Tite 3:5 - Mbeti ti Nzapa - Tënë so amu fini

⁵ lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

Tite 3:5 ပူးပေါင်းရင်းမြစ်များ

Mbeti ti Job 15:14

Zo ayeke nyen si lo tene ni yeke *nzoni? Zo so wali adu lo ayeke nyen si lo tene ni yeke mbirimbiri?

Mbeti ti Job 25:4

Zo alingbi ti tene ni yeke zo ti mbirimbiri na le ti Nzapa tongana nyen? Zo so wali adu lo, lo lingbi ti tene ni yeke *nzoni tongana nyen?

Mbeti ti Job 9:20

Ataa mbi yeke mbirimbiri, fade tënë ti yanga ti mbi ayeke fâ ngbanga na li ti mbi. Ataa mbi sara sioni pepe, fade a tene, mbi sara sioni.

Abia (Psaumes) 130:7

Azo ti Israel, ala zia be ti ala ti ku KOTA GBIA, ngbanga ti so lo yeke na nzoni be; lege so lo yeke soo na azo ayeke gbani gbani.

Abia (Psaumes) 143:2

Mbi yeke zo ti kua ti mo, fâ ngbanga na li ti mbi pepe, ngbanga ti so na le ti mo, zo ti mbirimbiri ayeke daa pepe.

Abia (Psaumes) 51:10

Sara si mbi ma atënë ti ngia si tere ti mbi anzere. Tongaso si mbi so mo kungbi mbi awe, mbi londo ti dodo.

Abia (Psaumes) 62:12

Fani mingi mbi ma Nzapa atene: “Ngangu ayeke ti mbi Nzapa.”

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Ésaïe 57:12

Me mbi yeke sigigi na nda ti mo polele. Aye so mo yeke sara si mo baa mo tene, ayeke nzoni so, mo yeke wara ye ti peko ni oko pepe.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Nzoni Tënë so Luc asu na mbeti 1:50

Lo yeke sara nzoni be kpu na kpu na azo so akpe mbeto ti lo.

Nzoni Tënë so Luc asu na mbeti 1:54

Lo ga, lo mu maboko na azo ti Israel so ayeke azo ti kua ti lo; lo dabe ti lo na nzoni be ti lo

Nzoni Tënë so Luc asu na mbeti 1:72

Lo sara nzoni be na akotara ti e ti dabe ti lo na *mbuki ti lo so ayeke nde si ayeke nzoni kue.

Nzoni Tënë so Luc asu na mbeti 1:78

Nzapa ti e ayeke sara nzoni be mingi: lo sara si lumiere so alondo na yayu aza na ndö ti e tongana lâ ti ndaperere.

Rome 11:14

ti sara si, tongana lege ayeke daa, azo ti mara ti mbi asara kota be si mbi soo ambeni na popo ti ala.

Rome 11:6

Nzapa asoro azo na lege ti nzoni be ti lo, lo soro ala ndali ti sarango ye ti ala pepe. Tongaso pepe, ka nzoni be ti Nzapa angba nzoni be mbeni pepe.

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Rome 3:28

Biani, e lingbi ti tene tongaso: zo ayeke ga mbirimbiri na le ti Nzapa na lege ti mabe, me ndali ti sarango ye ti lo na lege ti Ndia pepe.

Rome 4:5

Me zo so asara kua pepe si lo ma na be na Nzapa so ayeke sara titene azo ti sioni aga azo ti mbirimbiri, fade mabe ti lo ayeke sara si Nzapa abaa lo tongana zo ti mbirimbiri.

Rome 9:11

Andaa ye so Nzapa aleke na be ti lo ayeke ti soro zo: lo yeke soro zo ndali ti sarango ye ti lo pepe, me tongana ti so be ti lo aye; lo laa lo yeke iri zo. Titene Nzapa abata tënë ti yanga ti lo, lo tene na Rébecca: “Fade kozo molenge ti mo ayeke sara kua na gbe ti ngambe ni.” Nzapa atene tënë ni kozo titene Rébecca adu amolenge ni, andaa ala de ti sara nzoni wala sioni pepe.

Rome 9:16

Nzapa ayeke sara nzoni be na zo ndali ti ye so zo ni wani aye pepe wala ndali ti ngangu so zo ni ayeke sara pepe, me Nzapa ayeke sara nzoni be na zo ndali ti so lo baa mawa ti lo.

Rome 9:30

Tongaso, fade e yeke tene nyen? Fadeso azo ti amara nde aga mbirimbiri na le ti Nzapa awe ndali ti so ala ma na be. Andaa titene ala ga mbirimbiri, ala gi ando lege ni pepe.

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

Galasii 2:16

Me ye so e hinga ayeke so: zo aga mbirimbiri na le ti Nzapa gi na lege so lo ma na be na Jésus Christ, me sarango ye alingbi na *Ndia pepe. E nga, e ma na be na Jésus Christ awe, e ga mbirimbiri na le ti Nzapa na lege ti mabe; sarango ye alingbi na Ndia laa asara si e ga mbirimbiri pepe. Biani, sarango ye alingbi na Ndia laa asara si zo oko aga mbirimbiri na le ti Nzapa pepe.

Efeze 2:4

Me Nzapa abaa mawa ti e ahon ndoni, lo ye e mingi.

Efeze 4:23

Alingbi ala zia lege titene be ti ala na yingo ti ala aga fini ni.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Ndia ti fani use ni 9:5

Ala azo ti Israel, tongana ala wara lege ti mu sese ti azo ti mara ni titene aga ti ala, ayeke ngbanga ti mbirimbiri ti ala pepe wala ayeke ngbanga ti so be ti ala ayeke mbirimbiri. Me KOTA GBIA ayeke tumba azo ni, ngbanga ti so sarango ye ti ala ayeke sioni. Lo yeke tumba nga azo ni ti sara si zendo so lo mu ando na akotara ti ala Abraham, Isaac na Jacob aga taa-tënë.

Kolose 3:10

Ala yu fini dutingo ti zo awe tongana ti so zo ayeke yu fini bongo. Nzapa so asara ala si ala ga afini zo, lo yeke sara titene ala ngba lakue ti ga tongana lo, tongaso si ala yeke hinga lo mbirimbiri.

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.

Tite 3:4

Me na ndembe so Nzapa, Wasongo e, afa nzoni be ti lo na azo si lo fa nga yengo so lo ye azo na ni,

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.

Ahebro 6:6

Ataa so kue gbaa, ala kiri na sioni lege ti sarango ye ti ala ti kozoni. Lege titene a sara si ala kiri azia ngbene lege ti sarango ye ti ala ayeke daa oko pepe. Biani, ala kiri akanga Molenge ti Nzapa na ndö ti keke ti kroa si ala sara titene azo azonga lo.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.