Tite 3:15 - Mbeti ti Nzapa - Tënë so amu fini

¹⁵ Azo so kue ayeke na tere ti mbi ge abara mo. Mo bara amba ti e so e na ala, e ye tere si ala ma na be tongana e so. Ayeke nzoni Nzapa asara nzoni be na ala kue!

Tite 3:15 ပူးပေါင်းရင်းမြစ်များ

Matthieu 5:47

Tongana ala yeke bara gi a-ita ti ala, ye so ala sara ahon tanga ti azo na ni ayeke nyen? Azo so ahinga Nzapa pepe ayeke sara nga tongaso pepe?

Awatokua 20:34

Ala wani ahinga atene, mbi sara kua na maboko ti mbi wani si mbi na amba ti mbi, e wara aye so atia e.

1 Korente 16:23

Ayeke nzoni Kota Gbia Jésus asara nzoni be na ala!

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Kolose 4:18

Mbi Paul, mbi wani laa, mbi su atënë so: mbi bara ala. Ala dabe ti ala so mbi yeke na da ti kanga! Ayeke nzoni Nzapa asara nzoni be na ala!

1 Timothée 1:2

Mbi tokua mbeti so na mo Timothée so mo yeke taa molenge ti mbi na lege ti mabe. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

2 Timothée 4:22

Ayeke nzoni *Kota Gbia aduti na mo! Ayeke nzoni Nzapa asara nzoni be na ala!

Philémon 1:5

Biani, mbi ma tënë ti yengo so mo ye na azo ti Nzapa nga na tënë ti mabe ti mo na ndö ti *Kota Gbia Jésus.

Ahebro 13:25

Ayeke nzoni Nzapa asara nzoni be na ala kue!

3 Jean 1:1

Mbi *kangba, mbi tokua mbeti so na Gaius so mbi ye lo mingi, mbi ye lo na be ti mbi kue.