Zakarii 13:1 - Mbeti ti Nzapa - Tënë so amu fini

¹ “Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Zakarii 13:1 ပူးပေါင်းရင်းမြစ်များ

Abia (Psaumes) 51:2

David adema tere ti lo na peko ti so wayanga-Nzapa Natan aga asuku na lo ndali ti so lo gi Batsheba, wali ti mba ti lo.

Abia (Psaumes) 51:7

Baa, a du mbi na ya ti siokpari; gi so mbi de na ya ti mama ti mbi, mbi yeke zo ti sarango sioni.

Ésaïe 12:3

Ala yeke to ngu na ngia na li ti ngu so ayeke soo zo na kuâ.

Ésaïe 4:4

KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 29:26

“KOTA GBIA amu mo ti ga wayango-sandaga na peko ti Yoyada awe. Alingbi mo baa ndo na ndö ti azo ti gbogbolinda so atene, ala yeke awayanga-Nzapa si ala yeke sara kua na ya ti kota da ti Nzapa so. Alingbi mo kanga ala na ya ti olongbo, mo zia zingiri na go ti ala.

Jérémie 33:8

Mbi yeke *sukula ala ndali ti sioni so kue ala sara ti ke mbi; mbi yeke zi sioni na li ti ala, sioni so ala sara ti tomboka na tere ti mbi.

Ezekiel 36:17

“*Molenge ti zo, na ndembe so azo ti Israel aduti ando na sese ti ala, ala sara si sese ni aga *sioni na lege ti dutingo ti ala nga na asarango ye ti ala. Lege ti dutingo ti ala ayeke *sioni na le ti mbi tongana wali so aga *sioni na ngoi ti bango ya ti lo.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Ezekiel 36:29

Mbi yeke zi ala na ya ti *asioni ti ala kue. Mbi yeke kiri ti tokua nzara na ya ti kodro ti ala pepe, me mbi yeke sara titene le ti kobe asigigi si ale gbani gbani.

Ezekiel 47:1

Koli ni amu mbi, akiri na mbi na yanga ti kota da ti Nzapa ni. Mbi baa ngu ayeke sigigi na gbe ti yanga ti kota da ni na mbage ti To, ngbanga ti so dawa ti kota da ni ayeke na mbage ti To. Ngu ni ayeke sua na mbage ti maboko ti koli ti da ni si ayeke hon na mbage ti Mbongo ti gbalaka.

Awayango-sandaga 11:36

Me tongana kuâ ti nyama ni ati na ya ti li ti ngu nga na ya ti du ti ngu, ngu ni ayeke ngba *nzoni. Me zo so ayeke zi kuâ ti nyama ni ti sigigi na ni, lo yeke ga *sioni.

Mishe 5:12

Ayanda ti mo na angbongboro têne so mo leke ni aluti na nduzu si mo yeke voro ni so, mbi yeke zi ni kue. Aye so mo wani, mo leke na maboko ti mo so, mo yeke kiri ti voro ni pepe.

Zakarii 12:14

Tanga ti akete mara ni ayeke duti nde nde ti toto kuâ: akoli na mbage, awali na mbage.

Zakarii 12:3

Biani, na lango ni so, fade mbi yeke sara titene Jérusalem aga tongana mbeni ngbongboro têne ndali ti amara kue; têne so zo alingbi ti yo ni na nduzu pepe. Zo so kue aye ti yo ni, lo yeke wara ka. Tongaso, amara ti sese kue ayeke bongbi oko ti tiri na lo.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 5:4

ngbanga ti so na ambeni ngoi, mbeni *ange ti *Kota Gbia ayeke zu na ya ti ngu ni ti yingi ni. Zo ti kobela so ayeke zu kozo na ya ti ngu ni na peko ti so ngu ni ayingi, ataa kobela ti lo ni ayeke nyen, kobela ni ayeke kai.]

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

1 Pierre 1:19

me ye so azi ala ayeke mene ti Christ so ayeke ye ti kota ngere. Christ ayeke tongana molenge ti taba so mbeni mbage ti tere ti lo oko abuba pepe si sioni ye oko ayeke na tere ti lo pepe.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.

1 Jean 5:6

Jésus Christ laa aga na ngu na mene, ngu ti bateme so lo li na ya ni nga na mene ti lo so atuku. Lo ga gi na ngu pepe, me lo ga na ngu na mene kue. Yingo-Vuru si ayeke fa atene, ye ni ayeke taa-tënë, ngbanga ti so Yingo-Vuru ayeke taa-tënë.