Zakarii 12:3 - Mbeti ti Nzapa - Tënë so amu fini

³ Biani, na lango ni so, fade mbi yeke sara titene Jérusalem aga tongana mbeni ngbongboro têne ndali ti amara kue; têne so zo alingbi ti yo ni na nduzu pepe. Zo so kue aye ti yo ni, lo yeke wara ka. Tongaso, amara ti sese kue ayeke bongbi oko ti tiri na lo.

Zakarii 12:3 ပူးပေါင်းရင်းမြစ်များ

Ésaïe 60:12

Biani, amara nde na akodro-gbia so ayeke ke ti sara kua na mo, ala yeke ngba pepe. A yeke hunzi azo ni kue kue kue.

Abdias 1:18

Fade ahale ti Jacob ayeke ga tongana wâ si ahale ti Joseph ayeke ga tongana menga ti wâ. Me ahale ti Ezau ayeke ga tongana holengo pere so a zia wâ daa si agbi kue. Fade mbeni zo oko ti mara ti Ezau ayeke ngba na fini pepe.” *KOTA GBIA laa atene tënë so.

Mishe 5:8

“Sara bira na awato ti mo, mo fâ ala kue!”

Habakuk 2:17

Biani, ye ti ngangu so mo sara na akeke ti Liban, fade ayeke kiri na li ti mo wani; mo fâ anyama mingi, fade anyama ni ayeke zia mbeto na be ti mo. Aye so kue ayeke si ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Sofonii 3:19

Na ngoi ni so, fade mbi yeke sara sioni na azo so kue asara ngangu na ala. Azo so awara ka, fade mbi yeke kanga le ti ka ti ala; azo so a gbu ala, a gue na ala na kodro wande, mbi yeke kiri ti bongbi ala na ndo oko. Fade mbi yeke sara titene azo ane ala si iri ti ala awu, amu ya ti akodro so kue a zia lani kamene na le ti ala daa.

Aggée 2:22

Mbi yeke kinda mbata ti agbia si mbi yeke zi ngangu ti akodro-gbia ti amara; mbi yeke kinda apusu ti mbarata na azo ti kpengo na ni; ambarata na azo ti kpengo na ambarata ni ayeke ti. Zo oko oko ayeke fâ mba ti lo na yongoro zeme.

Zakarii 12:11

Na lango ni so, azo ayeke toto kuâ mingi na Jérusalem tongana ti so azo ayeke toto kuâ ti Hadad-Rimon na popo-hoto ti Megido.

Zakarii 12:4

So tënë ti yanga ti KOTA GBIA laa: Na lango ni so, fade mbi yeke bi tomboka na li ti ambarata kue, mbi yeke bi fuu na li ti azo ti kpengo na ambarata ni. Ti azo ti Juda, mbi yeke baa ndo na ndö ti ala, me mbi yeke sara si le ti ambarata kue ti amara abuba.

Zakarii 12:6

Na lango ni so, fade mbi yeke sara titene amakonzi ti Juda aduti tongana mbeni kota le ti wâ na ya ti gbako, wala tongana mbeni *tanda so a zia wâ daa na gbe ti gba ti ale ti kobe. Fade ale ti wâ ni ayeke te mbage na mbage kue amara so kue angoro ala. Me azo ti Jérusalem ayeke ngba ti duti gi na ya ti gbata ti ala.”

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Zakarii 14:13

Na lango ni so, fade KOTA GBIA ayeke bi kota mbeto na popo ti ala; zo oko oko ayeke londo ti tiri na mba ti lo, ala yeke gbu tere na tiri na popo ti ala.

Zakarii 14:6

Na lango ni so, aye so ayeke su na le ti nduzu ayeke kiri ti su pepe, de ayeke kiri ti sara pepe, *glase ayeke kiri ti duti daa pepe.

Matthieu 21:44

Zo so kue ayeke ti na ndö ti têne so, fade tere ti lo ayeke kungbi. Tongana têne ni ati na ndö ti mbeni zo, fade ayeke nika lo nikango!”]

Nzoni Tënë so Luc asu na mbeti 20:18

Zo so kue ayeke ti na ndö ti têne so, fade tere ti lo ayeke kungbi. Tongana têne ni ati na ndö ti mbeni zo, fade ayeke nika lo nikango!”

Aye so Nzapa afa 16:14

Ayingo so ayeke asioni yingo so ayeke sara aye ti kpene. Ala gue ti wara agbia ti dunia kue ti bongbi ala na ndo oko ngbanga ti bira so ayeke ti ande na kota lango ti Nzapa so ngangu ti lo ahon angangu kue.