Zakarii 13:2 - Mbeti ti Nzapa - Tënë so amu fini

² So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Zakarii 13:2 ပူးပေါင်းရင်းမြစ်များ

1 Agbia 22:22

Yingo ni akiri tënë, atene: ‘Fade mbi yeke gue si mbi yeke ga yingo ti mvene na yanga ti awayanga-nzapa kue ti gbia.’ KOTA GBIA atene na lo: ‘So nzoni lege ti handango lo laa; gue, mo sara gi tongaso.’ ”

Abia (Psaumes) 16:4

Azo so ayeke kpe na peko ti anzapa nde so, fade pasi ti ala ayeke hon ndoni. Ti mbi, mbi yeke kiri ti mu mene ti anyama na *sandaga na ala pepe, mbi yeke kiri ti di iri ti anzapa ni na yanga ti mbi pepe.

Sigingo 22:13

“Tongana mbeni zo ahunda nyama ti mba ti lo ti sara na kua si nyama ni awara ka wala lo kui na ndembe so wani ti lo ayeke daa pepe, fade zo ni ayeke futa mbeni ye na wani.

Sigingo 23:13

“Aye so kue mbi mu yanga daa na ala so, ala sara ye alingbi na ni. Ala sambela ambeni nzapa nde pepe; ala di nga iri ti anzapa ni na yanga ti ala pepe.”

Ésaïe 2:18

Fade ayanda kue ayeke daa mbeni pepe.

Ésaïe 2:20

Na lango ni so, azo ayeke mu ayanda ti ala ti wen ti nginza na ti lôro so ala yeke kuku ti voro ni so, ti bi ni na akolofia nga na anyama-ti-ngia.

Jérémie 29:23

Ye so ayeke si na ala, ngbanga ti so ala sara kota ye ti kamene na sese ti Israel. Biani, ala lango na awali ti amba ti ala si ala tene, ani yeke tene peko ti atënë ti yanga ti mbi, ataa so mbi mu yanga na ala oko pepe. Mbi hinga ye so kue si mbi baa ye so kue.” So tënë ti yanga ti KOTA GBIA laa.

Ezekiel 12:24

Aye so azo abaa na ya ti mbeni ye tongana bango-li si ayeke mvene, wala bango nda ti aye ti handango na azo ayeke kiri ti duti na popo ti azo ti Israel pepe.

Ezekiel 13:23

Ndali ni, ye so ala yeke baa na ya ti mbeni ye tongana bango-li si ayeke mvene, ala yeke kiri ti baa ni pepe; bango nda ti aye so ala yeke baa ti handa na azo, ala yeke kiri ti baa ni pepe. Fade mbi yeke zi azo ti mbi na maboko ti ala. Tongaso, fade ala yeke hinga atene, mbi laa mbi yeke KOTA GBIA.”

Ezekiel 14:9

“Tongana mbeni wayanga-Nzapa azia lege si azo ahanda lo si lo kiri tënë lo wani, mbi KOTA GBIA laa, mbi handa wayanga-Nzapa so. Mbi yeke yoro maboko ti mbi ti pika lo si mbi yeke zi lo na popo ti azo ti Israel, azo ti mbi.

Ezekiel 30:13

“Tënë so mbi Kota Gbia NZAPA, mbi tene ayeke so: Mbi yeke buba ayanda si mbi yeke zi abuba nzapa so ayeke na gbata ti Manfis. Mbeni makonzi ayeke kiri ti duti na Ezipte pepe; mbi yeke sara titene mbeto amu ya ti kodro ni kue.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Ezekiel 36:29

Mbi yeke zi ala na ya ti *asioni ti ala kue. Mbi yeke kiri ti tokua nzara na ya ti kodro ti ala pepe, me mbi yeke sara titene le ti kobe asigigi si ale gbani gbani.

Ezekiel 37:23

Ala yeke kiri ti ga *sioni pepe na lege ti vorongo afungo yanda, na lege ti sarango asioni ye so zo alingbi ti baa na le ti lo fani use pepe nga na lege ti asioni nde nde so ala sara. Mbi yeke zi ala na ando so kue ala duti daa si ala sara siokpari so; mbi yeke sara si ala ga *nzoni. Ala yeke duti azo ti mbi si mbi yeke duti Nzapa ti ala.

