Zakarii 1:5 - Mbeti ti Nzapa - Tënë so amu fini

⁵ Fadeso, akotara ti ala ni ayeke na ndo wa? Awayanga-Nzapa ni angba lakue na fini?

Zakarii 1:5 ပူးပေါင်းရင်းမြစ်များ

2 Agbia 13:14

Élisée ati na kobela, kobela so lo yeke kui na ni. Yoas, gbia ti Israel ague ti baa lo. Lo ba na ndö ti Élisée si lo yeke toto, lo tene: “Babâ ti mbi! Babâ ti mbi! Mo yeke lani tongana apusu ti mbarata ti Israel! Mo yeke tongana azo ti kpengo na ambarata ni!”

2 Agbia 13:20

Élisée akui si a lu lo. Na tongo nda ti fini ngu oko oko, gba ti azo ti nzi ti kodro ti Moab ayeke li na sese ti Israel.

Abia (Psaumes) 90:10

Lango ti fini ti e ayeke si na ngu balembarambara; ti azo so ayeke na ngangu, ayeke si na ngu balemiombe, me ye so e yeke wara daa ayeke pasi na mawa. Ngu ayeke hon hio mingi si e nga, e yeke hon hongo.

Zo ti bongbingo azo 1:4

Azo ti mbeni ngoi ayeke hon, azo ti mbeni ngoi nde ayeke ga; me sese angba ti lo lakue.

Zo ti bongbingo azo 12:5

Na ngoi ni so, fade mbeto ti guengo na li ti hoto ayeke sara zo; kota mbeto ayeke sara zo na ndö ti lege; fade kua ti li ti zo ayeke vuru tongana tukia; tambula ti zo ayeke ne nengo tongana gbadola so ate ye ahon ndoni. Aye so asara si kobe anzere, nzerengo ni ahon. Tongaso laa zo ayeke gue na ndangba ndo ti lango ti lo. Awali so ahinga ti toto kuâ ayeke ku na ndö ti lege ti toto kuâ.

Zo ti bongbingo azo 12:7

Na ngoi ni so, fade tere ti zo ayeke kiri na ya ti fuku ti sese, ngbanga ti so a mu zo na ya ti fuku ti sese. Na pekoni, yingo ayeke kiri na Nzapa so amu yingo na zo.

Jérémie 36:28

“Mu mbeni rulo nde, mo su na le ni atënë so kue mo su na le ti kozo rulo ni so; so ti tene rulo so Yoakim, gbia ti Juda, agbi ni so.

Abia ti demango tere 5:7

Akotara ti e asara ando siokpari, ala yeke daa mbeni pepe; me e laa e yo ngbanga ti asioni ti ala ni.

Jean 8:52

Azuife akiri tënë na lo, atene: “Fadeso e hinga biani so, mo yeke na sioni yingo na ya ti mo! Abraham akui, awayanga-Nzapa nga akui, me ti mo, mo tene: ‘Zo so asara ye alingbi na atënë ti mo, fade lo yeke kui laoko pepe.’

Awatokua 13:36

Na ngoi so David angba na fini, lo sara ye so kue Nzapa aye lo ti sara. Na pekoni lo kui, a lu lo na tere ti akotara ti lo si lo fun.

Ahebro 9:27

A diko na zo kue ti kui gi fani oko, na pekoni, Nzapa ayeke fâ ngbanga na li ti lo.

1 Samuel 25:1

Na ndembe ni so, Samuel akui. Azo ti Israel kue abongbi si atoto kuâ ti lo. A lu lo na kodro ti lo na Rama. Na pekoni, David amu lege ague na benyama ti Paran.