Zakarii 1:11 - Mbeti ti Nzapa - Tënë so amu fini

¹¹ Tongaso, azo ti kpengo na ambarata atene na ange ti KOTA GBIA so ayeke luti na popo ti akeke ti mirte so, atene: “E tambula na ndö ti sese kue, sese ni ayeke kpoo si wusuwusu ayeke daa oko pepe.”

Zakarii 1:11 ပူးပေါင်းရင်းမြစ်များ

Mbeti ti Job 1:7

KOTA GBIA ahunda Satan, atene: “Mo londo na ndo wa?” Satan akiri tënë: “Mbi fono, mbi baa ndö ti sese si mbi ga so.”

Abia (Psaumes) 68:17

Ngbanga ti nyen si mo hoto so li ti mo ayeke mingi mingi so, mo zia be na hoto so Nzapa asoro titene lo duti na ndö ni so? Biani, fade KOTA GBIA ayeke duti na ndö ni kpu na kpu.

Ésaïe 14:7

Fadeso, sese kue awu tere si aduti kpoo. Azo ayeke dekongo na ngia.

Daniel 10:20

Lo hunda mbi, lo tene: ‘Mo hinga nda ni so mbi ga na mbage ti mo? Fadeso mbi yeke kiri ti tiri bira na ange so ayeke bata kodro ti Perse. Gi so mbi sigigi ti gue, ange so ayeke bata kodro ti Grese asi.

Zakarii 1:10

Lo so lo yeke luti na popo ti akeke ti mirte so amu tënë si atene: “KOTA GBIA atokua ala ti tambula na ndö ti sese.”

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Zakarii 1:8

Na bi so, na ya ti mbeni ye tongana bango-li, mbi baa mbeni koli so aduti na ndö ti mbeni mbarata so tere ti lo abe bengo. Mbarata ni ayeke luti na popo ti akeke ti mirte, na popo-hoto, na gbeni kâ. Na peko ti lo, ambeni mbarata ni ayeke daa so tere ti ala abe bengo, tere ti ala avuru tuuu si tere ti ala avuru vurungo.

Zakarii 6:7

Ambarata so tere ti ala abe tuuu so aga si be ti ala ayeke do dongo ti tambula na ndö ti sese. Tongaso, KOTA GBIA amu yanga na ala, atene: “Ala gue, atambula na ndö ti sese!” Apusu ti mbarata ni atambula na ndö ti sese.

Matthieu 13:41

fade Molenge ti Zo ayeke tokua a-ange ti lo, ala yeke mu azo so ayeke sara si amba ti ala ayeke ti na ya ti siokpari nga na azo so ayeke sara aye ti sioni, ti sigigi na ala na ya ti *Kodro-gbia ti yayu,

Matthieu 13:49

Na lango ti ndani, fade ye ni ayeke duti ande tongaso: *a-ange ayeke ga ti kangbi popo ti asioni zo na anzoni zo.

Matthieu 25:31

“Na ndembe so *Molenge ti Zo ayeke ga ande na ya ti gonda ti lo na *a-ange ti lo kue na tere ti lo, lo yeke duti na ndö ti mbata ti lo ti gbia so ayeke mbata ti gonda.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

Aye so Nzapa afa 1:1

Mbeti so afa tënë ti aye so Jésus Christ afa na Jean na ya ti mbeni ye tongana bango-li. Nzapa amu lege na Christ ti fa ni si azo ti kua ti lo ahinga ye so Nzapa aleke titene asi fafadeso. Christ atokua *ange ti lo ti fa ye ni na Jean.