Zakarii 11:12 - Mbeti ti Nzapa - Tënë so amu fini

¹² Tongaso mbi tene na ala: “Tongana ala baa nzoni na le ti ala, ala mu na mbi futa ti mbi. Tongana ala ye pepe, ala zia ni!” Nilaa ala diko ale ti nginza baleota si ala mu na mbi.

Zakarii 11:12 ပူးပေါင်းရင်းမြစ်များ

Tongo nda ti aye 23:16

Abraham ama tere na Efron; lo diko ale ti nginza alingbi na ti so Efron adiko na le ti azo ti mara ti Het kue so si lo mu na lo. Wungo ti nginza ni ayeke ale ti nginza ngbangbo osio, so azo ayeke vo na ye na ngoi ni kâ.

Tongo nda ti aye 37:28

Azo ti dengo buze ti kodro ti Madian ayeke hon na mbage ni kâ. Ala gboto Joseph na ya ti du ti ngu ni, ala sigigi na lo si ala ka lo na azo ti mara ti Ismael ndali ti ale ti nginza baleuse; azo ni ague na lo na Ezipte.

1 Agbia 21:2

Mbeni lâ, Akab atene na Nabot: “Mu na mbi yaka ti vinye ti mo so titene mbi lu akugbe ti kasa daa, ngbanga ti so yaka ni ayeke gi nduru na yangbo ti mbi. Fade mbi yeke mu na mo pendere yaka ti vinye nde ahon ti so. Wala tongana mo ye, fade mbi mu na mo nginza alingbi na ngere ti yaka ni.”

1 Agbia 5:6

Salomon ayeke lani na ando ti lango saki baleosio ndali ti ambarata ti lo, ambarata so ayeke ndali ti apusu; lo yeke nga na ambarata saki baleoko na use.

2 Mbai 30:4

Tënë so anzere na be ti gbia nga na be ti bongbi ti azo ni kue.

Sigingo 21:32

Tongana bagara ni afâ mbeni ngbaa ti koli wala ti wali, fade wa ti bagara ni ayeke futa na wa ti ngbaa ni ale ti nginza baleota. Na pekoni, a yeke bo bagara ni na têne ti fâ lo.

Jérémie 32:9

“Nilaa mbi vo yaka ti Hanameel, molenge ti ita ti babâ ti mbi; yaka so ayeke na Anatot. Mbi futa ngere ni na ale ti nginza baleoko na mbarambara.

Awayango-sandaga 27:4

ti wali: ngere ti lo ayeke ale ti nginza baleota.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Matthieu 26:15

lo tene na ala: “Tongana mbi ka Jésus na ala, fade ala yeke mu na mbi nyen?” Akota wayango-sandaga ni adiko ale ti nginza baleota si ala mu na lo.

Matthieu 27:10

ala vo na yaka ti wasarango-ta, tongana ti so lani *Kota Gbia amu yanga na mbi.”

Matthieu 27:9

Tongaso, tënë so wayanga-Nzapa Jérémie atene so aga taa-tënë; lo tene ando, lo tene: “Ala mu ale ti nginza baleota so ayeke wungo ti nginza so azo ti Israel ayeda ti diko ndali ti lo,

Jean 13:2

So ala yeke te kobe ti lakui, Zabolo azia na be ti Judas, molenge ti Iskariote ti ka Jésus.