fade lo yeke soo kuâ.’

Ahebro 8:10

Kota Gbia atene: Baa, mbuki so mbi na azo ti Israel, e yeke sara ni ayeke so: Na peko ti alango ni so, mbi yeke mu andia ti mbi na ala, mbi yeke su ni na ya ti li ti ala nga na ndö ti be ti ala. Mbi yeke duti Nzapa ti ala si ala yeke duti azo ti mbi.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

1 Pierre 4:12

A-ita ti mbi so mbi ye ala mingi, li ti ala akpe pepe na wâ ti pasi so ala yeke na ya ni so! Ala baa ni tongana mbeni fini ye pepe.

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.

Aye so Nzapa afa 8:10

Ota ange ni ahuru tatalita ti lo. Mbeni kota tongoro alondo na nduzu ati na sese; tongoro ni ayeke gbi tongana kota menga ti wâ. Angu ti *bale na ali ti ngu, tongoro ni ati na ndö ti mbeni oko na popo ti ambeni ota.

Aye so Nzapa afa 8:11

Iri ti tongoro ni ayeke “Sengo ye.” Mbage oko na popo ti ambage ota ti angu so lo ti daa so asee ahon ndoni; azo mingi akui, ngbanga ti so angu ni asee sengo.

Aye so Nzapa afa 8:12

Osio ange ni ahuru tatalita ti lo. A pika mbeni mbage oko na popo ti ambage ota ti lâ na ti nze na ti atongoro oko oko kue si avuko; kota lâ agirisa mbage oko ti zango ti lo na popo ti ambage ni ota so ayeke za; vurungo ndo ti bi asara nga gi tongaso.

Aye so Nzapa afa 8:7

Kozo ange ni ahuru tatalita ti lo. *Pembe ti bekpa na wâ so abongbi na mene atuku na ndö ti sese. Na ndö ti sese kue, mbeni mbage oko na popo ti ambage ota ti sese ni agbi. Ti akeke ti dunia kue, mbeni oko na popo ti akeke ota agbi; afini pere kue agbi.

Aye so Nzapa afa 8:8

Use ange ni ahuru tatalita ti lo. A mu mbeni ye so akpa kota hoto so ayeke gbi, a bi ni na ya ti kota ngu-ingo. Mbeni mbage oko na popo ti ambage ota ti kota ngu-ingo ni kue aga mene.

Aye so Nzapa afa 8:9

Anyama so kue ayeke na ya ti kota ngu-ingo, mbeni oko na popo ti anyama ota akui; amangboko so ayeke na le ti kota ngu-ingo, mbeni oko na popo ti amangboko ota abuba.