Zakarii 10:6 - Mbeti ti Nzapa - Tënë so amu fini

⁶ Fade mbi yeke mu ngangu na azo ti Juda, mbi yeke soo azo ti Israel. Mbi yeke kiri na ala na kodro ti ala, ngbanga ti so mbi yeke baa mawa ti ala. Ala yeke duti tongana azo so, mo baa mo tene, mbi ke ala laoko pepe. Biani, mbi yeke KOTA GBIA, Nzapa ti ala, fade mbi yeke ma sambela ti ala.

Zakarii 10:6 ပူးပေါင်းရင်းမြစ်များ

Abia (Psaumes) 89:21

Mbi wara David, zo ti kua ti mbi, mbi tuku mafuta ti mbi na li ti lo ti zia lo gbia; mafuta so ayeke nde si ayeke nzoni kue.

Ésaïe 11:12

Fade lo yeke yo bendere na nduzu ndali ti azo ti amara nde, lo yeke bongbi azo ti Israel so a gbu ala a gue na ala na kodro wande, lo yeke bongbi na ndo oko azo ti Juda so akangbi na ndangoro osio ti sese kue.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Jérémie 3:18

Na lango ni so, fade azo ti Juda ayeke bongbi oko na ala ti Israel si ala yeke londo na kodro so ayeke na Banga ti kiri na kodro so mbi mu na akotara ti ala titene aga ye ti ala.”

Jérémie 30:18

Tënë so KOTA GBIA atene ayeke so: “Fade mbi yeke sara si azo ti da ti Jacob akiri na kozo ndo ti ala; mbi yeke baa mawa ti da ti ala. Gbata so lani abuba, a yeke kiri ti leke ni na ndö ti angbene da so atuku na sese; a yeke kiri ti sara apendere da gi na oko ndo so lani ada ni ayeke daa so.

Jérémie 30:20

Ala yeke kiri ti ga tongana ti giriri; bongbi ti ala ayeke kiri ti luti mbirimbiri na dawa ti mbi. Mbi yeke ga na tere ti azo so kue ayeke sara ngangu na ala, ahale ti Jacob.

Jérémie 31:1

So tënë ti yanga ti *KOTA GBIA laa: “Na ngoi ni so, mbi yeke duti Nzapa ti asewa ti Israel kue; ala yeke duti azo ti mbi.”

Jérémie 31:20

Efraim ayeke molenge ti mbi ti koli so mbi ye lo ahon ndoni; lo yeke molenge so mbi voro lo mingi. Ndani laa, lakue so mbi yeke tene tënë na tere ti lo, lakue mbi yeke dabe ti mbi na lo. Be ti mbi ayeke na ndö ti lo mingi. Biani, mbi baa mawa ti lo ahon ndoni; so tënë ti yanga ti KOTA GBIA laa.

Jérémie 31:31

“Mbeni lango ayeke ga so mbi na azo ti Israel nga na azo ti Juda, e yeke sara fini *mbuki; so tënë ti yanga ti KOTA GBIA laa.

Ezekiel 36:11

Mbi yeke sara titene azo na anyama awu mingi. Ala yeke du amolenge si ala yeke ga gbani gbani; mbi yeke sara titene ala kiri awu mingi ahon ti giriri, mbi yeke sara nzoni na ala ahon ti kozo. Tongaso, fade ala yeke hinga atene, mbi laa mbi yeke KOTA GBIA.

Ezekiel 36:37

“Tënë so mbi Kota Gbia NZAPA, mbi tene ayeke so: Mbi yeke kiri ti zia lege na azo ti Israel ti gi mbi si mbi yeke sara ye ndali ti ala; mbi yeke sara titene ala kiri awu mingi tongana bongbi ti ataba.

Ezekiel 37:16

“Mo, *molenge ti zo, mu mbeni nduru keke, mo su tënë so na ndö ni: ‘Juda na azo ti Israel ti kodro-gbia so’. Na pekoni, mu mbeni nduru keke nde, mo su tënë so na ndö ni: ‘Joseph wala Efraim na azo ti Israel ti kodro-gbia so’.

Ezekiel 39:25

“Me tënë so mbi Kota Gbia NZAPA, mbi tene ayeke so: Fadeso, mbi yeke sara si gigi ti *ahale ti Jacob aga nzoni, mbi yeke baa mawa ti azo ti Israel kue, mbi yeke sara mbanda ti iri ti mbi so ayeke nde si ayeke nzoni kue so.

Osée 1:7

Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Osée 2:23

Na lango ni so, fade mbi yeke sara ye so a hunda na mbi, so tënë ti yanga ti KOTA GBIA laa. Fade mbi yeke sara ye so le ti nduzu ayeke ku na mbage ti mbi si le ti nduzu ayeke sara ye so sese ayeke ku na mbage ti lo.

Abdias 1:18

Fade ahale ti Jacob ayeke ga tongana wâ si ahale ti Joseph ayeke ga tongana menga ti wâ. Me ahale ti Ezau ayeke ga tongana holengo pere so a zia wâ daa si agbi kue. Fade mbeni zo oko ti mara ti Ezau ayeke ngba na fini pepe.” *KOTA GBIA laa atene tënë so.

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Mishe 4:6

So tënë ti yanga ti *KOTA GBIA laa: “Na lango ni so, fade mbi yeke bongbi azo so gere ti ala abuba, mbi yeke bongbi ala so a gbu ala si ague na ala na kodro wande, ala so mbi sara ngangu na ala.

Mishe 5:3

Lo yeke londo ti bata azo ti lo na ngangu ti KOTA GBIA, lo yeke bata ala na nengo ti iri ti KOTA GBIA, Nzapa ti lo. Fade azo ti mara ti lo ayeke duti na siriri. Biani, lo yeke ga kota zo na ndö ti azo kue ngbii asi na nda ti sese kue.

Mishe 5:8

“Sara bira na awato ti mo, mo fâ ala kue!”

Mishe 7:16

Fade amara nde ayeke baa aye ni na le ti ala, kamene ayeke gbu le ti ala, ataa so ala yeke na ngangu mingi. Ala yeke hinga tënë so ala yeke tene pepe, ala yeke yeda ti ma tënë oko pepe.

Zakarii 1:16

Ndani laa, tënë so KOTA GBIA atene ayeke so: mbi yeke kiri na mbage ti Jérusalem ti baa mawa ti lo; fade a yeke kiri ti leke da ti mbi kâ, a yeke kiri ti leke gbata ni; so tënë ti yanga ti KOTA GBIA so ayeke na ndö ti dunia kue laa.”

Zakarii 10:12

Mbi yeke mu ngangu na azo ti mbi si ala yeke sara ye gi na iri ti mbi”; so tënë ti yanga ti KOTA GBIA laa.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Zakarii 8:11

Me fadeso, ye so mbi sara ando so, mbi yeke kiri ti sara ni pepe na tanga ti azo so angba na fini so; so tënë ti yanga ti KOTA GBIA so ayeke na ndö ti dunia kue laa.

Zakarii 9:16

Na lango ni so, fade KOTA GBIA Nzapa ti ala ayeke soo ala, tongana ti so wabatango-taba ayeke soo ataba ti lo. Azo ti lo ni ayeke tongana atêne ti gbe ti sese so azo amu ni si aleke na kpoto ti gbia, ala yeke za zango na ya ti kodro ti ala.