Zakarii 10:2 - Mbeti ti Nzapa - Tënë so amu fini

² Anzapa ti da ayeke kiri na ala atënë ti mvene, azo ti bango nda ti aye ayeke fa na ala nda ti ye na legeni pepe; abango-li ti ala ayeke gi asenge ye, atënë ti dengo be so ala yeke tene na azo ayeke gi ye ti handango azo ni. Ndani laa azo ni ague, mawa na be ti ala tongana ataba so zo ti batango ala ayeke daa pepe.

Zakarii 10:2 ပူးပေါင်းရင်းမြစ်များ

Tongo nda ti aye 31:19

Laban ague ti fâ kua ti tere ti anyama ti lo. Na ndembe ni so, Rachel ague, anzi anzapa ti da ti babâ ti lo.

1 Agbia 22:17

Tongaso Mishe atene: “Mbi baa azo ti Israel kue akangbi kirikiri na ndö ti ahoto, tongana ataba so zo ti batango ala ayeke daa pepe. KOTA GBIA atene: ‘Makonzi ti azo so ayeke daa oko pepe. Ayeke nzoni zo oko oko akiri na ndo ti lo na siriri.’ ”

Mbeti ti Job 13:4

Ti ala, ala kanga ndö ti taa-tënë na tenengo mvene; ala kue, ala yeke awanganga so ahinga ye oko pepe.

Mbeti ti Job 21:34

Atënë ti dengo be ti nyen laa ala tene na mbi? Gi pupu senge! Atënë so ala kiri na ni ayeke gi atënë ti handango zo.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Ésaïe 44:25

Fadeso mbi yeke mingo aye ti dongo be ti azo ti fango nda ti ye na mvene; mbi yeke sara si azo ti bango nda ti aye atene tënë kirikiri. Mbi yeke sara si azo ti ndara akiri na peko; mbi yeke sara si hingango ye ti ala aga buba ye.

Ésaïe 44:9

Azo so ayeke leke ayanda, ala kue ayeke ye oko pepe. Alimo ti anzapa so ala mu nengo na ala so ayeke sara ye oko na ala pepe. Ayanda ni alingbi fade ti baa ye so azo ni ayeke sara, me ala yeke baa ndo pepe, ala hinga ndo pepe, ala yeke zia kamene na le ti azo ni.

Ésaïe 46:5

Ala lingbi ti haka mbi na zo wa? Zo wa laa alingbi na mbi, zo wa? Zo wa laa ala lingbi ti haka mbi na lo si ala tene: mbi na lo, e lingbi tere?

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 14:13

Mbi kiri tënë: “Ae Kota Gbia NZAPA, awayanga-Nzapa atene na azo ni, atene: ‘Fade bira na nzara ayeke si na ala pepe. Me Nzapa ayeke mu na ala taa siriri na ndo so.’ ”

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Jérémie 23:17

Awayanga-Nzapa ni ayeke tene lakue na azo so ayeke he mbi, atene: ‘KOTA GBIA atene: Ti ala, fade ye kue ayeke tambula nzoni!’ Ala yeke tene na azo so ayeke sara ye gi na lege ti ngangu li ti ala wani, atene: ‘Fade mbeni sioni ye ayeke si na ala pepe’.

Jérémie 23:32

Awayanga-Nzapa so ayeke tene peko ti bango-li ti mvene so, mbi na ala, e yeke baa ya ni; so tënë ti yanga ti KOTA GBIA laa. Na tenengo peko ti bango-li ni, ala yeke handa azo ti mbi ti gue kirikiri na lege ti atënë ti mvene ti ala nga na lege ti baba ti ala. Mbi, mbi tokua ala pepe, mbi mu yanga na ala pepe; ala yeke sara nzoni na azo ti mbi oko pepe; so tënë ti yanga ti KOTA GBIA laa.”

Jérémie 27:10

Me ye so azo ni ayeke tene na ala na peko ti yanga ti mbi so ayeke mvene. Tongana ala ma azo ni, fade a yeke gue na ala yongoro na sese ti ala. Biani, fade mbi yeke kangbi ala kirikiri si ala yeke kui.

Jérémie 27:14

Ambeni wayanga-Nzapa ayeke tene na ala, atene: ‘Ala azo ti Juda, fade ala yeke sara kua na gbia ti Babilone pepe!’ Ala ma awayanga-Nzapa ni so pepe, ngbanga ti so atënë ti mvene laa ala yeke tene na ala na peko ti yanga ti mbi so.

Jérémie 27:9

“Ti ala, ala ma awayanga-Nzapa ti ala pepe, ala ma azo ti bango nda ti aye ti ala pepe, ala ma azo ti fango nda ti abango-li pepe, wala azo so ayeke fa nda ti ambinda wala azo so ayeke sara aye ti mazi. Azo ni kue ayeke tene na ala atene, fade ala yeke ti na gbe ti gbia ti Babilone pepe.

Jérémie 28:15

Wayanga-Nzapa Jérémie akiri atene na wayanga-Nzapa Hanania, atene: “Hanania, ma mbi si! KOTA GBIA atokua mo pepe; me mo laa mo pusu azo so ti zia be ti ala na ndö ti atënë ti mvene.

Jérémie 29:8

“Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Awayanga-Nzapa so ayeke lango na popo ti ala, azo ti Jérusalem, ala zia lege na ala pepe ti handa ala; ala zia nga lege pepe na azo ti bango nda ti aye. Azo so ayeke fa nda ti abango-li ti ala, ala dingi mê ti ala ti ma tënë ti azo ni pepe.

