Zakarii 1:17 - Mbeti ti Nzapa - Tënë so amu fini

¹⁷ Ange ni akiri ahunda na mbi ti tene tënë so: Tënë so KOTA GBIA so ayeke na ndö ti dunia kue atene ayeke so: “Fade agbata ti mbi ayeke kiri ti wara anzoni ye ti ala. Mbi yeke kiri ti baa mawa ti Sion si mbi yeke kiri ti soro Jérusalem.”

Zakarii 1:17 ပူးပေါင်းရင်းမြစ်များ

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Néhémie 11:20

Tanga ti azo ti Israel, ala na awayango-sandaga na azo ti mara ti Lévi aduti na ya ti ambeni gbata ti Juda, zo oko oko na sese ti lo wani.

Néhémie 11:3

Amakonzi ti sese ni aduti na Jérusalem. Ti tanga ti azo ti Israel, awayango-sandaga, azo ti mara ti Lévi, azo ti kua ti kota da ti Nzapa na *ahale ti azo ti kua ti gbia Salomon angba na ya ti agbata ti ala wani, zo oko oko aduti na sese ti lo.

Abia (Psaumes) 69:35

Ala ayayu, sese, na akota ngu-ingo, na aye so kue ayeke na ya ni, ala sepela KOTA GBIA!

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 44:26

Mbi yeke sara ye alingbi na tënë so zo ti kua ti mbi atene; mbi yeke sara si apialo so awatokua ti mbi atene tënë ni aga nzoni. Tënë so mbi tene na ndö ti Jérusalem ayeke so: ‘Fade azo ayeke kiri ti lango na ya ni’. Tënë so mbi tene na ndö ti agbata ti Juda ayeke so: ‘Fade a yeke kiri ti leke ni; aye so a kungbi na sese, fade mbi yeke kiri ti leke ni na nduzu.’

Ésaïe 49:13

Yayu, he bia na ngia! Sese, dodo na ngia! Ahoto, ala dekongo na ngia! Biani, KOTA GBIA asara si be ti azo ti lo akiri ade, lo baa mawa ti azo so ayeke baa pasi.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 52:9

Ando ti Jérusalem so abuba so, ala dekongo na ngia! KOTA GBIA ayeke de be ti azo ti lo, lo yeke zi Jérusalem na gbe ti ngbaa.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Ésaïe 66:13

Biani, tongana ti so mama ayeke de be ti molenge ti lo, mbi nga, fade mbi yeke de be ti ala; a yeke de be ti ala na Jérusalem!

Jérémie 31:13

Tongaso, fade amaseka-wali ayeke dodo na ngia, amaseka-koli na ambakoro ayeke sara legeoko tongaso. Mbi yeke sara si mawa ti ala aga ngia, mbi yeke de be ti ala. Na peko ti vundu ti ala, mbi yeke sara si ala duti na ngia.

Jérémie 33:13

Na ya ti agbata ti Kodro-ti-nduzu na ti agbata ti *Kodro-ti-gbeni na ti Negev, na sese ti Benjamin, na ya ti akodro so angoro Jérusalem nga na ya ti agbata ti Juda, fade ataba na angasa ayeke kiri na gbe ti maboko ti wabatango ala so ayeke diko ala”; tënë so KOTA GBIA atene laa.

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Ezekiel 36:33

“Tënë so mbi Kota Gbia NZAPA, mbi tene ayeke so: Na lango so mbi yeke *sukula asioni ti ala kue, mbi yeke sara titene azo akiri asi singo na ya ti agbata; aye so lani abuba, a yeke kiri ti leke ni.

Amos 9:14

Fade mbi yeke sara si gigi ti azo ti Israel, azo ti mbi, akiri aga nzoni, ala yeke kiri ti leke agbata so abuba so, ala yeke lango na ya ti agbata ni, ala yeke fâ ayaka ti vinye, ala yeke nyon vin ni; ala yeke fâ ayaka si ala yeke te akobe ni.

Abdias 1:20

Azo ti Israel so a gbu ala na ngbaa ayeke ga tongana gba ti aturugu si ayeke mu sese so alondo na Kanaan ague ngbii asi na Sarepta. Azo ti Jérusalem so a gbu ala na ngbaa si a gue na ala na Sefarad ayeke mu agbata so ayeke na mbage ti Mbongo.

Zakarii 1:14

*Ange so ayeke tene tënë na mbi so ahunda na mbi ti tene tënë ti *KOTA GBIA so ayeke na ndö ti dunia kue so na azo, atene: “Mbi yeke sara mbanda ti Jérusalem na ti hoto ti *Sion mingi.

Zakarii 2:12

KOTA GBIA so ayeke na ndö ti dunia kue - lo so lo tokua mbi na amara so anzi aye ti ala kue, azo ti Sion, tënë so lo tene ayeke so: “Zo so andu ala, andaa lo ndu mboma ti le ti mbi awe.

Zakarii 2:4

Mbi hunda ndo, mbi tene: “Ala ga ti sara nyen?” Lo kiri tënë na mbi, lo tene: “Azo ti pikango ndao ni aga ti zia mbeto nga ti tumba angangu mara so akangbi azo ti Juda na ando nde nde; mbeni zo oko so agbu le ni na angangu mara ni ayeke daa pepe.”

Zakarii 3:2

Ange ti KOTA GBIA atene na Satan: “Satan, ayeke nzoni KOTA GBIA akanga yanga ti mo! Biani, ayeke nzoni KOTA GBIA akanga yanga ti mo; lo so lo soro Jérusalem so. Ti Yeshua, lo yeke tongana mbeni nduru keke ti wâ so a gboto ni na le ti wâ asigigi na ni awe pepe?”

Efeze 1:4

Kozo si dunia abaa gigi, Nzapa asoro e titene e ga azo ti lo na lege ti gango so e ga oko na Christ, tongaso si e ga azo so ayeke nde si ayeke nzoni kue, azo so na le ti lo, tënë ayeke na li ti ala pepe. Na lege ti ndoye ti lo,