Zakarii 1:7 - Mbeti ti Nzapa - Tënë so amu fini

⁷ Na use ngu so Darius ayeke gbia, na lango baleuse na osio ti nze baleoko na oko ni, so ti tene na nze ti Shebat, tënë ti *KOTA GBIA asi na wayanga-Nzapa Zakarii, molenge ti Berekia, molenge ti Ido. Tënë so Zakarii atene ayeke so:

Zakarii 1:7 ပူးပေါင်းရင်းမြစ်များ

Zakarii 1:1

Na ngu use ni so Darius ayeke gbia, na nze miombe ni, tënë ti *KOTA GBIA asi na wayanga-Nzapa Zakarii, molenge ti Berekia, molenge ti Ido. Tënë ni atene:

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”

Zakarii 1:8

Na bi so, na ya ti mbeni ye tongana bango-li, mbi baa mbeni koli so aduti na ndö ti mbeni mbarata so tere ti lo abe bengo. Mbarata ni ayeke luti na popo ti akeke ti mirte, na popo-hoto, na gbeni kâ. Na peko ti lo, ambeni mbarata ni ayeke daa so tere ti ala abe bengo, tere ti ala avuru tuuu si tere ti ala avuru vurungo.

Matthieu 23:35

Tongaso, fade ngbanga ti mene ti azo ti mbirimbiri so kue ala fâ ala so ayeke kiri na li ti ala. Kozo zo so a fâ lo ayeke Abel, zo ti mbirimbiri. Tanga ti zo ni ayeke Zakarii, molenge ti Barashii; a fâ ando lo na popo ti ndo so ayeke nzoni kue na ti gbalaka ti *sandaga, na kota da ti Nzapa.