Zakarii 12:4 - Mbeti ti Nzapa - Tënë so amu fini

⁴ So tënë ti yanga ti KOTA GBIA laa: Na lango ni so, fade mbi yeke bi tomboka na li ti ambarata kue, mbi yeke bi fuu na li ti azo ti kpengo na ambarata ni. Ti azo ti Juda, mbi yeke baa ndo na ndö ti ala, me mbi yeke sara si le ti ambarata kue ti amara abuba.

Zakarii 12:4 ပူးပေါင်းရင်းမြစ်များ

1 Agbia 8:29

Zi le ti mo bi na lâ ti baa ndo na tere ti kota da so, ndo so mo tene: ‘Ndo so mbi yeke duti daa laa.’ Ma sambela so mbi, zo ti kua ti mo, mbi yeke ya na mo na ndo so.

2 Agbia 6:14

Gbia atokua ambarata, na apusu ti mbarata na gba ti aturugu. Ala si kâ na bi si ala ngoro gbata ni kue.

2 Agbia 6:18

Aturugu ti Sirii amu lege si ala gue na mbage ti Élisée. Élisée akiri asambela KOTA GBIA, atene: “Kanga le ti aturugu so si ala baa ndo pepe!” KOTA GBIA akanga le ti ala alingbi na tënë so Élisée atene.

2 Mbai 6:20

Zi le ti mo bi na lâ ti baa ndo na tere ti kota da so, ndo so mo tene, mo yeke duti daa. Ma sambela so mbi, zo ti kua ti mo, mbi yeke ya na mo na ndo so.

2 Mbai 6:40

“Fadeso Nzapa ti mbi, mo zi le ti mo, mo zi mê ti mo, mo ma sambela ti mbi so mbi yeke ya na mo na ndo so!

2 Mbai 7:15

Fadeso, mbi zi le ti mbi awe, mbi dingi mê ti mbi ti ma sambela so azo ayeke sara na ndo so.

Néhémie 1:6

Mbi gbu gere ti mo, ayeke nzoni mo bi le ti mo na mbage ti mbi, mo zi mê ti mo, mo ma sambela so mbi yeke ya na mo, mbi, zo ti kua ti mo. Ti ndembe so, bi na lâ, mbi ngba na gbe ti mo ti sambela ndali ti e, azo ti Israel, azo ti kua ti mo. Mbi hunda na mo ti zi na li ti e asiokpari so e sara ti ke mo. Biani, mbi na akotara ti mbi, e sara siokpari.

Ésaïe 24:21

Na lango ni so, fade *KOTA GBIA ayeke ga na tere ti aye mingi mingi ti yayu; lo yeke ga na tere ti agbia ti sese.

Ésaïe 37:17

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë so Senakerib atokua ni ti zonga Nzapa so ayeke na fini so!

Jérémie 24:6

Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Ezekiel 38:4

Mbi yeke yoro *kongi na ngbangba ti mo si mbi yeke gboto mo na ngangu ti hon na mo, mbi yeke sigigi na mo na ya ti kodro ni, mo na aturugu ti mo, ambarata ti mo, azo ti kpengo na mbarata ti mo; ala so kue ayu apendere bongo, gba ti aturugu so ala kue agbu *avala na ayongoro zeme na maboko ti ala.

Ezekiel 39:20

Matanga ti tengo kobe so mbi yeke iri ala ndali ni, fade ala yeke te ambarata na azo ti kpengo na mbarata ni, aturugu na angangu zo ti bira nde nde. So tënë ti yanga ti Kota Gbia NZAPA laa.

Daniel 9:18

Nzapa ti mbi, dingi mê ti mo, mo ma mbi! Zi le ti mo, mo baa bubango so gbata ti e abuba so; gbata so a di iri ti mo daa so. E voro tere ti e na mo ndali ti aye ti mbirimbiri so e sara pepe, me ndali ti kota nzoni be ti mo.

Zakarii 10:5

Amakonzi ni ayeke duti tongana angangu zo ti bira; ala yeke do azo so ayeke tiri bira na ala tongana ti so zo ayeke do potopoto ti ndö ti lege. Ala yeke tiri bira ni tongaso, ngbanga ti so mbi KOTA GBIA, mbi yeke na ala. Fade kamene ayeke gbu le ti azo ti kpengo na mbarata so ayeke awato ti ala.

Zakarii 12:11

Na lango ni so, azo ayeke toto kuâ mingi na Jérusalem tongana ti so azo ayeke toto kuâ ti Hadad-Rimon na popo-hoto ti Megido.

Zakarii 12:3

Biani, na lango ni so, fade mbi yeke sara titene Jérusalem aga tongana mbeni ngbongboro têne ndali ti amara kue; têne so zo alingbi ti yo ni na nduzu pepe. Zo so kue aye ti yo ni, lo yeke wara ka. Tongaso, amara ti sese kue ayeke bongbi oko ti tiri na lo.

Zakarii 12:5

Fade amakonzi ti Juda ayeke tene na be ti ala: ‘Ngangu ti azo ti Jérusalem ayeke na maboko ti KOTA GBIA, Nzapa ti ala so ayeke na ndö ti dunia kue.’

Zakarii 12:6

Na lango ni so, fade mbi yeke sara titene amakonzi ti Juda aduti tongana mbeni kota le ti wâ na ya ti gbako, wala tongana mbeni *tanda so a zia wâ daa na gbe ti gba ti ale ti kobe. Fade ale ti wâ ni ayeke te mbage na mbage kue amara so kue angoro ala. Me azo ti Jérusalem ayeke ngba ti duti gi na ya ti gbata ti ala.”

Zakarii 14:15

Anyama kue ti awato ni: ambarata, *apâkârâ, azambala na alele, mara ti aye ti sioni so ayeke si nga na ala tongana ti so asi na azo.

Zakarii 9:8

Fade mbi yeke sara sanziri na tere ti kodro ti mbi kue, ti bata ni ndali ti aturugu so ayeke gue, ayeke ga; zo ti sarango ngangu oko ayeke kiri ti ga ti sara pasi na ala pepe, ngbanga ti so fadeso, mbi wani, mbi yeke baa ndo na ndö ti kodro ni.”

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

Ndia ti fani use ni 28:28

KOTA GBIA ayeke sara si ala wara kobela ti gbogbolinda, ala ga awaziba si li ti ala atomboka.