Ezekiel 43:7

Go ni atene na mbi: “*Molenge ti zo, ndo so ge so ayeke ndo ti mbata ti mbi ti gbia, ndo so mbi yeke zia gere ti mbi daa. Mbi yeke duti na ndo so lakue lakue na popo ti azo ti Israel. Iri ti mbi so ayeke nde si ayeke nzoni kue so, fade azo ti mara ti Israel na agbia ti ala ayeke kiri ti buba ni pepe na lege ti sarango ye ti ndumba ti ala wala na lege ti lungo akuâ ti agbia ti ala so akui so.

Ezekiel 6:6

Na ndo so kue ala yeke lango daa, fade agbata ayeke buba, ando so ala leke na nduzu ti voro anzapa ti ala daa, ayeke buba kue. Azo ayeke kungbi na sese agbalaka ti ala si ayeke ga senge ye, ya ti ayanda ti ala ayeke kungbi kete kete si mbeni ye oko ayeke ngba pepe. Azo ayeke fâ ya ti aye ti zongo na ayombo ti ala si ye so maboko ti ala asara, peko ni ayeke ngba pepe.

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Osée 2:17

Kâ, mbi yeke kiri na lo ayaka ti vinye ti lo, mbi yeke sara si popo-hoto ti Akor, – popo-hoto ti ye ti vundu so – aga tongana mbeni lege so lo yeke hon daa ti wara ye so lo zia be ti lo ti ku. Kâ, lo yeke ma yanga ti mbi tongana ti so lo sara na ndembe so lo de maseka, tongana ti so lo sara na ngoi so lo sigigi na sese ti Ezipte.”

Osée 2:19

Mbi yeke zi iri ti anzapa *Baal na yanga ti lo si azo ayeke kiri ti dabe ti ala na iri ni so pepe.

Mishe 2:11

Tongana mbeni zo ti handango ndo aga si lo yeke diko gba ti atënë ti mvene, atene: “Fade ala yeke wara gba ti vin na ngangu samba ti nyon!” Mara ti zo tongaso laa ayeke ga wayanga-Nzapa ti azo ni si zo ni ayeke diko abuba tënë, lo tene:

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Matthieu 12:43

“Tongana mbeni sioni yingo asigigi na ya ti zo, yingo ni ayeke fono na ndo so ngu ayeke daa pepe ti gi mbeni ndo ti wu tere ti lo daa; me lo wara ndo ni pepe.

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

Nzoni Tënë so Luc asu na mbeti 11:20

Me tongana mbi yeke tumba asioni yingo ni na ngangu ti Nzapa, andaa kodro-gbia ti Nzapa asi na ala awe.

Ndia ti fani use ni 12:3

Fade ala yeke kungbi agbalaka ti amara ni na sese, ala yeke fâ ya ti angbongboro têne so ala leke aluti na nduzu, ala yeke gbi na wâ akeke so ala leke aluti na nduzu ti voro ni, ala yeke kungbi alimo ti anzapa ti ala; ala yeke zi iri ti anzapa ni na ya ti ando ni so.

Ndia ti fani use ni 18:20

Me mbeni wayanga-Nzapa so atene tënë ti li ti lo wani na iri ti mbi, andaa mbi laa mbi zia tënë ni na yanga ti lo pepe, wala lo tene tënë na azo na iri ti ambeni nzapa nde, fade a yeke fâ wayanga-Nzapa so.”

Josué 23:7

Amara so angba na popo ti ala so, ala sara beoko na ala pepe, ala sambela anzapa ti azo ni pepe, ala deba na iri ti anzapa ni pepe, ala kuku na gbe ti anzapa ni pepe, ala voro ala pepe.

Aye so Nzapa afa 18:2

Lo dekongo ngangu, lo tene: “Lo ti awe! Babilone, kota gbata ati awe! Lo ga fadeso ndo ti duti ti asioni yingo, ti ayingo ti kirikiri; lo ga ndo ti hondengo tere ti asioni ndeke kue nga na andeke so azo ake ala.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.