Zakarii 11:1 - Mbeti ti Nzapa - Tënë so amu fini

¹ Hoto ti Liban, mo zi ayanga da ti mo si wâ agbi akeke ti sedre ti mo kue.

Zakarii 11:1 ပူးပေါင်းရင်းမြစ်များ

Jérémie 22:23

Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Ezekiel 31:3

Mo kpa keke ti sedre ti Liban so amaboko ni apendere mingi, so asara gbe ti de nzoni mingi; so ayo na nduzu mingi si li ti lo asi na ya ti ambinda.

Habakuk 2:17

Biani, ye ti ngangu so mo sara na akeke ti Liban, fade ayeke kiri na li ti mo wani; mo fâ anyama mingi, fade anyama ni ayeke zia mbeto na be ti mo. Aye so kue ayeke si ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Habakuk 2:8

So mo nzi aye ti amara mingi so, fade tanga ti azo so angba so ayeke nzi aye ti mo, ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Aggée 1:8

KOTA GBIA atene: “Ala gue na ndö ti hoto, ala de akeke aga na ni, ala sara na kota da ti mbi. Tongaso fade be ti mbi ayeke nzere si azo abaa nengo ti mbi.

Zakarii 10:10

Mbi yeke zi ala na kodro ti Ezipte nga na kodro ti Asirii ti sigigi na ala, mbi yeke bongbi ala na ndo oko; mbi yeke sara si ala kiri na sese ti Galaad nga na sese ti Liban. Ataa so kue, ndo ayeke lingbi ala pepe.

Zakarii 11:2

Ala akeke ti sipre, ala toto na vundu, ngbanga ti so akeke ti sedre ati awe, ngbanga ti so a kinda angangu keke ni awe. Ala akeke ti shene ti Bashan, ala toto na vundu, ngbanga ti so a de kota gbako ti ala ni kue awe, gbako so zo alingbi ti li daa pepe so.

Zakarii 12:6

Na lango ni so, fade mbi yeke sara titene amakonzi ti Juda aduti tongana mbeni kota le ti wâ na ya ti gbako, wala tongana mbeni *tanda so a zia wâ daa na gbe ti gba ti ale ti kobe. Fade ale ti wâ ni ayeke te mbage na mbage kue amara so kue angoro ala. Me azo ti Jérusalem ayeke ngba ti duti gi na ya ti gbata ti ala.”

Ndia ti fani use ni 32:22

Biani, ngonzo ti mbi alondo tongana wâ, agbi ndo ngbii asi na ndo ti akuâ. Ngonzo ni abuba sese na aye so sese adu, agbi gere ti ahoto.