Zakarii 12:7 - Mbeti ti Nzapa - Tënë so amu fini

⁷ KOTA GBIA ayeke soo azo ti sewa ti Juda kozoni, tongaso si *ahale ti David nga na azo so alango na Jérusalem abaa tere ti ala kota ahon azo ti Juda pepe.

Zakarii 12:7 ပူးပေါင်းရင်းမြစ်များ

Mbeti ti Job 19:5

Ti ala, ala ye ti kiri mbi na gbeni si ala ga kota. Ye ti kamene so asi na mbi, ala yeke bi tënë ni na li ti mbi.

Abia (Psaumes) 35:26

Azo so tënë ti pasi ti mbi anzere na ala so, ayeke nzoni kamene agbu le ti ala. Azo so abaa tere ti ala kota ahon mbi so, ayeke nzoni kamene asara ala si nengo ti ala ati na sese.

Abia (Psaumes) 38:16

KOTA GBIA, mbi zia be ti mbi ti ku gi mo; Kota Gbia, Nzapa ti mbi, fade mo yeke kiri tënë na mbi.

Abia (Psaumes) 55:12

Na ya ti gbata ni, gi bubango ye; sarango ngangu nga na handango zo angba na ndö ti alege.

Ésaïe 23:9

*KOTA GBIA so ayeke na ndö ti dunia kue laa aleke na be ti lo ti mingo baba ti azo so azo ayeke gonda ala, ti bi kamene na le ti akota zo ti dunia so.

Jérémie 30:18

Tënë so KOTA GBIA atene ayeke so: “Fade mbi yeke sara si azo ti da ti Jacob akiri na kozo ndo ti ala; mbi yeke baa mawa ti da ti ala. Gbata so lani abuba, a yeke kiri ti leke ni na ndö ti angbene da so atuku na sese; a yeke kiri ti sara apendere da gi na oko ndo so lani ada ni ayeke daa so.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Zakarii 11:11

Ya ti mbuki ni abuba gi na lango ni so. Azo ti kango ataba ni so ayeke baa mbi gi kpoo ahinga atene, so ayeke fade tënë ti KOTA GBIA laa.

Nzoni Tënë so Luc asu na mbeti 10:21

Gi na ndembe ni so, be ti Jésus asi na ngia ti Yingo-Vuru si lo tene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde aye so na azo ti ndara nga na azo ti hingango ye si mo sigigi na nda ni na akete molenge. Biani Babâ, ye ni ayeke tongaso, ngbanga ti so mo yeda.

Rome 3:27

Ye titene zo agonda tere ti lo ngbanga ni ayeke daa? Oko pepe! Lo yeke gonda tere ti lo ngbanga ti nyen? Ngbanga ti so lo sara ye alingbi na Ndia? Oko pepe! Me ngbanga ti so lo ma na be.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”