Zakarii 10:4 - Mbeti ti Nzapa - Tënë so amu fini

⁴ Amakonzi nde nde ayeke sigigi ande na popo ti azo ti mara ti Juda; ala yeke duti ande tongana ngangu têne ti gere ti da, tongana keke ti gbungo-li ti da ti bongo, tongana kokora ti tiringo na bira.

Zakarii 10:4 ပူးပေါင်းရင်းမြစ်များ

Tongo nda ti aye 49:24

Me lo gbu kokora ti lo lakue ngangu, maboko ti lo angba daa ngangu na lege ti ngangu ti Nzapa, lo so lo yeke ngangu Nzapa ti Jacob, Nzapa so ayeke tongana wabatango-taba, wala tongana têne so ayeke bata azo ti Israel.

Esdras 9:8

Me fadeso, gi na ya ti kete ngoi, KOTA GBIA Nzapa ti e, mo sara nzoni be na e. Mo sara si ambeni zo na popo ti e angba na fini si ala kiri ti duti na sese so mo zia ni nde ndali ti mo. Nilaa mo Nzapa ti e, mo zi le ti e, mo sara si e wara pasa ti duti na fini, ataa so e yeke na gbe ti ngbaa.

Abia (Psaumes) 118:22

Têne so azo ti sarango da ake ni, ni laa akiri aga ngangu têne ti gere ti da ni.

Ésaïe 19:13

Amakonzi ti Soan aga azo ti buba awe, amakonzi ti Manfis ahanda tere ti ala. Amakonzi ti akete mara laa ayeke gue na Ezipte na sioni lege.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Ésaïe 49:2

Lo sara si tënë ti yanga ti mbi aga tongana yongoro zeme so yanga ni aza mingi. Lo honde mbi na gbe ti de ti maboko ti lo. Lo sara si mbi ga tongana le ti kokora so yanga ni aza, lo honde mbi na ya ti bozo ti ale ti kokora ti lo.

Ésaïe 54:16

Baa, zo ti pikango ndao, lo so lo yeke huru le ti wâ si lo yeke sara na aye ti bira nde nde, mbi laa mbi sara lo. Zo so ayeke mu aye ti bira ni ti buba na aye, mbi nga laa mbi sara lo.

Jérémie 1:18

Ti londo na lango ti laso, mbi zia mo ti duti tongana gbata so gbagba ti bira ayeke na tere ni, tongana yongoro keke ti da so a sara ni na wen, tongana dere ti da so a sara ni na bengba wen ndali ti kodro ni kue: ti kanga lege na agbia ti Juda, na akota zo ti kodro ni, na awayango-sandaga nga na azo ti Juda kue.

Jérémie 51:20

“Babilone, lani mo yeke martoo, mo yeke ye ti bira ti mbi. Mbi mu mo ti nika amara nde nga ti buba akodro-gbia.

Zakarii 9:10

Fade lo yeke zi apusu ti mbarata ti bira na Efraim, lo yeke zi ambarata na Jérusalem; lo yeke fâ ya ti akokora ti bira si lo yeke zia siriri na popo ti amara. Komandema ti lo ayeke londo na mbeni kota ngu-ingo ngbii asi na mbeni kota ngu-ingo, ti londo na *bale ti Efrate ngbii asi na nda ti sese kue.

Zakarii 9:8

Fade mbi yeke sara sanziri na tere ti kodro ti mbi kue, ti bata ni ndali ti aturugu so ayeke gue, ayeke ga; zo ti sarango ngangu oko ayeke kiri ti ga ti sara pasi na ala pepe, ngbanga ti so fadeso, mbi wani, mbi yeke baa ndo na ndö ti kodro ni.”

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.

Matthieu 9:38

Ayeke nzoni ala hunda na wa ti yaka ni titene lo tokua azo ti kua ti fâ ale ti kobe ti yaka ti lo ni.”

Nzoni Tënë so Luc asu na mbeti 20:17

Me Jésus abaa le ti ala si lo tene na ala: “Nda ti tënë so a su na ya ti Mbeti ti Nzapa so atene nyen? Tënë so atene: ‘Têne so azo ti sarango da ake ni, ni laa akiri aga ngangu têne ti gere ti da ni.’

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

2 Timothée 2:4

Zo so ali na kua ti turugu, tongana lo ye titene kota zo ti lo agonda lo, lo yeke zia be ti lo pepe na akua ti asenge zo.

1 Pierre 2:6

Biani, na ya ti Mbeti ti Nzapa, a tene: “Ala baa, mbi soro mbeni têne ti ngangu ngere si mbi zia ni na gbata ti *Sion; têne ni ayeke ngangu têne ti gere ti da. Zo so azia be ti lo na ndö ti têne ni, fade kamene ayeke gbu lo pepe.”

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

1 Samuel 14:38

Tongaso Saul airi amakonzi kue ti ga nduru na tere ti lo, lo tene: “Ala gi mbirimbiri ti hinga siokpari wa laa a sara ni laso.