Zakarii 10:5 - Mbeti ti Nzapa - Tënë so amu fini

⁵ Amakonzi ni ayeke duti tongana angangu zo ti bira; ala yeke do azo so ayeke tiri bira na ala tongana ti so zo ayeke do potopoto ti ndö ti lege. Ala yeke tiri bira ni tongaso, ngbanga ti so mbi KOTA GBIA, mbi yeke na ala. Fade kamene ayeke gbu le ti azo ti kpengo na mbarata so ayeke awato ti ala.

Zakarii 10:5 ပူးပေါင်းရင်းမြစ်များ

2 Samuel 22:43

Mbi nika ala tongana fuku ti sese; mbi do ala na gbe ti gere ti mbi tongana ti so zo ayeke do potopoto ti ndö ti lege.

2 Samuel 22:8

Tongaso sese ayingi si ado; gere ti yayu ado kirikiri si ayingi na ndembe so KOTA GBIA asara ngonzo.

2 Agbia 9:33

Yehu atene na ala: “Ala bi lo na sese!” Tongaso ala bi Yezabel na sese. Mene ti lo amu tere ti da nga na tere ti ambarata. Yehu atambula na ndö ti Yezabel na pusu ti lo.

Abia (Psaumes) 18:42

Ala yeke dekongo, me zo oko ti soo ala ayeke daa pepe; ala yeke dekongo na KOTA GBIA, me lo yeke kiri tënë na ala pepe.

Abia (Psaumes) 20:7

Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

Abia (Psaumes) 33:16

Na ya ti bira, gba ti aturugu laa ayeke soo gbia pepe; ngangu ti kpengba zo ti bira laa ayeke zi lo pepe.

Abia (Psaumes) 44:5

Nzapa ti mbi, mo yeke Gbia ti mbi, mo laa mo yeke mu yanga si azo ti mo ayeke so benda.

Abia (Psaumes) 45:3

Mo yeke pendere mo hon akoli kue, mo yeke tene tënë pendere mingi. Ndani laa Nzapa asara tufa na ndö ti mo kpu na kpu.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 25:10

Maboko ti KOTA GBIA ayeke na ndö ti hoto so.” Me a yeke do Moab na gbe ti gere na ndo so lo yeke daa, tongana ti so a yeke do holengo pere na ndo so puru ti bagara ayeke daa.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 41:12

Ataa azo so aye ti tiri na mo, mo yeke gi ala, me mo yeke wara ala pepe. Azo so ayeke tiri bira na mo, ala yeke ngba ye oko pepe, ala yeke senge ye.

Ésaïe 41:25

Na mbage ti Banga kâ, mbi soro mbeni zo, mbi zia lo na lege si lo yeke ga. Na mbage ti To, mbi iri lo na iri ti lo; lo yeke do azo ti komandema na gere tongana ti so zo ayeke do potopoto, tongana ti so wasarango-ta ayeke do ya ti sese ti sarango na ta.

Ésaïe 8:9

Ala azo, ala do na mbeto, fade a yeke nika ala! Ala azo so alango yongoro, ala dingi mê ti ala, ala ma! Ala leke tere ti ala ti tiri bira, fade a yeke nika ala! Ala leke tere ti ala ti tiri bira, fade a yeke nika ala!

Ezekiel 38:15

Mo yeke londo na kodro ti mo so ayeke yongoro kâ na mbage ti Banga ti ga, mo na gba ti amara so ayeke na tere ti mo, ala kue ako na ndö ti ambarata; mo na ala ayeke bongbi ti ga gba ti aturugu.

Amos 2:15

Zo ti pikango kokora ayeke kiri ti gbu le ni pepe, nzoni zo ti kpengo loro ayeke ngba na fini pepe, zo ti kpengo na mbarata ayeke soo fini ti lo pepe.

Mishe 5:8

“Sara bira na awato ti mo, mo fâ ala kue!”

Mishe 7:10

Fade wato ti mbi ayeke baa ye ni na le ti lo si kamene ayeke gbu le ti lo; wato ti mbi so ayeke hunda lani mbi, atene: “KOTA GBIA, Nzapa ti mo ni ayeke na ndo wa?” Fade mbi yeke baa lo na le na ndembe so a yeke do lo na gere, tongana ti so a yeke do potopoto na lege.

