Zakarii 1:8 - Mbeti ti Nzapa - Tënë so amu fini

⁸ Na bi so, na ya ti mbeni ye tongana bango-li, mbi baa mbeni koli so aduti na ndö ti mbeni mbarata so tere ti lo abe bengo. Mbarata ni ayeke luti na popo ti akeke ti mirte, na popo-hoto, na gbeni kâ. Na peko ti lo, ambeni mbarata ni ayeke daa so tere ti ala abe bengo, tere ti ala avuru tuuu si tere ti ala avuru vurungo.

Zakarii 1:8 ပူးပေါင်းရင်းမြစ်များ

Tongo nda ti aye 20:3

Me na bi, Nzapa asi na Abimelek na ya ti bango-li si atene na lo: “Mo kui awe ndali ti wali so mo mu lo so! Lo yeke wali ti zo.”

Tongo nda ti aye 46:2

Nzapa airi lo na bi na ya ti mbeni ye tongana bango-li, atene: “Jacob! Jacob!” Lo yeda, lo tene: “Mbi laa.”

1 Agbia 3:5

Kâ na Gabaon, na bi, *KOTA GBIA asi na Salomon na ya ti bango-li si atene na lo: “Hunda na mbi ye so mo ye, fade mbi yeke mu ni na mo.”

Néhémie 8:15

Alingbi ala to mbela na tënë ni na ya ti agbata ti ala kue nga na Jérusalem, ala tene: “Ala, azo ti Israel, ala gue na li ti ahoto; ala fâ amaboko ti keke ti olive ti ngonda na ti so a lu ni lungo, amaboko ti keke ti mirte, ti mburu, amaboko ti akeke so kugbe ni ayeke gbani gbani, ala sara na akpangba, alingbi na tënë so a su na ya ti mbeti ti Ndia.”

Mbeti ti Job 4:13

Ye ni asi na bi, na ndembe so azo ayeke baa li ti ala kirikiri, na ndembe so ala kui na lango.

B. ti abia 2:16

Kamba ti be ti mbi ayeke ti mbi si mbi yeke ti lo. Lo gue na anyama ti lo ti te pere na popo ti akongo.

B. ti abia 6:2

Kamba ti be ti mbi ague na yaka ti lo, na ndo so akongo ti yombo ayeke daa. Kâ, lo yeke wara kobe ti lo ti tengo ni si lo yeke ko apendere kongo.

Ésaïe 41:19

Na benyama, fade mbi yeke lu mara ti akeke nde nde, akota ni na akete ni. Ando so ngu ayeke daa pepe, mbi yeke lu na ndo oko mara ti akeke nde nde.

Ésaïe 55:13

Keke ti sipre ayeke sigigi na plase ti keke ti ki, mirte ayeke sigigi na plase ti ki. Ye so ayeke si titene azo agonda KOTA GBIA. Ye so ayeke buba laoko pepe, ayeke ngba lakue lakue ti dabe ti ala na ye so mbi sara.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Daniel 2:19

Na bi, na ya ti mbeni ye tongana bango-li, Nzapa afa na Daniel nda ti ye ti ndima ni. Tongaso Daniel alondo ti gonda Nzapa so ayeke na yayu;

Daniel 7:13

“Mbi ngba ti baa aye so na bi tongana bango-li: mbi baa mbeni ye so akpa zo; zo ni alondo na ya ti mbinda, azu. Lo ga nduru na tere ti mbakoro ni si a mu lo, a gue na lo na dawa ti mbakoro ni.

Daniel 7:2

Lo tene: “Na bi, na ya ti mbeni ye so mbi baa tongana bango-li, mbi baa pupu so alondo na ndangoro osio ti le ti nduzu si ayingi le ti kota ngu-ingo ngangu mingi.

Zakarii 1:10

Lo so lo yeke luti na popo ti akeke ti mirte so amu tënë si atene: “KOTA GBIA atokua ala ti tambula na ndö ti sese.”

Zakarii 1:11

Tongaso, azo ti kpengo na ambarata atene na ange ti KOTA GBIA so ayeke luti na popo ti akeke ti mirte so, atene: “E tambula na ndö ti sese kue, sese ni ayeke kpoo si wusuwusu ayeke daa oko pepe.”

Zakarii 1:7

Na use ngu so Darius ayeke gbia, na lango baleuse na osio ti nze baleoko na oko ni, so ti tene na nze ti Shebat, tënë ti *KOTA GBIA asi na wayanga-Nzapa Zakarii, molenge ti Berekia, molenge ti Ido. Tënë so Zakarii atene ayeke so:

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Wungo ti azo 12:6

Lo tene na ala: “Ala ma tënë ti mbi nzoni. Tongana mbeni wayanga-Nzapa ayeke na popo ti ala, mbi KOTA GBIA, mbi sara si lo hinga, mbi na lege ti mbeni ye tongana bango-li; mbi tene tënë na lo na ya ti bango-li.

Josué 5:13

Mbeni lâ, Josué ayeke nduru na gbata ti Jéricho. Lo ye ti baa ndo tongaso, lo baa mbeni koli ayeke luti na dawa ti lo. Koli ni agbu mbeni yongoro zeme so lo zi ni na ya ti bozo ni awe. Josué ague na tere ti lo si ahunda lo: “Mo yeke na mbage ti e wala mo yeke na mbage ti awato ti e?”

Aye so Nzapa afa 2:1

“Su mbeti so, mo tokua na *ange so ayeke na li ti *Eglize ti gbata ti Efeze: “Baa, lo so lo gbu atongoro mbarambara na maboko ti lo ti koli si ayeke tambula na popo ti agere ti lamba mbarambara so a sara ni na lôro, atene:

Aye so Nzapa afa 6:2

Mbi baa ndo si mbi baa mbeni vuru mbarata. Zo so aduti na ndö ti lo agbu kokora na maboko ti lo; a mu na lo mbeni kpoto ti gbia, lo gue tongana walombe so ahon ndö ti azo na bira awe titene lo kiri lo hon ndö ti azo na bira.

Aye so Nzapa afa 6:4

Tongaso, mbeni mbarata ni asigigi, tere ti lo abe tongana wâ. A mu ngangu na zo so aduti na ndö ti mbarata ni ti zi siriri na ndö ti sese titene azo afâ tere na popo ti ala. A mu nga na lo yongoro zeme.