Tite 3:3 - Mbeti ti Nzapa - Tënë so amu fini

³ E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Tite 3:3 ပူးပေါင်းရင်းမြစ်များ

Tongo nda ti aye 38:9

Onan ahinga so fade molenge ni ayeke ande ti lo pepe. Nilaa tongana lo na wali ti ita ti lo ni ayeke duti, lo yeke tuku ngu ti tere ti lo na sese; tongaso si lo du molenge na iri ti ita ti lo pepe.

Tongo nda ti aye 39:16

Lo bata bongo ti Joseph na tere ti lo ngbii koli ti lo akiri na da.

Abia (Psaumes) 36:2

Mbi dabe ti mbi na tënë ti yanga ti zo ti sioni; ti lo, Nzapa ayeke zo wa si lo kpe mbeto ti lo.

Amato 8:5

Ala azo so le ti ala ahan pepe so, ala gi lege ti hinga ye. Ala so ahinga ndo pepe so, ala manda lege ti duti na hingango ndo.

Amato 9:6

Ala zia lege ti azo so le ti ala ahan pepe so si fade ala duti na fini! Ala mu lege so ala lingbi ti wara hingango ye daa!”

Ésaïe 44:20

Azo ni so amu tere ti ala gi na senge mburu ti wâ; gbungo-li ti ala ti kirikiri asara si ala girisa lege. Nzapa ti ala ni alingbi ti zi ala pepe. Me azo ni wani ayeke tene pepe: “Ye so ayeke na ya ti maboko ti mbi so, ayeke gi ye ti mvene.”

Abdias 1:3

Baba ti mo so mo yeke sara mingi so ahanda ala awe! Mo yeke lango na popo ti akota têne, mo sara ndo ti lango ti mo na ndo so ayeke na nduzu si mo yeke tene na be ti mo, mo tene: ‘Zo wa laa alingbi ti mu mbi ti bi mbi na sese, zo wa?’

Matthieu 21:29

Lo kiri tënë na babâ ti lo, lo tene: ‘Mbi ye pepe’; me na pekoni, be ti lo aso ndali ti tënë so lo tene so si lo gue na yaka ni.

Nzoni Tënë so Luc asu na mbeti 21:8

Jésus akiri tënë, atene: “Ala sara hange si mbeni zo ahanda ala pepe! Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke tene nga, atene: ‘Ngoi ni alingbi awe!’ Ala azo ti mbi, ala mu peko ti azo ni so pepe!

Jean 8:34

Jésus atene na ala: “Biani, mbi tene na ala taa-tënë: zo so asara siokpari aga ngbaa ti siokpari awe.

Rome 11:30

Ando, ala azo ti amara nde, ala ke yanga ti Nzapa; me fadeso, Nzapa abaa mawa ti ala, ndali ti so azuife ama yanga ti lo pepe.

Rome 6:12

Nilaa, alingbi siokpari akiri ale-gbia pepe na ndö ti tere ti ala so ayeke kui ande kuingo so, tongaso si ala sara ye na lege ti asioni nzara ti be ti ala pepe.

Rome 6:17

E mu singila na Nzapa: ando, ala yeke angbaa ti siokpari, me fadeso, ala yeda na be ti ala kue na taa-tënë so a fa na azo kue si ala, azo ti Rome, ala yeda nga na ni.

Rome 6:22

Ti fadeso, Nzapa azi ala na gbe ti ngbaa ti siokpari awe si ala ga angbaa ti lo. Ye so ala yeke wara na peko ni ayeke fini so a zia nde ndali ti Nzapa si na ndani, ayeke fini so angba lakue lakue.

Rome 6:6

E hinga so dutingo ti e ti kozo akui legeoko na Christ na ndö ti keke ti kroa awe. Tongaso sioni nzara ti be ti e akui nga si e kiri e duti na gbe ti ngbaa ti siokpari pepe.

2 Korente 12:20

Mbeto asara mbi titene tongana mbi si na ala kâ, mbi baa dutingo ti ala ayeke nde na ti so be ti mbi aye si ala nga, ala baa dutingo ti mbi ayeke nde na ti so be ti ala aye. Mbeto asara mbi titene aye tongaso aduti na popo ti ala: papa, kota be, ngonzo, kangbingo tere, zongango zo na asioni tënë, fonongo na iri ti zo, baba, sarango aye ti wusuwusu.

Galasii 6:3

Zo so ayeke gi senge zo si lo yeke baa tere ti lo tongana kota zo, andaa lo yeke handa tere ti lo wani!

Kolose 1:21

Ala, azo ti Nzapa, ala yeke ando azo so akangbi na lo, ala yeke awato ti lo ndali ti sioni tënë ti be ti ala nga na aye ti kirikiri so ala sara.

Kolose 3:7

Ala a-ita, ala yeke sara ando mara ti aye tongaso na ndembe so siokpari ayeke lani ye ti tere ti ala.

2 Timothée 3:13

Ti azo ti sioni na azo ti handango amba ti ala, fade ala yeke ngba ti sara sioni ti gue na ni; ala yeke handa azo si azo ayeke handa nga ala.

2 Timothée 3:6

Ambeni zo na popo ti ala ayeke li na ya ti ada, ala yeke wara ngangu ti ala na ndö ti awali so akpengba pepe, awali so siokpari ahon ndö ti ala si nzara ti asioni ye nde nde ayeke na be ti ala;

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Tite 2:12

Nzoni be ti lo afa na e titene e zia lege ti kengo Nzapa, e zia nzara ti aye ti gigi so. Tongaso, na lege ti dutingo ti e, e sara ye ahon ndoni pepe, me na legeni, e sara ye ti mbirimbiri, e ngba ti gbu tënë ti Nzapa ngangu

Jacques 1:26

Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

1 Pierre 1:14

Ala sara ye tongana amolenge so ayeke ma ndo. Ala sara ye pepe na lege ti anzara ti be ti ala so ala yeke na ni ando, na ngoi so ala de ti hinga ndo pepe so.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Aye so Nzapa afa 13:14

Lo handa azo ti ndö ti sese na lege ti aye ti kpene so lo sara na dawa ti nyama ti kota ngu-ingo; lo sara ni na ngangu so a mu na lo. Lo tene na azo ti leke mbeni limo ndali ti nyama ti kota ngu-ingo so awara ka ti yongoro zeme si lo ngba na fini so.

Aye so Nzapa afa 18:2

Lo dekongo ngangu, lo tene: “Lo ti awe! Babilone, kota gbata ati awe! Lo ga fadeso ndo ti duti ti asioni yingo, ti ayingo ti kirikiri; lo ga ndo ti hondengo tere ti asioni ndeke kue nga na andeke so azo ake ala.