Zakarii 10:8 - Mbeti ti Nzapa - Tënë so amu fini

⁸ Fade mbi yeke iri azo ti mbi si mbi yeke bongbi ala na ndo oko, ngbanga ti so mbi zi ala awe; ala yeke kiri ti wu mingi tongana ti kozo.

Zakarii 10:8 ပူးပေါင်းရင်းမြစ်များ

1 Agbia 4:20

Azo ti kodro-gbia ti Juda na ti Israel awu mingi, tongana mbutu ti yanga ti kota ngu-ingo. Azo ni ayeke te, ala yeke nyon si ala yeke duti na ngia.

Sigingo 1:7

Azo ti Israel adu gbani si ala wu ahon ndoni, ngangu ti ala ayeke gue guengo na nduzu; ala si singo na ya ti kodro ni.

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Ésaïe 5:26

KOTA GBIA ayo bendere na nduzu ndali ti amara so alango yongoro lo huru yanga ti lo na ala si ala londo na nda ti sese kâ aga. Baa, ala mu loro si ala si hio.

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Ésaïe 7:18

Na lango ni so, fade *KOTA GBIA ayeke huru yanga ti lo ti iri avuma so ayeke yongoro kâ, na ndo so kota *bale ti Ezipte ayeke tuku na ya ti kota ngu-ingo; lo yeke iri nga awotoro so ayeke na sese ti Asirii.

Ésaïe 7:19

Ala yeke ga si ala kue ayeke duti na popo ti ahoto so têne ayeke daa, na popo ti atêne so asuru, na popo ti akeke so agbu tere nga na ando so kue anyama ayeke te pere daa.

Jérémie 33:22

Fade mbi yeke sara titene ahale ti zo ti kua ti mbi, David, na ahale ti Lévi so ayeke sara kua na mbi, ala wu tongana atongoro ti le ti nduzu so zo alingbi ti diko wungo ni pepe, wala tongana mbutu ti yanga ti kota ngu-ingo so zo alingbi ti diko ni pepe.”

Mishe 2:12

“*KOTA GBIA atene: ala *ahale ti Jacob, fade mbi yeke bongbi ala kue na ndo oko, mbi yeke bongbi nga tanga ti azo ti Israel so angba na fini so. Mbi yeke zia ala na ndo oko tongana ti so a yeke bongbi ataba na ya ti gbagba ti ala, tongana gba ti anyama so ayeke na ndo ti tengo pere ti ala. Fade go ti ala ayeke wu tongana go ti gba ti azo.

Zakarii 9:11

*KOTA GBIA atene: “Ndali ti *mbuki so mbi na mo, e sara, na lege ti mene ti asandaga so, fade mbi yeke zi ambeni zo ti mo so akanga ala na ya ti du so ngu ayeke daa pepe.

Matthieu 11:28

“Ala ga na mbi, ala so kue awoko na yongo anengo kungba, fade mbi yeke mu na ala lege ti wu tere ti ala.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.

Aye so Nzapa afa 7:9

Na pekoni, mbi kiri mbi baa azo gbani gbani, zo alingbi ti diko wungo ti ala pepe. Azo ni ayeke azo ti amara kue, azo ti akete mara kue, azo ti ayanga ti akodro nde nde kue. Ala yeke luti na le ti lo so ayeke duti na ndö ti mbata ti gbia nga na le ti Molenge ti Taba; ala kue ayu ayongoro vuru bongo si ala gbu amaboko ti keke ti mburu na maboko ti ala.