Zakarii 1:12 - Mbeti ti Nzapa - Tënë so amu fini

¹² Na pekoni, ange ti KOTA GBIA akiri amu tënë si atene: “KOTA GBIA, mo so mo yeke na ndö ti dunia kue so, asara fadeso ngu balembarambara awe so mo sara ngonzo na tere ti gbata ti Jérusalem na agbata ti Juda. Mo yeke ku ngbii asi lawa si mo yeke baa mawa ti ala?”

Zakarii 1:12 ပူးပေါင်းရင်းမြစ်များ

2 Mbai 36:21

Tongaso tënë so KOTA GBIA atene na lege ti wayanga ti lo Jérémie aga taa-tënë: “Fade azo ayeke ngba na ya ti kodro ni pepe na ya ti ngu balembarambara ngbii ngoi ti wungo tere ti kodro ni alingbi. Ye ni ayeke mu plase ti ngoi ti wungo tere so lani ala sara ye alingbi na ni pepe so.”

Abia (Psaumes) 102:10

Mburu ti wâ aga kobe ti mbi ti tengo ni, ye so kue mbi yeke nyon abongbi na ngu ti le ti mbi.

Abia (Psaumes) 102:13

Me ti mo KOTA GBIA, mo yeke ngba gbia kpu na kpu si azo ti angoi kue ayeke dabe ti ala na mo.

Abia (Psaumes) 69:5

Azo so be ti ala ake mbi senge senge so, wungo ti ala ayeke mingi ahon wungo ti kua ti li ti mbi. Azo so aye ti mingo mbi si be ti ala ake mbi senge senge so, ala yeke na ngangu mingi. Ye so mbi nzi ni pepe, mbi lingbi ti kiri na ni tongana nyen?

Abia (Psaumes) 74:10

Nzapa, zo ti kengo mo ayeke ngba ti zonga mo ngbii asi lawa? Fade wato ayeke ngba ti zonga iri ti mo lakue?

Abia (Psaumes) 79:5

*KOTA GBIA, ngonzo ayeke ngba ti sara mo ngbii asi lawa? Sarango mbanda ti mo so ayeke gbi zo tongana wâ so ayeke ngba ngbii asi lawa?

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Jérémie 12:4

Kodro ni ayeke ngba na mua ngbii asi lawa? Apere ti ayaka kue ayeke ngba ti hole ngbii asi lawa? Ndali ti sioni ti azo ti kodro ni, anyama na andeke ayeke kui kue. Azo ni ayeke tene: “Jérémie ayeke hunzi kozo ti e.”

Jérémie 15:17

Mbi duti pepe na ya ti bongbi ti azo ti hengo ndo titene mbi na ala, e sara ngia. Me mo gbu mbi na ngangu awe si mbi duti gi mbi oko yamba, ngbanga ti so mo sara si be ti mbi aso ahon ndoni.

Jérémie 29:10

“Tënë so KOTA GBIA akiri atene ayeke so: ‘Tongana ngu balembarambara so a diko ndali ti Babilone so ahon awe, mbi yeke ga ti baa lege ti ala; nzoni ye so mbi mu zendo ti sarango ni na ala, fade mbi yeke sara ni: mbi yeke kiri na ala ge na Jérusalem.

Jérémie 30:18

Tënë so KOTA GBIA atene ayeke so: “Fade mbi yeke sara si azo ti da ti Jacob akiri na kozo ndo ti ala; mbi yeke baa mawa ti da ti ala. Gbata so lani abuba, a yeke kiri ti leke ni na ndö ti angbene da so atuku na sese; a yeke kiri ti sara apendere da gi na oko ndo so lani ada ni ayeke daa so.

Daniel 12:6

Mbeni oko atene na lo so ayu bongo ti *len si lo luti na ndö ti ngu so, atene: ‘Aye ti kpene so ayeke hunzi lawa?’

Daniel 9:2

Na kozo ngu so lo ga gbia, mbi Daniel, mbi yeke gi na ya ti Mbeti ti Nzapa titene mbi hinga wungo ti ngu so KOTA GBIA atene tënë ni na wayanga-Nzapa Jérémie. Na ya ti angu so laa gbata ti Jérusalem ayeke ngba na bubango ni; wungo ti ngu ni kue ayeke balembarambara.

Habakuk 1:2

*KOTA GBIA, mbi dekongo na mo ti mu maboko na mbi aninga awe; mo yeke ma mbi pepe ngbii asi lawa? Mbi dekongo na mo, mbi tene: “Sarango ngangu na azo ahon ndoni!”, me mo zi azo ni pepe.

Zakarii 1:8

Na bi so, na ya ti mbeni ye tongana bango-li, mbi baa mbeni koli so aduti na ndö ti mbeni mbarata so tere ti lo abe bengo. Mbarata ni ayeke luti na popo ti akeke ti mirte, na popo-hoto, na gbeni kâ. Na peko ti lo, ambeni mbarata ni ayeke daa so tere ti ala abe bengo, tere ti ala avuru tuuu si tere ti ala avuru vurungo.

Zakarii 7:5

Mo tene na azo ti kodro ni kue nga na awayango-sandaga, mo tene: “Asara laso ngu balembarambara awe so ala yeke ke kobe si ala yeke toto na nze oku ni nga na nze mbarambara ni; ala sara aye ni so ndali ti mbi?

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Aye so Nzapa afa 6:10

Azo ni ayeke dekongo ngangu, atene: “Gbia, mo so mo yeke nde si mo yeke nzoni kue, mo yeke tene gi taa-tënë; mo yeke ku ande ngbii asi lawa si mo yeke fâ ngbanga na li ti azo ti ndö ti sese titene mo kiri na ala peko ti mene ti e so ala tuku so?”