Aggée 2:22

Mbi yeke kinda mbata ti agbia si mbi yeke zi ngangu ti akodro-gbia ti amara; mbi yeke kinda apusu ti mbarata na azo ti kpengo na ni; ambarata na azo ti kpengo na ambarata ni ayeke ti. Zo oko oko ayeke fâ mba ti lo na yongoro zeme.

Zakarii 12:4

So tënë ti yanga ti KOTA GBIA laa: Na lango ni so, fade mbi yeke bi tomboka na li ti ambarata kue, mbi yeke bi fuu na li ti azo ti kpengo na ambarata ni. Ti azo ti Juda, mbi yeke baa ndo na ndö ti ala, me mbi yeke sara si le ti ambarata kue ti amara abuba.

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

Zakarii 14:13

Na lango ni so, fade KOTA GBIA ayeke bi kota mbeto na popo ti ala; zo oko oko ayeke londo ti tiri na mba ti lo, ala yeke gbu tere na tiri na popo ti ala.

Zakarii 14:3

Na pekoni, fade KOTA GBIA ayeke londo ti tiri bira na amara so; lo yeke tiri na ala tongana ti so lo yeke sara lakue na ngoi ti bira.

Zakarii 9:13

Fade mbi yeke mu Juda tongana kokora ti bira, Efraim ayeke duti tongana ale ti kokora ni. *Sion, fade mbi yeke tokua azo ti mo ti tiri bira na azo ti Grese. Mbi yeke mu azo ni tongana yongoro zeme ti ngangu zo ti bira.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 4:3

Zabolo aga nduru na tere ti lo si atene na lo: “Tongana mo yeke Molenge ti Nzapa, mo mu yanga na atêne so titene aga kobe!”

Nzoni Tënë so Luc asu na mbeti 24:19

Lo hunda ala, lo tene: “Ye ni ayeke nyen?” Ala kiri tënë na lo: “Ye so asi na Jésus, zo ti Nazaret so! Lo yeke mbeni ngangu wayanga-Nzapa na lege ti akota ye so lo sara na atënë so lo fa; lo fa ni na dawa ti Nzapa nga na dawa ti azo kue.

Awatokua 18:24

Na ndembe ni so, mbeni zuife so a du lo na gbata ti Aleksandrii so iri ti lo ayeke Apolos asi na Efeze. Lo yeke mbeni zo so ayeke tene tënë nzoni mingi si lo hinga nga Mbeti ti Nzapa nzoni mingi.

Awatokua 7:22

Moïse amanda akode kue ti azo ti Ezipte. Lege ti tenengo tënë ti lo na sarango aye ti lo ayeke fa so lo yeke kpengba zo.

2 Korente 10:4

Aye ti bira ti e alondo na zo ti sese so pepe, me ngangu ti aye ti bira ti e alondo na Nzapa si ayeke buba angangu gbagba ti bira. Atënë ti gbungo-li ti azo so ayeke na legeni pepe, e yeke buba ni.

Ndia ti fani use ni 20:1

Moïse atene: Ala azo ti Israel, tongana ala yeke gue ande ti tiri bira na awato ti ala, tongana ala baa ambarata, na apusu ti mbarata nga na gba ti aturugu so ahon ti ala, alingbi ala sara mbeto pepe. Biani, *KOTA GBIA Nzapa ti ala so asara si ala sigigi na Ezipte ayeke na ala.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

2 Timothée 4:7

Mbi tiri nzoni bira na legeni, mbi si na nda ti lege ni awe, mbi bata lege ti mabe.

Josué 10:14

Mbeni lango tongana ti so ade ti duti daa pepe, ataa kozoni, ataa na pekoni. Na lango ni so, KOTA GBIA asara ye alingbi na tënë so zo ahunda na lo, ngbanga ti so KOTA GBIA wani laa atiri fade bira ndali ti azo ti Israel.

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

Aye so Nzapa afa 19:17

Na pekoni, mbi baa mbeni *ange so ayeke luti na ya ti lâ. Lo dekongo ngangu na andeke so kue ayeke huru yongoro kâ na le ti nduzu, lo tene: “Ala ga abongbi tere ti ala ndali ti kota matanga ti Nzapa!

1 Samuel 16:18

Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”