Jérémie 37:19

Awayanga-Nzapa ti ala so lani ayeke tene peko ti tënë ti yanga ti Nzapa na ala, atene: ‘Gbia ti Babilone ayeke ga ti tiri bira na ala pepe, lo yeke tiri nga bira na kodro so pepe’, ala yeke fadeso na ndo wa?”

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Jérémie 51:23

Mbi mu mo ti nika awabatango-taba na ataba ti ala, azo ti fango yaka na abagara so ayeke gboto amasini ti fango na yaka ti ala, agovoronere na akota komanda.”

Jérémie 6:14

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Jérémie 8:11

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Abia ti demango tere 2:14

Awayanga-Nzapa ti ala awara ambeni tënë ndali ti ala na ya ti mbeni ye tongana bango-li; me atënë ni gi mvene, gi abuba tënë. Awayanga-Nzapa ni afa asioni ti ala, azo ti gbata ti Sion na gigi pepe; ye so alingbi fade ti zi ala na ya ti ngbaa. Biani, atënë ti awayanga-Nzapa ni gi mvene na asenge senge tënë.

Ezekiel 21:21

Yongoro zeme so yanga ni aza zango, kpo zo na mbage ti maboko ti koli! Kpo zo na mbage ti maboko ti wali! Mo kpo zo na ndo so kue le ti mo abaa ndo daa!

Ezekiel 21:29

Ndani laa, tënë so mbi Kota Gbia NZAPA, mbi tene ayeke so: Ala sara si mbi dabe ti mbi na asioni ti ala; na lege ti asarango ye ti ala kue, ngangu li ti ala na siokpari ti ala asigigi polele. So ala sara si a kiri a dabe na asarango ye ti ala ni, fade a yeke gbu ala titene ala ga azo ti kanga.

Ezekiel 34:5

Ataba ni akangbi kirikiri, ngbanga ti so wabatango ala ayeke daa pepe. Ataba ni aga kobe ti anyama kue ti ngonda; ala kangbi kirikiri.

Ezekiel 34:8

Fini ti mbi! Tënë so mbi Kota Gbia NZAPA, mbi tene ayeke so: Azo anzi ataba ti mbi; anyama kue ti ngonda ate ala, ngbanga ti so wabatango ala ayeke daa pepe. Awabatango-taba ni ague, agi peko ti ataba ti mbi pepe. Me ala gi kobe gi ndali ti ala wani, ala gi kobe ndali ti ataba ni pepe.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Mishe 2:12

“*KOTA GBIA atene: ala *ahale ti Jacob, fade mbi yeke bongbi ala kue na ndo oko, mbi yeke bongbi nga tanga ti azo ti Israel so angba na fini so. Mbi yeke zia ala na ndo oko tongana ti so a yeke bongbi ataba na ya ti gbagba ti ala, tongana gba ti anyama so ayeke na ndo ti tengo pere ti ala. Fade go ti ala ayeke wu tongana go ti gba ti azo.

Habakuk 2:18

Yanda so zo amu keke si aleke na ni, kua ti lo ayeke nyen? Wen so zo akporo na wâ si lo leke na limo ti yanda ni so, limo ni ayeke fa tënë ti mvene. Wakode-kua laa aleke aye ni so, ala yeke tene tënë pepe; lo zia be ti lo na ndö ti ayanda ni ngbanga ti nyen?

Zakarii 11:17

Mawa na wabatango-taba so lo hinga ndo pepe, lo so lo do ataba ti lo, lo zia ala so! Ayeke nzoni a de maboko ti lo si a koro le ti lo ti mbage ti koli na ya ti bira! Ayeke nzoni maboko ti lo ahole biani biani, le ti lo ti mbage ti koli amingo biani biani!

Wungo ti azo 27:17

Ayeke nzoni zo ni ayeke zo so alingbi ti tambula na li ti aturugu ti gue na ala na bira, ti kiri na ala si bongbi ti azo ti KOTA GBIA aduti pepe tongana ataba so zo ti batango ala ayeke daa pepe.”

Matthieu 9:36

So lo baa gba ti azo so, mawa agbu be ti lo ndali ti so ngangu atia ala si be ti ala awoko kue; ala yeke tongana ataba so zo ti batango ala ayeke daa pepe.

Marc 6:34

So Jésus asigigi na ya ti ngo ni, lo baa gba ti azo; mawa ti ala agbu lo, ngbanga ti so ala yeke tongana ataba so zo ti batango ala ayeke daa pepe. Tongaso lo fa aye mingi na ala.

Ndia ti fani use ni 13:2

Moïse atene: Mbeni ye tongaso alingbi ti si: mbeni zo ti bango aye na ya ti bango-li, wala mbeni wayanga-Nzapa ayeke londo na popo ti ala; lo lingbi ande ti sara aye ti kpene na aye ti dongo be.

Awafango-ngbanga 18:14

Akoli oku so ague lani abembe ndo na ya ti gbata ti Laish so, ala mu tënë si ala tene na a-ita ti ala: “Ala hinga atene, na ya ti mbeni da so, yanda na aye nde nde ti sambelango nzapa nga na yanda so a kporo wen ti nginza si a sara na ni ayeke daa? Fadeso ala baa ye so ala lingbi ti sara.”