Zakarii 1:14 - Mbeti ti Nzapa - Tënë so amu fini

¹⁴ *Ange so ayeke tene tënë na mbi so ahunda na mbi ti tene tënë ti *KOTA GBIA so ayeke na ndö ti dunia kue so na azo, atene: “Mbi yeke sara mbanda ti Jérusalem na ti hoto ti *Sion mingi.

Zakarii 1:14 ပူးပေါင်းရင်းမြစ်များ

Ésaïe 37:32

Biani, tanga ti azo so angba na fini ayeke sigigi na Jérusalem, azo so awara lege ti kpe ayeke londo na ndö ti hoto ti *Sion.” Baa, ye so *KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Ésaïe 38:22

Ezekias ahunda ndo, atene: “Nyen laa ayeke fa na mbi atene, fade mbi yeke kiri ti gue na ya ti kota da ti KOTA GBIA?”

Ésaïe 40:1

Nzapa ti ala atene: Ala de be ti azo ti mbi, ala de be ti azo ni.

Ésaïe 40:2

Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 40:6

Mbeni go atene: “Dekongo!” Me mbi kiri tënë: “Mbi dekongo ni, mbi tene nyen?” Go ni akiri atene: “Azo kue ayeke tongana pere, pendere ti ala ayeke tongana kongo ti ngonda.

Ésaïe 42:13

KOTA GBIA ayeke sigigi tongana kpengba turugu; lo yeke tongana zo ti tiringo bira so nzara ti tiringo bira ayeke kporo kporongo na be ti lo. Lo dekongo ti bira, lo dekongo ngangu si lo hon ndö ti awato ti lo.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Ésaïe 63:15

*KOTA GBIA, na yayu kâ, zi le ti mo, mo baa ndo. Na pendere ndo ti mo so ayeke nde si ayeke nzoni kue, baa ye so asi na e: ndoye so ayeke gbi be ti mo tongana wâ ndali ti e, ayeke na ndo wa? Ngangu ti mo ayeke na ndo wa? Mo ke ti baa mawa ti e, mo ke ti sara nzoni be na e awe?

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Ezekiel 36:5

tënë so mbi Kota Gbia NZAPA, mbi tene ayeke so: Mbi deba yanga ti mbi! Na lege ti ngonzo ti mbi so alondo tongana wâ, mbi tene tënë so na tere ti amara nde nga na tere ti Edom kue, ngbanga ti so ala mu sese ti mbi ti ga ye ti ala. Be ti ala asi singo lani na ngia, ala baa kodro ti mbi tongana mbumbuse ye si ala nzi ando so anyama ayeke te pere daa.

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Joël 2:18

Yengo so *KOTA GBIA aye na kodro ti lo so agbu be ti lo mingi, lo baa mawa ti azo ti lo.

Nahum 1:2

*KOTA GBIA ayeke Nzapa so ayeke sara mbanda, lo yeke kiri peko ti sioni na azo so asara sioni na lo. KOTA GBIA ayeke kiri peko ti sioni na azo so ake lo; ngonzo ti lo ayeke sioni mingi. Lo yeke kiri peko ti sioni na awato ti lo, ngonzo ti lo ayeke londo tongana wâ na tere ti ala.

Zakarii 1:13

Tongaso, KOTA GBIA akiri atënë ti mungo ngangu na be nga na atënë ti dengo be na ange so ayeke tene tënë na mbi so.

Zakarii 1:17

Ange ni akiri ahunda na mbi ti tene tënë so: Tënë so KOTA GBIA so ayeke na ndö ti dunia kue atene ayeke so: “Fade agbata ti mbi ayeke kiri ti wara anzoni ye ti ala. Mbi yeke kiri ti baa mawa ti Sion si mbi yeke kiri ti soro Jérusalem.”

Zakarii 1:9

Mbi hunda koli ni, mbi tene: “Kota zo, ambarata so aye ti fa nyen?” *Ange so ayeke tene tënë na mbi so akiri tënë na mbi, atene: “Mbi yeke fa nda ni na mo.”

Zakarii 4:1

*Ange so ayeke tene tënë na mbi so akiri aga si lo zingo mbi tongana ti so a yeke zingo zo na lango.