Tongo nda ti aye 7:2 - Mbeti ti Nzapa - Tënë so amu fini

² Na popo ti anyama so ayeke *nzoni, fade mo mu akoli ni mbarambara, awali ni mbarambara; koli ni na wali ni. Na popo ti ala so ayeke *sioni, mo mu koli ni oko na wali ni oko.

Tongo nda ti aye 7:2 ပူးပေါင်းရင်းမြစ်များ

Tongo nda ti aye 7:3

Na popo ti andeke ti nduzu, mo mu nga akoli ni mbarambara, awali ni mbarambara; koli ni na wali ni. Tongaso si amara ti anyama ni so angba ti du na ndö ti sese.

Tongo nda ti aye 7:8

Anyama so ayeke *nzoni na ala ti kodro so ayeke *sioni, andeke, na aye so kue ayeke tambula na sese,

Tongo nda ti aye 8:20

Noe aleke mbeni gbalaka ndali ti KOTA GBIA. Na popo ti anyama so kue ayeke *nzoni, na andeke so kue ayeke *nzoni, lo mu oko na ya ti mara oko oko ti mu na *sandaga so a yeke gbi ni kue na wâ na KOTA GBIA na ndö ti gbalaka ni.

Ezekiel 44:23

“Awayango-sandaga ayeke fa na azo ti mbi ti hinga popo ti ye so ayeke nde si ayeke nzoni kue nga na ye so ayeke senge ye. Ala yeke fa nga na azo ni ti hinga popo ti ye so ayeke *sioni na ye so ayeke *nzoni.

Awayango-sandaga 10:10

Ala nyon samba pepe, tongaso si ala lingbi ti kangbi popo ti ye so ayeke ti Nzapa na ye so ayeke ti Nzapa pepe, ye so ayeke *nzoni na ye so ayeke *sioni.