Zakarii 11:14 - Mbeti ti Nzapa - Tënë so amu fini

¹⁴ Na pekoni, mbi fâ ya ti use keke ti mbi so iri ni Beoko titene mbi kangbi songo so ayeke na popo ti azo ti Juda na azo ti Israel.

Zakarii 11:14 ပူးပေါင်းရင်းမြစ်များ

Jacques 3:16

Biani, ndo so kota be ayeke daa si gbugburungo kota ndo ayeke daa, wusuwusu na mara ti asioni nde nde ayeke daa.

Jacques 3:14

Me tongana ala yeke sara sioni kota be ti gbugburungo na kota ndo, ala pika kate ti ala ndali ti ndara ti ala ni pepe. Tongana ala yeke sara ye tongaso, andaa ala yeke tene mvene ti buba lege ti taa-tënë.

Galasii 5:15

Me tongana ala yeke sara ye tongana ti anyama, ala yeke suru tere ti ala si ala yeke te tere na popo ti ala, ala sara hange: tongaso pepe, ala yeke fâ tere ti ala kue!

Matthieu 24:10

Na ngoi ni so, azo mingi ayeke zia lege ti mabe ti ala; ala yeke ka amba ti ala na popo ti ala si ala yeke ke tere na popo ti ala.

Zakarii 11:9

Tongaso, mbi tene na ala: “Mbi yeke kiri ti gue na ala na ndo ti tengo pere pepe. Ala so aye ti kui, ala kui! Ala so aye ti fâ ala, a fâ ala! Atanga ni so angba na fini si ala ye ti te tere na popo ti ala, ala te tere!”

Zakarii 11:7

Tongaso mbi ga wabatango-taba ti ataba so azo ti kango ala asoro ala ti gue na ala na ndo ti fango ala. Mbi mu anduru keke use ti awabatango-taba. Mbi di iri ti mbeni keke ni “Nzoni be”, mbi di iri ti mbeni “Beoko”. Na pekoni, mbi gue ti bata ataba ni.

Ésaïe 11:13

Kota be ti Efraim na tere ti Juda ayeke hunzi, a yeke fâ awato ti Juda kue; Efraim ayeke kiri ti sara kota be na tere ti Juda pepe; Juda ayeke kiri ti duti awato ti Efraim pepe.

Zakarii 11:6

Biani, mbi nga, fade mbi yeke baa mawa ti azo ti sese so pepe; so tënë ti yanga ti KOTA GBIA laa. Fade mbi yeke zia zo oko oko na maboko ti mba ti lo so ayeke nduru na lo, nga na maboko ti gbia ti kodro ti lo. Agbia ni ayeke buba sese biani biani, me mbi yeke zi zo oko na maboko ti agbia ni pepe.”

Ezekiel 37:22

Mbi yeke sara titene ala ga gi mara oko na sese ni, na ndö ti ahoto ti Israel; ala kue, gbia ti ala ayeke duti gi oko; ala yeke kiri ti duti amara use pepe, ya ti kodro-gbia ni ayeke kiri ti kangbi use pepe.

Marc 3:24

Kodro so kue azo ni akangbi si ala yeke tiri na popo ti ala, fade kodro ni alingbi ti ngba kodro pepe.