Zakarii 10:11 - Mbeti ti Nzapa - Tënë so amu fini

¹¹ Fade ala yeke fâ kota ngu-ingo ti pasi; mbi KOTA GBIA, mbi yeke pika *amapo ti kota ngu-ingo ni. Ataa agbe ti *bale ti Nil ayeke hole kue. Baba ti azo ti Asirii ayeke ti si komandema ti gbia ti Ezipte ayeke hon.

Zakarii 10:11 ပူးပေါင်းရင်းမြစ်များ

Tongo nda ti aye 8:1

Nzapa adabe ti lo na Noe, na anyama kue ti ngonda, na ala ti kodro so kue ayeke na tere ti lo na ya ti mangboko ni. Nzapa asara si mbeni pupu alondo, aya na ndö ti sese si ngu ni ato nda ti kiri.

2 Agbia 2:14

Lo zi kota bongo ti de so alondo na ndö ti go ti Élie si ati so, lo pika na le ti ngu ni si lo tene: “KOTA GBIA, Nzapa ti Élie ayeke na ndo wa?” Élisée akiri apika le ti ngu ni si ya ti ngu ni akangbi mbage na mbage si lo hon daa.

2 Agbia 2:8

Tongaso, Élie azi kota bongo ti lo ti de, lo rule ni si lo pika na le ti ngu ni. Ya ti ngu ni akangbi mbage na mbage. Ala use kue ahon na mbage ti ngu ni kâ na gere na ndö ti kuru sese.

Esdras 6:22

Na pekoni, na ya ti lango mbarambara, ala sara na ya ti ngia, matanga ti Mapa so a sara na mama ni pepe. KOTA GBIA azia ngia na be ti ala, ngbanga ti so lo sara si be ti gbia Darius aga nzoni na mbage ti ala; ye so asara lani si be ti azo ti Israel awara ngangu si ala kiri ti gbu kua ti lekengo kota da ti Nzapa ti Israel.

Abia (Psaumes) 114:3

Kota ngu-ingo abaa ye ni si akpe; ngu ti Jourdain akiri na peko.

Abia (Psaumes) 114:5

Kota ngu-ingo, nyen laa asara mo si mo kpe so? Ngu ti Jourdain, nyen laa asara mo si mo kiri na peko so?

Ésaïe 14:25

Fade mbi yeke buba ngangu ti azo ti Asirii taa na ya ti kodro ti mbi; mbi yeke do ala na gbe ti gere ti mbi na ndö ti ahoto ti mbi. Ala zia ando anengo kungba na ndö ti azo ti mbi tongana *zuge, fade mbi yeke zi ni. Ala zia ando nengo kungba na ndö ti go ti azo ti mbi, mbi yeke zi ni na ndö ti go ti ala.”

Ésaïe 19:16

Na lango ni so, azo ti Ezipte ayeke ga tongana awali; ala yeke do na mbeto na ndembe so *KOTA GBIA so ayeke na ndö ti dunia kue ayeke yoro maboko ti lo ti be le na ala.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 44:27

Mbi mu yanga na ngu so alinda mingi, mbi tene: ‘Hole! Mbi yeke sara si *abale ti mo ahole nga.’

Ésaïe 51:10

Kota ngu-ingo na kota ngu so alinda mingi so, mo ando laa mo sara si ahole pepe? Mo ando laa mo suru lege na ya ti kota ngu-ingo si azo so mo zi ala awe so ahon daa pepe?

Ésaïe 51:9

Zingo, zingo hio si! Maboko ti *KOTA GBIA, mo fa ngangu ti mo! Zingo tongana ti so mo sara ando, tongana ti so mo sara na ngoi ti azo ti giriri. Mo laa mo fâ ando Rahab pepe? Mo laa mo kpo ando kota sioni nyama so akpa ngunde so pepe?

Ezekiel 30:13

“Tënë so mbi Kota Gbia NZAPA, mbi tene ayeke so: Mbi yeke buba ayanda si mbi yeke zi abuba nzapa so ayeke na gbata ti Manfis. Mbeni makonzi ayeke kiri ti duti na Ezipte pepe; mbi yeke sara titene mbeto amu ya ti kodro ni kue.

Sofonii 2:13

Fade *Kota Gbia ayeke yoro maboko ti lo ti tiri bira na azo ti Banga; lo yeke buba kodro ti Asirii, lo yeke sara si gbata ti Ninive aga ngonda so ahole kasakasa.

Aye so Nzapa afa 16:12

Omene ange ni atuku ye ti ya ti kopo ti lo na ya ti bale ti Efrate. Ngu ni ahole ti leke lege na agbia so alondo na To si ayeke ga.